ក្រុងយ៉ាំងហ្គោនៈ ប្រធានាធិបតីមីយ៉ាន់ម៉ា លោកថេន សេន បាន ប្រកាសរុះរើគណៈរដ្ឋមន្រ្តីរបស់លោកដែលគេរង់ចាំជាយូរមកហើយកាលពីថ្ងៃចន្ទដែលគេឃើញ ក្រុមអ្នកធ្វើកំណែទម្រង់កំពូលៗរបស់លោក ត្រូវបានផ្លាស់ទៅកាន់មុខតំណែងរដ្ឋមន្រ្តីសំខាន់ៗ និងការតែងតាំងក្រុមមន្ត្រីសំណល់របស់អតីតរដ្ឋាភិបាលផ្តាច់ការយោធា ជាថ្មី។
រដ្ឋមន្រ្តីឧស្សាហកម្ម លោក ស៊ូថេន រដ្ឋមន្រ្តីផែនការជាតិ និងការអភិវឌ្ឍន៍សេដ្ឋកិច្ចលោក ទីន នាំងថេន និងរដ្ឋមន្រ្តីដឹកជញ្ជូនផ្លូវដែកលោក អ៊ុង មិន ដែលសុទ្ធតែជាសម្ព័ន្ធមិត្តជិតស្និទ្ធរបស់លោកថេន សេន ត្រូវបានផ្តល់តំណែងនៅក្នុងការិយាល័យរបស់លោកប្រធានាធិបតី ជាទង្វើដែលមើលឃើញថាជាកិច្ចប្រឹងប្រែង ដើម្បីលើកស្ទួយកំណែទម្រង់ឆាប់រហ័ស នៅក្នុងសម័យក្រោយយោធា។
ការរុះរើរដ្ឋមន្រ្តី៩រូប ដែលត្រូវបានប្រកាសនៅតាមទូរទស្សន៍រដ្ឋ ត្រូវបានគេរំពឹងទុកជាច្រើនខែមកហើយ និងត្រូវបានគេមើលឃើញថាជាសារដ៏រឹងមាំមួយនៃការតាំងចិត្តរបស់លោក ថេន សេន អតីតអ្នកមានឥទ្ធិពលយោធា ដែលធ្វើឲ្យពិភពលោកមានការភ្ញាក់ផ្អើលជាមួយការដោះលែងអ្នកទោសនយោបាយជាង៦៥០នាក់ លុបបំបាត់ការចាប់ពិរុទ្ធសារព័ត៌មានមុនចេញផ្សាយ និងដាក់ចេញសេរីភាវូបនីយកម្មសេដ្ឋកិច្ច។
No comments:
Post a Comment
yes