ខេត្ដកណ្ដាល ៖ យុវជនម្នាក់បានស្លាប់ភ្លាមៗ៣នៅកន្លែងកើតហេតុ ដោយសារតែអ្នកបើកបររថយន្ដស៊េរីទំនើបមានសភាពស្រវឹងបើកដេញបុកជនរងគ្រោះដែលជិះម៉ូតូចំពីក្រោយពេញទំហឹង បណ្ដាលឱ្យជនរងគ្រោះខ្ទាតទៅផ្ទប់របាំងថ្មចែកទ្រូងផ្លូវហើយម៉ូតូជនរងគ្រោះកៀបជាប់ជាមួយរថយន្ដអូសចម្លាយ៣០០ម៉ែត្រទើបរថយន្ដឈប់ ។ ភ្លាមៗនោះប្រជាពលរដ្ឋបានមកចោមរោមរថយន្ដបង្ក ហើយអ្នកបើកបរក៏នៅទីនោះដែរ មួយសន្ទុះក្រោយមកមានមន្ដ្រីនគរបាលមួយរូបបានដឹកអ្នកបើកបររំដោះចេញ រួចប្រគល់សោរថយន្ដឱ្យមន្ដ្រីនគរបាលរូបនោះ ។ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៧ ថ្ងៃទី១៤ ខែកក្កដា ឆ្នាំ២០១២ តាមបណ្ដោយផ្លូវជាតិលេខ១ ក្នុងភូមិស្លាបតាឱន ឃុំគគីរ ស្រុកកៀនស្វាយ ខេត្ដកណ្ដាល ។
រថយន្ដបង្កម៉ាកតូយ៉ូតាទុនត្រា ពណ៌ស ពាក់ស្លាកលេខ ខេមរភូមិន្ទ០២ ២-៨១៦៨ ។ ជនរងគ្រោះដែលរថយន្ដទំនើបដេញបុកពីក្រោយមានឈ្មោះ ភូ អ៊ាវ ហៅ ចំណាប់ ភេទប្រុស អាយុ២៣ឆ្នាំ មានទីលំនៅភូមិល្វាសក្រោម ឃុំល្វាស ស្រុកល្វាឯម ខេត្ដកណ្ដាល ។
ប្រជាពលរដ្ឋដែលឃើញហេតុការណ៍បានឱ្យដឹងថា មុនពេលកើតហេតុជនរងគ្រោះជិះម៉ូតូហុងសេ១២៥ ស៊េរី២០១២ ពណ៌ខ្មៅតែម្នាក់ឯង ពីកៀនស្វាយចូលមកភ្នំពេញ បានបើកជែងរថយន្ដទំនើបពណ៌សយ៉ាងលឿន ខណៈនោះអ្នកបើករថយន្ដទំនើបខឹងសម្បារដោយសារមានជាតិស្រាក្នុងខ្លួន ក៏បានបន្ថែមល្បឿងដេញតាមម៉ូតូពីក្រោយ រហូតដល់ចំណុចកើតហេតុបុកពីក្រោយពេញទំហឹងតែម្ដង មើលទៅដូចក្នុងរឿងខ្សែភាពយន្ដអ៊ីែចឹង ។
បន្ទាប់ពីបុកហើយជនរងគ្រោះបានខ្ទាតបោកទៅលើទ្រូងផ្លូវស្លាប់ភ្លាមៗតែម្ដង ។ ចំណែកម៉ូតូត្រូវរថយន្ដអូសចម្ងាយជិត៣០០ម៉ែត្រទើបរថយន្ដឈប់ ។ប្រជាពលរដ្ឋដែលឃើញហេតុការណ៍បានឱ្យដឹងថា មុនពេលកើតហេតុជនរងគ្រោះជិះម៉ូតូហុងសេ១២៥ ស៊េរី២០១២ ពណ៌ខ្មៅតែម្នាក់ឯង ពីកៀនស្វាយចូលមកភ្នំពេញ បានបើកជែងរថយន្ដទំនើបពណ៌សយ៉ាងលឿន ខណៈនោះអ្នកបើករថយន្ដទំនើបខឹងសម្បារដោយសារមានជាតិស្រាក្នុងខ្លួន ក៏បានបន្ថែមល្បឿងដេញតាមម៉ូតូពីក្រោយ រហូតដល់ចំណុចកើតហេតុបុកពីក្រោយពេញទំហឹងតែម្ដង មើលទៅដូចក្នុងរឿងខ្សែភាពយន្ដអ៊ីែចឹង ។
