កំពង់ចាម: មានហេតុការណ៍ចម្លែកមួយ បានកើតឡើង ពេលប្រជាពលរដ្ឋបានខូងអណ្តូង ដើម្បីយកទឹកមកប្រើប្រាស់ ស្រាប់តែខូចបានប្រមាណជាង ៣០ ម៉ែត្រ ក៏ចេញជាតិឧស្ម័ន ដែលប្រជាពលរដ្ឋទាំងនោះ សង្ស័យថា ជា ហ្គាស ដែលតាមរយៈ ចំហាយក្លិន ដែលប្រជាពលរដ្ឋភ្លើងអុជ ក៏ឆេះឡើងចេញពីមាត់អណ្តូងទៅលើកំពស់ជាងម៉ែត្រ។
លោក ឃី ទូច ជាម្ចាស់អណ្តូង ដែលចេញចំហាយឧស្ម័ន អាយុ ២៩ឆ្នាំ ស្នាក់នៅភូមិព្រែកប្រណាក ឃុំរាយប៉ាយ ស្រុកកងមាស ខេត្តកំពងចាម បាននិយាយថា ហេតុការណ៍ ដែលផុសចេញជាតិឧស្ម័ននេះ កាលពីវេលាម៉ោងប្រហែលជា ២ រសៀលថ្ងៃទី១០ ខែសីហា ឆ្នាំ២០១២ ខណៈពេលពួកគាត់ បានជីកអណ្តូងជម្រៅជាង ៣០ម៉ែត្រ ក៏ប៉ះថ្មបុកលែងចុះទៅក្រោមទៀត ស្រាប់តែដួសទឹកនោះ យកមកកាន់ឡើងត្រជាក់ស្រឹប ដូចទឹកកក ប៉ុន្តែទឹកនោះមិនថ្លាទេ គឺល្អក់ខាប់ៗ។
លោក ឃី ទូច បានឲ្យដឹងទៀតថា ក្នុងពេលនោះ ដោយមានសង្ស័យ ទើបយកដែកកេស មកកេសនៅចំងាយប្រមាណជា ១ ម៉ែត្រ ពីមាត់អណ្តូងស្រាប់តែឆេះចេញជាអណ្តាតភ្លើងឡើង ទៅលើកម្ពស់ប្រមាណ ៣ ម៉ែត្រ ធ្វើឲ្យចុងដើមរាំង នៅក្បែរនោះឡើងខ្លោច។
លោកបន្តថា ដីរបស់គាត់មានប្រមាណ ១ ហិចតា សម្រាប់ធ្វើស្រែ នៅចំណុចបឹងនរក មានចំងាយជាង ១ គីឡូម៉ែត្រ ពីផ្ទះរបស់គាត់ នៅភូមិព្រែកប្រណាក។
លោក គឹម អី ប្រធានមន្ទីរឧស្សាហកម្មរ៉ែ និងថាមពល ខេត្តកំពង់ចាម បានឲ្យដឹងថា រឿងនេះ គាត់បានដឹងកាលពីម្សិញមិញ ភ្លាមៗម្លេះ ហើយបានរាយការណ៍ ទៅថ្នាក់រួចរាល់អស់ហើយ ប៉ុន្តែលោកមិនហ៊ានអះអាងថា យ៉ាងម៉េចទេ ទុកឲ្យថ្នាក់លើ ដែលជាអាជ្ញាធរប្រេងកាត ចុះមកត្រួតពិនិត្យ។
ម្ចាស់អណ្តូង បានបញ្ជាក់ថា ទឹកនោះ មានពណ៌ឡើងល្អក់ខាប់ៗ រអិល អត់មានក្លិនទេ ប៉ុន្តែពេលយើង ដុតវាឆេះ ឥឡូវនេះ មានកម្ពស់ប្រមាណជាង ១ ម៉ែត្រ មានក្លិនដូចជាហ្គាស។
លោកបញ្ជាក់ថា បើនៅពេលយប់ចំហាយ ដែលភាយចេញពីអណ្តូងឡើងមកលើ ឡើងភ្លឺ ដូចយើងបើកភ្លើងអគ្គីសនីអីចឹង ហើយវាបានឆេះខ្លាំង ក្នុងពេលពីដំបូងប្រហែលជា ៣ម៉ោង មានកម្ពស់ជាង៣ម៉ែត្រទើបស្ងប់ទៅវិញ ជាមួយភ្លើងឆេះនោះដែរ ក៏មានឮស្នូរសំឡេង ដូចបាយពុះ នៅក្នុងអណ្តូងនោះឮគុកៗ ប៉ុន្តែពេលពន្លត់ភ្លើងនោះ សម្លេងឮនោះកាន់តែខ្លាំងឡើងៗ។
លោក ឃី ទូច បាននិយាថា នៅថ្ងៃទី១១សីហា ឆ្នាំ២០១២ អណ្តាតភ្លើង ចេញពីមាត់អណ្តូងនោះ កំពុងតែឆេះដដែល ដោយមានកម្ពស់ប្រហែល ១ម៉ែត្រពីដី៕
No comments:
Post a Comment
yes