អតីតអ្នករស់នៅសហគមន៍៧៨ ធ្វើពិធីរម្លឹកខួបបីឆ្នាំ ក្រោយការបណ្ដេញចេញ
ភ្នំពេញ: ប្រជាពលរដ្ឋ អតីតអ្នករស់នៅសហគមន៍ ៧៨ មានទីតាំងនៅសង្កាត់ទន្លេបាសាក់ ខណ្ឌចំការមន នៅជិតរដ្ឋសភា ជាប់ស្ថានទូតអូស្ត្រាលី បានជួបជុំគ្នាកាលពីព្រឹកថ្ងៃទី១៧ ខែកក្កដា ឆ្នាំ២០១២ ដើម្បីរម្លឹកខួបបីឆ្នាំ នៃការបាត់បង់ដីលំនៅដ្ឋានរបស់ពួកគេ ដោយការបណ្ដេញចេញពីអាជ្ញាធរក្រុមភ្នំពេញ ដែលគ្មានសំណងសមរម្យ។
ពិធីជួបជុំនោះ មានអ្នកចូលរួមប្រមាណ ៥០ នាក់ និងមានធ្វើពិធីសូត្រមន្ត តាមបែបព្រះពុទ្ធសាសនា និងពិធីសែនព្រេនដល់ម្ចាស់ទឹកម្ចាស់ដី។
លោក សុរ័ត្ន តំណាងប្រជាពលរដ្ឋអតីសហគមន៍៧៨ បាននិយាយថា ប្រជាពលរដ្ឋសហគមន៍៧៨ នៅតែមិនអស់ចិត្តជាមួយនឹងអាជ្ញាធរក្រុងភ្នំពេញ ដែលបណ្ដេញពួកគាត់ចេញពីលំនៅដ្ឋានកាលពីអំឡុងឆ្នាំ២០០៩ ដោយយកលេសថា “ពួកគាត់រស់នៅលើដីផ្លូវរបស់រដ្ឋ” ការបណ្ដេញចេញនោះ ប្រជាពលរដ្ឋមួយចំនួនមិនទាន់បានទទួលសំណងទេ ហើយអ្នកដែលបានទទួលសំណងតិចតួចនោះ ក៏មិនអាចមានលទ្ធភាពទិញដីដើម្បីសង់លំនៅដ្ឋានបានសមរម្យដែរ។
ពិធីជួបជុំនោះ មានអ្នកចូលរួមប្រមាណ ៥០ នាក់ និងមានធ្វើពិធីសូត្រមន្ត តាមបែបព្រះពុទ្ធសាសនា និងពិធីសែនព្រេនដល់ម្ចាស់ទឹកម្ចាស់ដី។
លោក សុរ័ត្ន តំណាងប្រជាពលរដ្ឋអតីសហគមន៍៧៨ បាននិយាយថា ប្រជាពលរដ្ឋសហគមន៍៧៨ នៅតែមិនអស់ចិត្តជាមួយនឹងអាជ្ញាធរក្រុងភ្នំពេញ ដែលបណ្ដេញពួកគាត់ចេញពីលំនៅដ្ឋានកាលពីអំឡុងឆ្នាំ២០០៩ ដោយយកលេសថា “ពួកគាត់រស់នៅលើដីផ្លូវរបស់រដ្ឋ” ការបណ្ដេញចេញនោះ ប្រជាពលរដ្ឋមួយចំនួនមិនទាន់បានទទួលសំណងទេ ហើយអ្នកដែលបានទទួលសំណងតិចតួចនោះ ក៏មិនអាចមានលទ្ធភាពទិញដីដើម្បីសង់លំនៅដ្ឋានបានសមរម្យដែរ។
លោក សុរ័ត្ន បាននិយាយថា “ពួកយើងយល់ថា បើដីអតីតលំនៅទាំងនោះ រដ្ឋយកទៅអភិវឌ្ឍន៍ជាផលប្រយោជន៍រដ្ឋ យើងមិនទាមទារសំណងទេ ប៉ុន្តែអាជ្ញាធរបណ្ដេញពួកយើងពីលំនៅដ្ឋាន ហើយប្រគល់ដីឲ្យទៅក្រុមហ៊ុនឯកជន ធ្វើរបងព័ទ្ធទុកចោល”។
ចំណែកលោក ឡៅ ម៉ុងហៃ ប្រធានអង្គការសិទ្ធិមនុស្សអាស៊ី ដែលបានចូលរួមក្នុងពិធីជួបជុំនៅព្រឹកនេះ បានមានប្រសាសន៍ថា ក្រុមហ៊ុនគួរតែផ្ដល់សំណងសមរម្យដល់ប្រជាពលរដ្ឋនៃសហគមន៍ ៧៨នេះ យើងមិនសប្បាយចិត្តទេ នៅពេលដែលប្រជាពលរដ្ឋរងការបណ្ដេញចេញដោយអយុត្តិធម៌ និងមិនបានទទួលសំណងសមរម្យ៕
No comments:
Post a Comment
yes