ប្រជាពលរដ្ឋបានបន្ដថា ពេលឃើញសកម្មភាពបែបសាហាវដែលបង្កឡើងដោយអ្នកមានលុយមានអំណាចដូច្នេះ ពួកគាត់ក៏ចូលទៅជិតរថយន្ដនោះដើម្បីឱ្យម្ចាស់រថយន្ដចេញមុខទទួលខុសត្រូវ ពេលនោះ អ្នកបើកបររថយន្ដបានប្រាប់ថា បើអ្នកណាអូសម៉ូតូចេញពីក្រោមរថយន្ដបានគេនឹងឱ្យ១០០០ដុល្លារ មួយសន្ទុះក្រោយមក ស្រាប់តែមន្ដ្រីនគរបាលមួយរូបបានទៅដល់ ហើយដឹកអ្នកបើកបររថយន្ដគេចចេញពីកន្លែងកើតហេតុ រួចអ្នកបើកបររថយន្ដប្រគល់សោរថយន្ដឱ្យទៅមន្ដ្រីនគរបាលរូបនោះ ដែលរំដោះជនបង្កចេញពីកន្លែងកើតហេតុ ។
ដោយឡែកនគរបាលចរាចរស្រុកដែលចុះទៅវាស់វែងនិងសាកសួរព័ត៌មានមូលហេតុនៃការគ្រោះថ្នាក់បានឱ្យដឹងដែរថា អ្នកបើកបររថយន្ដបង្កគឺមានមន្ដ្រីនគរបាលខិលខូចម្នាក់ដឹករំដោះចេញមែន ហើយករណីនេះនគរបាលប៉ុស្ដិ៍ក៏បានដឹងដែរ អ្នកបើកបរបង្កពិតជាមានអ្នកដឹករំដោះចេញ មិនមែនរត់រួចនោះទេ ។
ដោយឡែកនគរបាលចរាចរស្រុកដែលចុះទៅវាស់វែងនិងសាកសួរព័ត៌មានមូលហេតុនៃការគ្រោះថ្នាក់បានឱ្យដឹងដែរថា អ្នកបើកបររថយន្ដបង្កគឺមានមន្ដ្រីនគរបាលខិលខូចម្នាក់ដឹករំដោះចេញមែន ហើយករណីនេះនគរបាលប៉ុស្ដិ៍ក៏បានដឹងដែរ អ្នកបើកបរបង្កពិតជាមានអ្នកដឹករំដោះចេញ មិនមែនរត់រួចនោះទេ ។
ទង្វើបែបនេះប្រជាពលរដ្ឋដែលឈឺឆ្អាលជាមួយក្រុមគ្រួសារជនរងគ្រោះ ស្នើឱ្យលោកស្នងការនគរបាលខេត្ដកណ្ដាល ស្រាវជ្រាវរកមុខនគរបាលខិលខូចដែលហ៊ានរំដោះជនបង្កចេញពីកន្លែងកើតហេតុនេះផង ។
រថយន្ដបង្កនិងម៉ូតូជនរងគ្រោះត្រូវបានសមត្ថកិច្ចស្ទូចយកទៅរក្សាទុកនៅអធិការដ្ឋាននគរបាលស្រុកកៀនស្វាយដើម្បីដោះស្រាយតាមច្បាប់៕
No comments:
Post a Comment
yes