លោក សម រង្ស៊ី ប្រធានចលនាប្រជាធិបតេយ្យសង្គ្រោះជាតិ
ចលនាប្រជាធិបតេយ្យសង្គ្រោះជាតិ ដែលកើតចេញពីការរួមបញ្ចូលគ្នាជាសម្លេងតែមួយរវាង
គណបក្ស សម រង្ស៊ី និងគណបក្ស សិទ្ធិមនុស្ស បើគិតមកដល់ថ្ងៃនេះគឺមានអាយុកាល៣១ថ្ងៃ ហើយ
បន្ទាប់ពីការប្រកាសជាសាធារណៈនៅទីក្រុងម៉ានីល ប្រទេសហ្វីលីពីន ។
ចលនាប្រជាធិបតេយ្យសង្គ្រោះជាតិ ត្រូវបានគេប្រសិទ្ធនាមឲ្យថា « មហាកម្លាំងសាគ្គីអ្នកប្រជាធិ
បតេយ្យ »ព្រោះចលនាមួយនេះគឺបានប្រមូលផ្តុំទៅដោយអ្នកប្រជាធិបតេយ្យ និងអ្នកស្នេហាជាតិ
ដែលគិតគូប្រទេសជាតិ និង ប្រជារាស្រ្តជាធំ ដោយមិនគិតផលប្រយោជន៏ផ្ទាល់ខ្លួន បក្ខពួក
និងគ្រូសារនិយម ដូចជាអ្នកកាន់អំណាចសព្វថ្ងៃនេះឡើយ ។
ថ្លែងមកកាន់សមាជិក និង ប្រជាពលរដ្ឋដែលជាអ្នកគាំទ្រ
ចលនាប្រជាធិបតេយ្យសង្គ្រោះជាតិ លោ សម រង្ស៊ី ក្នុងឋានះជាប្រជាធាន ចលនាប្រជាធិបតេយ្យសង្គ្រោះជាតិ
បានមានប្រសាសន៏ថា ឥឡូវនេះគណបក្សថ្មីដែលកើតចេញពី ចលនាប្រជាធិបតេយ្យសង្គ្រោះជាតិ
ចាប់ផ្តើមមានរូប រាង និងឈ្មោះនៅលើឆាកនយោបាយក្នុងប្រទេសកម្ពុជាហើយ
ដែលក្រុមការងារកុំពុងតែរៀបចំ និងចងក្រងតាមបែបបទផ្លូវច្បាប់ដើម្បីចុះបញ្ជីជាផ្លូវការនៅក្រសួងមហាផ្ទៃ
ហើយគណបក្សដែល កើតចេញពី ចលនាប្រជាធិបតេយ្យសង្គ្រោះជាតិ គឺមានឈ្មោះថា គណបក្ស
សង្រ្គោះជាតិ ។
លោក សម រង្ស៊ី បានមានប្រសាសន៏បន្តទៀតថា មូលហេតុដែលយើងបង្កើតគណបក្សថ្មី ហើយ
ប្រមូលកម្លាំងអ្នកប្រជាធិបតេយ្យឲ្យចូលរួមជាមួយគណបក្ស សង្គ្រោះជាតិ គឺគោលបំណងធំបំផុតរបស់យើង
ដើម្បីបញ្ចប់អំណាចផ្តាច់ការនៅក្នុងប្រទេសកម្ពុជាបច្ចុប្បន្ន ។ លោក សម រង្ស៊ី
បន្តថា ប្រជារាស្រ្តសព្វថ្ងៃបាត់បង់ដីធ្លី រដ្ឋអំណាចបានកាត់ទឹកដី
និងពុះជ្រាកប្រទេសកម្ពុជា ជាដុំៗ លួចឆក់ប្លន់ដីធ្លីរបស់ប្រជារាស្រ្ត ព្រៃឈើ រ៉ែ
យកទៅលក់និងប្រគល់ឲ្យក្រុមហ៊ុនបរទេស ឯកជន ធ្វើឲ្យជាតិរបស់យើងលិចលង់ ហិនហោច ។ហេតុដូចនេះហើយបានជាយើងទាំងអស់គ្នា
ត្រូវតែសង្គ្រោះប្រទេសជាតិ និង ប្រជារាស្រ្តរបស់យើង បានជាគណបក្ស សម រង្ស៊ី និង
