អង្គជំនុំជម្រះសាលាដំបូងនៃសាលាក្ដីខ្មែរក្រហម កាលពីថ្ងៃអង្គារ ទី២៤ ខែកក្កដា បន្តស្ដាប់សាក្សីជាអ្នកជំនាញប្រវត្តិសាស្ត្រខ្មែរក្រហម លោក ដេវីដ ឆេនល័រ ឈានចូលដល់ថ្ងៃទី៥។
២២-វិច្ឆិកា-២០១១៖ ជនជាប់ចោទ ខៀវ សំផន នៅក្នុងសវនាការបឋមសំណុំរឿង ០០២ ថ្ងៃទី២។
នៅថ្ងៃអង្គារ ទី២៤ ខែកក្កដា នេះ លោក ដេវីដ ឆេនល័រ បានបញ្ជាក់ថា ជនជាប់ចោទ ខៀវ សំផន ជាសមាជិកនៃគណៈមជ្ឈិមបក្សកុម្មុយនិស្តកម្ពុជា និងជាអ្នកមានតួនាទីខ្ពស់ជាងគេនៅក្នុងរបបកម្ពុជាប្រជាធិបតេយ្យ។
ក្រុមមេធាវីការពារក្ដីឲ្យជនជាប់ចោទនៅតែបន្តសួរសាក្សីជំនាញសាចុះសាឡើង អំពីព្រឹត្តិការណ៍ប្រវត្តិសាស្ត្រ ដែលទាក់ទងនឹងបក្សកុម្មុយនិស្តកម្ពុជា និងរបបខ្មែរក្រហម។ ជាពិសេស រចនាសម្ព័ន្ធថ្នាក់ដឹកនាំនៃបក្សកុម្មុយនិស្តកម្ពុជា។
ការបញ្ជាក់របស់លោក ដេវីដ ឆេនល័រ គឺជាការឆ្លើយតបចំពោះសំណួររបស់មេធាវីការពារក្ដីជនជាប់ចោទ ខៀវ សំផន គឺលោក គង់ សំអុន ដែលចង់ដឹងថា តើអង្គការអ្វីដឹកនាំធំជាងគេនៅក្នុងរបបកម្ពុជាប្រជាធិបតេយ្យ។
ក្រុមមេធាវីជនជាប់ចោទក៏បានចោទសួរអ្នកជំនាញដែរ អំពីការទម្លាក់គ្រាប់បែករបស់សហរដ្ឋអាមេរិក នៅដើមទសវត្សឆ្នាំ ១៩៧០។ ក្រុមមេធាវីជនជាប់ចោទ ព្យាយាមភ្ជាប់បញ្ហាទម្លាក់គ្រាប់បែករបស់សហរដ្ឋអាមេរិក នៅក្នុងអំឡុងពេលនោះថា ក៏ជាមូលហេតុនាំឱ្យមនុស្សស្លាប់ ខូចខាតទ្រព្យសម្បត្តិ និងពាក់ព័ន្ធនឹងការជម្លៀសប្រជាពលរដ្ឋខ្មែរដែរ។
សវនាការស្ដាប់អ្នកជំនាញ ដេវីដ ឆេនដល័រ នឹងត្រូវបន្តទៅធ្វើនៅថ្ងៃពុធ ទី២៥ កក្កដា ទៀត៕
No comments:
Post a Comment
yes