គណបក្សជាតិនិយម ដែលទើបប្តូរឈ្មោះពីគណបក្សនរោត្តមរណប្ញទ្ធិ នៅថ្ងៃទី២៨ សីហា នេះ បានប្រកាសបដិសេធចោលទាំងស្រុងចំពោះព័ត៌មានដែលថា មានសមាជិកខ្លួនបានទៅចូលរួមជាមួយគណបក្សសង្រ្គោះជាតិ ដែលទើបបង្កើតរវាងគណបក្សសមរង្ស៊ី និងគណបក្សសិទ្ធិមនុស្សនោះ។
សកម្មជនគណបក្សនរោត្តមរណប្ញទ្ធិ
ការប្រកាសបដិសេធនេះ គឺធ្វើឡើងបន្ទាប់ពីកាសែតភ្នំពេញប៉ុស្តិ៍បានរាយការណ៍នៅថ្ងៃនេះថា មានព្រះអង្គម្ចាស់មួយអង្គដែលគេស្គាល់ឈ្មោះថា ស៊ីសុវត្ថិ ចក្រីនុពល និងលោក ទឹម ទិដ្ឋិកា អនុប្រធានប្រតិបត្តិគណបក្សនរោត្តមរណប្ញទ្ធិខេត្តស្វាយរៀង បានទៅចូលរួមជាមួយគណបក្សសង្រ្គោះជាតិដែលទើបបង្កើតថ្មី។
ប៉ុន្តែបើតាមសេចក្តីប្រកាសព័ត៌មានរបស់គណបក្សជាតិនិយម អតីតគណបក្សនរោត្តមរណប្ញទ្ធិ មនុស្សទាំងពីររូបនេះ គឺពុំមានឈ្មោះនៅក្នុងបញ្ជីថ្នាក់ដឹកនាំ នៃគណបក្សនរោត្តមរណប្ញទ្ធិខេត្តស្វាយរៀងនោះឡើយ។ ហើយជាមួយគ្នាគណបក្សជាតិនិយមក៏បានប្រកាសដែរថា មិនមានសកម្មជនរបស់ខ្លួនដែលជាអតីតគណបក្សនរោត្តមរណប្ញទ្ធិណាម្នាក់ ទៅចុះចូលជាមួយចលនាសង្រ្គោះជាតិនោះដែរ៕
No comments:
Post a Comment
yes