គណបក្ស សិទ្ធិមនុស្ស សម្រេចរួមបញ្ចូលគ្នាជាសម្លេងតែមួយដោយបង្កើត
ចលនាប្រជាធិបតេយ្យសង្គ្រោះជាតិ និងឆ្ពស់ទៅបង្កើតគណបក្ស សង្គ្រោះជាតិ
ដើម្បីចូលរួមក្នុងការបោះឆ្នោតជាតិ ជ្រើសរើសតំណាងរាស្រ្តអាណត្តទី៥ នៅថ្ងៃទី២៨
ខែសីហា ឆ្នាំ២០១៣ ដើម្បីបញ្ចប់អំណាចអ្នក សព្វថ្ងៃ
ដែលដឹកនាំប្រទេសតាមរបៀបបផ្តាច់ការ ធ្វើបាបរាស្រ្តឲ្យរងទុក្ខរាប់សិបឆ្នាំមកហើយនោះ
។
ជាមួយគ្នានេះផងដែរលោក សម រង្ស៊ី ប្រធាន ចលនាប្រជាធិបតេយ្យសង្គ្រោះជាតិ និងទៅអនាគត
ជាប្រធានគណបក្ស សង្គ្រោះជាតិ ក៏បានធ្វើការអំពាវសូមឲ្យប្រជាពលរដ្ឋខ្មែរ អ្នកស្នេហាជាតិ
អ្នកប្រជាធិបតេយ្យ នឹងអ្នកដែលស្រលាញ់យុត្តិធម៌ទាំងអស់ សូមចូលរួមជាមួយគណបក្ស
សង្គ្រោះជាតិ ដែលនិងប្រកាសជាផ្លូវការនៅពេលឆាប់ៗខាងមុខនេះ ។
លោក សម រង្ស៊ី បានមានប្រសាសន៏ទៀតថា ការបង្កើត គណបក្ស សង្គ្រោះជាតិ
គឺជាព្រឹត្តការណ៏មួយជាប្រវត្តិសាស្រ្ត ដែលនាំមកនូវការផ្លាស់ប្តូរ
ប្រែប្រួលយ៉ាងសំខាន់ជាទីបំផុតលើឆាកនយោបាយនៅប្រទេសកម្ពុជា ។ លោក សម រង្ស៊ី ថ្លែងទៀតថា
គណបក្ស សង្គ្រោះជាតិ លោកមានជំនឿថា និងនាំមកនូវសន្ទុះថ្មីមួយ
ដើម្បីឈានទៅរកការប្រែប្រួល ហើយការប្រែប្រួលនេះគឺជាជោគជ័យនៃកម្លាំងអ្នកស្នេហាជាតិ
កម្លាំងអ្នកប្រជាធិបតេយ្យ ដើម្បីស្រោចស្រង់ នឹងសង្គ្រោះប្រទេសជាតិ
មាតុភូមិរបស់យើងឲ្យទាន់ពេលវេលា ឲ្យរួចផុតពីការលិចលង់ រួចផុតពីមហន្តរាយ
រួចផុតពីការស្លាប់ ដោយយើងឃើញថាជាតិយើងបានស្លាប់បន្តិចម្តងៗ ប្រទេសរបស់យើងបាត់បង់ទឹកដី
ប្រជារាស្រ្តខ្មែរបាត់បង់ដីធ្លី បាត់បង់ធនធានធម្មជាតិ បាត់បង់ការងារ ឬក៏រកការងារធ្វើត្រឹមត្រូវមិនបាន
។
លោក សម រង្ស៊ី មានប្រសាសន៏ទៀតថា មានយុវជនខ្មែរជាច្រើនដែលពុំមានការងារធ្វើ
និងរកការងារត្រឹមត្រូវធ្វើមិន បានខ្លះត្រូវបង្ខំចិត្តទៅស៊ីឈ្នួលគេនៅឯបរទេស
ឲ្យគេមើលងាយ ឲ្យគេធ្វើបាប ឲ្យគេគេងប្រវ័ញ្ញកម្លាំងពលកម្ម
ឃើញថាប្រជារាស្រ្តខ្មែរវេទនា ឈឺចាប់អស់សង្ឃឹម
