សន្និសីទកាសែតគណៈកម្មការបណ្ដោះអាសន្ន និងសមាជិកស្ថាបនិក
គណបក្សសង្គ្រោះជាតិ
ភ្នំពេញ: គណបក្សសង្គ្រោះជាតិ ដែលជាការរួបរួមរវាងគណបក្សសមរង្ស៊ី និងគណបក្សសិទ្ធិមនុស្ស បានប្រកាសពីការចុះបញ្ជីគណបក្សថ្មីនោះ នៅក្រសួងមហាផ្ទៃ កាលពីព្រឹកថ្ងៃចន្ទ ទី២០ ខែសីហា ឆ្នាំ២០១២។ ជាមួយនឹងសេចក្តីប្រកាសដូច្នេះ ក្នុងសន្និសីទកាសែតរួមគ្នា នៅរសៀលថ្ងៃទី២០សីហា ឆ្នាំ២០១២ ថ្នាក់ដឹកនាំគណបក្សសមរង្ស៊ី និងគណបក្សសិទ្ធិមនុស្ស ក៏បានប្រកាសពីការទាមទាររបស់ខ្លួន ឲ្យមានការកែទម្រង់សមាសភាព គ.ជ.ប.។
ក្នុងសន្និសីទកាសែត នៅទីស្នាក់ការបណ្តោះអាសន្នរបស់គណបក្សសង្គ្រោះជាតិ ស្ថិតនៅជិតពេទ្យសែនសុខ ក្នុងខណ្ឌសែនសុខ រាជធានីភ្នំពេញ នារសៀលនេះ លោក ប៉ុល ហំម អនុប្រធានគណៈកម្មាធិការបណ្តោះអាសន្ន ដែលមានសមាសភាព ៧ រូប របស់គណបក្សសង្គ្រោះជាតិ បានឲ្យដឹងថា តំណាងគណបក្សសង្គ្រោះជាតិ នៅព្រឹកថ្ងៃចន្ទនេះ បានយកសំណុំបែបបទ ដាក់ទៅកាន់ក្រសួងមហាផ្ទៃរួចរាល់ហើយ។ គណបក្សថ្មីនេះ កំពុងតែរង់ចាំលទ្ធផល ឆ្លើយតបពីក្រសួងមហាផ្ទៃ ក្នុងរយៈពេល ១៥ថ្ងៃ ទៀត។
ក្នុងសន្និសីទកាសែត នៅទីស្នាក់ការបណ្តោះអាសន្នរបស់គណបក្សសង្គ្រោះជាតិ ស្ថិតនៅជិតពេទ្យសែនសុខ ក្នុងខណ្ឌសែនសុខ រាជធានីភ្នំពេញ នារសៀលនេះ លោក ប៉ុល ហំម អនុប្រធានគណៈកម្មាធិការបណ្តោះអាសន្ន ដែលមានសមាសភាព ៧ រូប របស់គណបក្សសង្គ្រោះជាតិ បានឲ្យដឹងថា តំណាងគណបក្សសង្គ្រោះជាតិ នៅព្រឹកថ្ងៃចន្ទនេះ បានយកសំណុំបែបបទ ដាក់ទៅកាន់ក្រសួងមហាផ្ទៃរួចរាល់ហើយ។ គណបក្សថ្មីនេះ កំពុងតែរង់ចាំលទ្ធផល ឆ្លើយតបពីក្រសួងមហាផ្ទៃ ក្នុងរយៈពេល ១៥ថ្ងៃ ទៀត។
គណបក្សសង្គ្រោះជាតិ មានរូបសញ្ញាព្រះអាទិត្យរះ និងមានពន្លឺ ២៤ ដែលតំណាងឲ្យខេត្តរាជធានីទាំង ២៤ ដោយមានបាវចនា សង្គ្រោះ បម្រើ និងការពារ។
លោក ប៉ុល ហំម ក៏បានបន្ថែមថា ទោះបីជាបង្កើតគណបក្សថ្មីពិតមែន តែគណបក្សសមរង្ស៊ី និងគណបក្សសិទ្ធិមនុស្ស នៅដដែល ដោយមិនរំលាយទេ ដើម្បីរក្សាអាសនៈរដ្ឋសភា ព្រឹទ្ធសភា ក្រុមប្រឹក្សាខេត្តរាជធានីស្រុកខណ្ឌ ពិសេសក្រុមប្រឹក្សាឃុំសង្កាត់របស់គណបក្សទាំងពីរ ឲ្យនៅដដែល។ ក៏ប៉ុន្តែការបោះឆ្នោតជាតិ នៅឆ្នាំ២០១៣ គឺគណបក្សទាំងពីរ យកតែគណបក្ស សង្គ្រោះជាតិ ទៅចូលរួមប៉ុណ្ណោះ។
ជាមួយនឹងការលើកឡើងដូច្នេះ លោក ប៉ុល ហំម បានលើកឡើងថា គណបក្សថ្មី ដែលទើបនឹងចុះបញ្ជីនៅថ្ងៃចន្ទនេះ នៅតែទាមទារឲ្យមានការកែទម្រង់ សមាសភាព គ.ជ.ប. ដើម្បីឲ្យការបោះឆ្នោតត្រឹមត្រូវយុត្តិធម៌ ហើយការបោះឆ្នោតជាតិ នៅឆ្នាំ២០១៣ ត្រឹមត្រូវ យុត្តិធម៌ ក៏ទាល់តែមានវត្តមានរបស់លោក សមរង្ស៊ី ដែលជាប្រធានគណបក្សសង្គ្រោះជាតិនោះ។
ចំណែកលោក យ៉ែម បុញ្ញឫទ្ធិ អគ្គលេខាធិការគណបក្សសិទ្ធិមនុស្ស ក៏បានថ្លែងក្នុងសន្និសីទកាសែតរួមគ្នានោះ ដោយស្នើឲ្យមានការកែសម្រួលនូវសមាសភាព គ.ជ.ប. ព្រមទាំងប្រកាសថា បើគ្មានវត្តមានរបស់លោកសមរង្ស៊ី សម្រាប់ការបោះឆ្នោតជាតិនៅឆ្នាំ២០១៣ ខាងមុខទេ នោះគណបក្សសង្គ្រោះជាតិនោះ នឹងមិនចូលរួមការបោះឆ្នោតឡើយ។
រីឯលោក យឹម សុវណ្ណ អ្នកនាំពាក្យគណបក្សសមរង្ស៊ី បានលើកឡើងក្នុងសន្និសីទកាសែតនោះ ក៏បានអំពាវនាវឲ្យមានការកែសម្រួលសមាសភាព គ.ជ.ប. ដើម្បីកុំឲ្យយកការបោះឆ្នោតធ្វើជាឡប់ឡែ។
ជាការកត់សម្គាល់ ក្នុងសន្និសីទកាសែតនោះ មិនមានការចូលរួមពីលោកសមរង្ស៊ី និងលោកកឹមសុខា តាមរយៈវិដេអូ ខនហ្វឺរ៉េន ទេ៕
No comments:
Post a Comment
yes