សាលាដែលត្រូវបានបង្ខំបិទ ព្រោះខ្លាចឆ្លងជំងឺ
ខេត្តកំពង់ចាម ៖ មុននេះមានការផ្ទុះនូវជំងឺផ្តាយសាយបក្សី (H5N1) បានឆក់យកអាយុជីវិតក្មេងៗចំនួន៣នាក់មកហើយ ដែលមេរោគនេះមិនទាន់នឹងលុបបាត់នូវឡើយទេ បែរជាលេចចេញនូវជំងឺប្រភេទថ្មីមួយទៀត គឺ EV71 មានលក្ខណៈសាហាវជាងផ្តាសាយបក្សីទៅទៀត ដែលបណ្តាលឱ្យក្មេងចំនួន២នាក់ស្លាប់ក្នុងរយៈពេលខ្លីតែប៉ុណ្ណោះ ។ ជាមួយនោះដែរ លោកប្រធានមន្ទីរអប់រំ យុវជន និងកីឡាខេត្ត បានចេញសេចក្តីប្រកាសឱ្យផ្អាកការសិក្សាជាបណ្តោះអាសន្ននៅគ្រប់សាលារៀនជាង១.០០០កន្លែងចាប់ពីព្រឹកថ្ងៃទី១៨ កក្កដា ២០១២ តទៅ ដើម្បីការពារមិនឱ្យមានការឆ្លងនូវជំងឺប្រភេទថ្មីនេះ ។
តាមលោកសៀង សំណាង នាយកអនុវិទ្យាល័យទួលថ្ម ស្ថិតនៅភូមិទី៦ សង្កាត់វាលវង់ ក្រុងកំពង់ចាម ឱ្យកោះសន្តិភាពដឹងថា រូបលោកបានទទួលការណែនាំពីលោកប្រធានការិយាល័យអប់រំក្រុងកំពង់ចាម ប្រធានកម្រងសាលាក៏ដូចជាប្រធានមន្ទីរអប់រំខេត្ត កាលពីល្ងាចថ្ងៃទី១៧ កក្កដា ដោយតម្រូវឱ្យផ្អាកការសិក្សាជាបណ្តោះអាសន្ន ព្រោះតែខ្លាចឆ្លងនូវជំងឺ EV71 ទាំងនៅសាលារដ្ឋ និងការរៀនគួរក្រៅម៉ោងសិក្សាក៏ត្រូវតែផ្អាកដែរ ។
No comments:
Post a Comment
yes