ជាតិខ្មែរនិងរលត់រលាយដោយបរទេសឈ្លានពាន ដោយបង្ខិតព្រំដែន
លេបត្របាក់ទឹកដីរបស់យើងបញ្ចូលអន្តោប្រវេសន៏ខុសច្បាប់
ហើយជនជាតិរបស់គេកាន់តែមានចំនួនច្រើនឡើងៗ មករស់នៅលើទឹកដីប្រទេសកម្ពុជា
ដែលពួកគេទាំងនោះបានចូលមកលួចប្លន់ដីធ្លីយើង លួចប្លន់ទ្រព្យសម្បត្តិជាតិយើង
មកដណ្តើមការងារពីប្រជារាស្រ្តខ្មែរ និងមកកេងប្រវ័ញ្ញឈើសឈាមពីប្រជារាស្រ្តខ្មែរ
ដោយគេទទួលបានសម្បទានដីធ្លី សម្បទានព្រៃឈើ សម្បទានរ៉ែ រហូតដល់ទៅ៩៩ឆ្នាំ ។ លោក សម
រង្ស៊ី ក៏បានថ្លែងទៀតថា ខ្មែរស្លាប់អស់ហើយមិនដល់៩៩ឆ្នាំទៀតទេ បើយើងនៅអនុញ្ញាត្តិ
ឲ្យរដ្ឋាភិបាលបន្តនយោបាយបំផ្លិចបំផ្លាញជាតិដូចសព្វថ្ងៃនេះ នោះជាតិយើង និងរលត់រលាយជាពុំខាន
។
យ៉ាងដូចច្នេះហើយកូនខ្មែរទាំងអស់ត្រូវតែរួបរួមគ្នាដើម្បីបំពេញបេសកកម្មជាប្រវត្តិសាស្រ្ត
បេសកកម្មស្រោចស្រង់ជាតិមាតុភូមិ របស់យើងទាំងអស់គ្នា ថែរក្សាទឹកដីយើងឲ្យបាននគង់វង្ស
ធានាអនាគតកូនចៅយើងដែលជាខ្មែរជំនាន់ក្រោយឲ្យមានជីវិត ឲ្យមានអនាគត ឲ្យមានសេរីភាព
នឹងឲ្យមានភាពថ្លៃថ្នូរ ។ ហេតុនេះហើយបានជាយើងសម្រេចបង្កើតគណបក្ស សង្គ្រោះជាតិ ។
ដូច្នេះគណបក្ស សង្គ្រោះជាតិ កើតហើយ សូមបងប្អូនប្រជាពលរដ្ឋខ្មែរទាំងអស់
អញ្ជើញមក ចូលរួមជាមួយនិងគណបក្ស សង្គ្រោះជាតិ ដែលមានលោក សម រង្ស៊ី ជាប្រធាន ។ ជាមួយគ្នានោះ
គណបក្សប្រជាធិបតេយ្យថ្មីមួយនេះ ក៏មានថ្នាក់ដឹកនាំកំពូលៗដែលជាអ្នកចាស់ទុំផ្នែកនយោបាយ
ធ្វើជាស្នូលរបស់គណបក្សផងដែរ ។ ហើយបើយោងតាមរបាយការណ៏របស់ ចលនាប្រជាធិបតេយ្យសង្គ្រោះជាតិ
នាពេលកន្លងមកបានបង្ហាញឲ្យដឹងថា អ្នកឥស្សរជននយោបាយជាច្រើនដែលមកពីគណបក្សផ្សេង
រួមជាមួយនិងមន្រ្តីរបស់គណបក្សកាន់អំណាចសព្វថ្ងៃក៏និងមកចូលរួមជាមួយ
ចលនាប្រជាធិបតេយ្យសង្គ្រោះជាតិ ហើយបន្ទាប់មកគឺពួកគាត់និង ចូលរួមពេញសិទ្ធិជាមួយនិងគណបក្ស
សង្គ្រោះជាតិ ក្រោមការដឹកនាំរបស់លោក សម រង្ស៊ី ដែលជាមេដឹកនាំប្រកបទៅដោយ ឧត្តមគតិស្នេហាជាតិ
មាតុភូមិ និងស្រលាញ់ប្រជារាស្រ្តពិតប្រាកដនោះ ៕
No comments:
Post a Comment
yes