ភ្នំពេញៈថ្លែងក្នុងសន្និសីទ្ធសារព័ត៌មានបន្ទាប់ពីបញ្ចប់កិច្ចប្រជុំកំពូលអាស៊ាន លោករដ្ឋមន្ត្រីការបរទេសកម្ពុជា ហោ ណាំហុងបានឲ្យដឹងថាកិច្ចប្រជុំថ្នាក់រដ្ឋមន្ត្រីការបរទេសអាស៊ានលើកនេះ មិនបានចេញសេចក្តីថ្លែងការណ៍រួមទេ ដោយសារមិនឯកភាពគ្នាលើកចំណុចខ្លះ ជាពិសេសលើបញ្ហាសមុទ្រចិនខាងត្បូង។
ចំពោះបញ្ហាសមុទ្រចិនខាងត្បូងនេះ លោកហោ ណាំហុង បានបញ្ជាក់ប្រាប់ក្រុមអ្នកយកព័ត៌មានថា «កម្ពុជាមានគោលការណ៍ថា កម្ពុជាមិនកាន់ជើងខាងណាមួយឡើយ ក្នុងជម្លោះទ្វេភាគីប្រទេសអាស៊ានខ្លះជាមួយនិងចិន ហើយកម្ពុជាក៏យល់ឃើញថា កិច្ចប្រជុំអាស៊ាននេះ មិនមែនជាតុលាការដើម្បីកាត់ក្តីឲ្យអ្នកណាខុស ឬអ្នកណាត្រូវនោះទេ»។
លោកឧបនាយករដ្ឋមន្ត្រី ហោ ណាំហុង បានបន្ថែមទៀតថា ការចេញសេចក្តីប្រកាសរួមនេះ មិនអាចទៅរួច ដោយសារការទទូចសុំរបស់ប្រទេសអាស៊ានខ្លះ លើបញ្ហាជម្លោះនេះ ឲ្យដាក់ក្នុងសេចក្តីថ្លែងការណ៍រួម។
សូមបញ្ជាក់ថា នៅក្នុងសេចក្តីថ្លែងការណ៍រួម មានប្រហែល១០០ចំណុច តែ នៅតែបញ្ហាសមុទ្រចិនខាងត្បូងទេ ដែលធ្វើឲ្យរាំងស្ទះក្នុងចេញការព្រមព្រៀងគ្នានោះ៕
No comments:
Post a Comment
yes