ខេត្តសៀមរាប: លោក ចម ប្រសិទ្ធ រដ្ឋមន្ត្រី ក្រសួងពាណិជ្ជកម្មនិងរដ្ឋមន្ត្រីពាណិជ្ជកម្មឥណ្ឌូនេស៊ី កាលពីថ្ងៃទី២៨ ខែសីហា បានចុះហត្ថលេខា លើអនុស្សារណ: នៃការយោគយល់គ្នា សម្រាប់ការនាំចេញអង្ករ ពីកម្ពុជា ទៅប្រទេស ឥណ្ឌូនេស៊ី។
បន្ទាប់ពីការចុះហត្ថលេខា លោកចមប្រសិទ្ធបាននិយាយថានេះជា អនុស្សារណ:នៃការយោគយល់អំពីការនាំចេញអង្ករ ទីមួយ ដែលត្រូវចុះហត្ថលេខា។ លោករំពឹងថា នឹងមានការចុះហត្ថលេខា បន្ថែមទៀត បន្ទាប់ពីនេះ។
លោក ចម ប្រសិទ្ធ បាននិយាយថា យើងនឹងអោយក្រុមក្រុមហ៊ុន Green Trade របស់កម្ពុជា ទំនាក់ទំនងជាមួយក្រុមហ៊ុនរដ្ឋរបស់ឥណ្ឌូនេស៊ី អំពីការនាំចេញអង្ករនោះ។
លោក ចម ប្រសិទ្ធ បាននិយាយបន្តទៀតថា “ដំបូងបំផុត យើងគ្រោងនឹងនាំចេញយ៉ាងតិចមួយសែនតោន ក្នុងមួយឆ្នាំ”។
លោកចមប្រសិទ្ធ បានអោយដឹងថា ការនាំចេញនឹងអាចចាប់ផ្តើមជាបណ្តើរៗបន្ទាប់ពីនេះ ដោយហេតុថា មានក្រុមហ៊ុន ឥណ្ឌូនេស៊ី នៅកម្ពុជា ស្រាប់ហើយ។
កម្ពុជារំពឹងថានឹងនាំចេញអង្ករយ៉ាងតិចមួយលានតោនក្នុងមួយឆ្នាំចាប់ពីឆ្នាំ២០១៥ទៅ៕
No comments:
Post a Comment
yes