មនុស្សជាច្រើនមកចោមរោមមើលនៅកន្លែងកើតហេតុ
បុរសជាដែលអារ.កខ្លួនកំពុងត្រូវក្រុមគ្រួពេទ្យជួយសង្គ្រោះ
ក្មេងប្រុសរងគ្រោះដែលត្រូវឪពុកសម្លាប់
រាជធានីភ្នំពេញ ៖ កូនប្រុស២នាក់ត្រូវបានឪពុកបង្កើតអារ.កសម្លាប់យ៉ាងកំរោល និងមើលទៅគួរឱ្យតក់ស្លុត អាណោចអាធ័មបំផុត ហើយបន្ទាប់មកក៏ចាក់.កដៃខ្លួនឯងទាំង២ធ្វើអត្តឃាត បណ្តាលឱ្យរងរបួសធ្ងន់ត្រូវគេបញ្ជូនទៅសង្គ្រោះនៅមន្ទីរពេទ្យកាល់ម៉ែត ដែលកើតហេតុការណ៍នេះបានកើតឡើងនៅក្នុងផ្ទះល្វែងជាន់ទី២ តាមបណ្តោយផ្លូវជាតិលេខ៣ ស្ថិតក្នុងបុរីប៊ុនហួរ ភូមិព្រៃព្រីងខាងត្បូង សង្កាត់ចោមចៅ ខណ្ឌពោធិ៍សែនជ័យ (ផ្ទះម្តាយ) បង្កឱ្យមានការភ្ញាក់ផ្អើល កាលពីវេលាម៉ោង៨និង១០នាទីព្រឹកថ្ងៃទី២៨ សីហា ២០១២ ។
ឪពុកឫស្យាអារ.កសម្លាប់កូននោះឈ្មោះកែវ ឡាដាំង អាយុ៣៨ឆ្នាំ ឋានៈវរសេនីយ៍ត្រី នៅផ្នែករដ្ឋបាលវិស្វកម្ម អគ្គបញ្ជាការកងទ័ពជើងគោក មានទីលំនៅភូមិព្រៃជីសាក់ សង្កាត់ចោមចៅ ខណ្ឌពោធិ៍សែនជ័យ ។ ចំណែកកូនប្រុសរងគ្រោះដែលស្លាប់បាត់បង់ជីវិត ១-ឈ្មោះកែវ សុវណ្ណ អាយុ៧ឆ្នាំ និង២-ឈ្មោះកែវ រ៉ា អាយុ៣ឆ្នាំ ។ វាជារឿងគួរឱ្យរន្ធត់ពេកណាស់... គេមិនទាន់ដឹងថា តើបុរសអគតិម្នាក់នេះចាប់អារ.កកូនប្អូនមុន ឬកូនបងមុននោះទេ? ទោះជាអារ.កកូនមួយណាមុនក៏ដោយ វាគឺជាសកម្មភាពឃោរឃៅរន្ធត់ញាប់ញ័រដូចគ្នា... ឧទាហរណ៍ប្រសិនបើអារ.កកូនបងមុន តើកូនប្អូនដែលឃើញហេតុការណ៍គ្នារន្ធត់យ៉ាងណា?
ឬពេលធ្វើដូចគ្នានេះទៅលើកូនប្អូនមុន តើកូនបងដែលដឹងក្តីជាងកូនប្អូន តើគ្នារន្ធត់ញ័រអង្គប្រាណបែបណា? ហេតុអ្វីបានជាក្នុងផ្ទះនេះមិនមានមនុស្សច្រើនអ្នកនៅ? មនុស្សក្នុងផ្ទះទៅណាអស់ហើយ? ហេតុអ្វីក៏គ្មានអ្នកណាជួយអន្តរាគមន៍បែបនេះ? ទីបំផុតជីវិតក្មេង២នាក់បានស្លាប់យ៉ាងអយុត្តិធម៌ក្រោមកណ្តាប់ដៃឪពុកថោកទាប ចិត្តតិរច្ឆាន អគតិគ្មានអ្វីប្រៀប ។
ប្រភពព័ត៌មានពីអ្នកជិតខាងបានឱ្យដឹងថា មូលហេតុដែលឪពុកអារ.កសម្លាប់កូនប្រុស២នាក់នេះគឺដោយសារចាញ់ល្បែងផ្កាប់មុខពេក និងប្រពន្ធលែងលះចោល... បុរសស័ក្តិ៤នេះងប់នឹងល្បែងងើបមុខមិនរួចទេ ។
No comments:
Post a Comment
yes