ប្រធានាធិបតីប្រទេសអេក្វាឌ័រលោក Rafael Correa បានមានប្រសាសន៍ថាប្រទេសអង់គ្លេសបានបោះបង់ការគំរាមកំហែងរបស់ ខ្លួនក្នុងការចូលទៅក្នុងស្ថានទូតអេក្ខាឌ័រដើម្បីចាប់ខ្លួន លោក Julian Assange ដែលជាស្ថាបនិកគេហទំព័រ Wikileaks ជនជាតិអូស្ត្រាលីហើយ ។
ការលើកឡើងនេះបន្ទាប់ពីស្ថានទូតអេក្ខាឌ័រប្រចាំទីក្រុង ឡុង បានទទួលលិខិតមួយច្បាប់ពីការិយាល័យក្រសួងការបរទេសអង់គ្លេសដោយ ផ្តល់ជាការធានាថា គ្មានការសម្រេចចិត្តណាក្នុងការចាប់ខ្លួនលោក Julian Assangeពីក្នុងស្ថានទូតនោះទេ។
កាលពីមុននេះរដ្ឋាភិបាល ប្រទេសអេក្ខាឌ័របានចោទប្រកាន់ប្រទេស អង់គ្លេសថាបានរកលេសក្នុងការចាប់ខ្លួនបន្ទាប់ពីជនជាតិអេក្ខា ឌ័រមួយចំនួនបានទទួលសំបុត្រមួយដោយមានរៀបរាប់លម្អិតនូវច្បាប់ ទាំងឡាយដែលគេអាចប្រើប្រាស់បានដើម្បីដកអភ័យឯកសិទ្ធិការទូត។
ជ ម្លោះការទូតនេះបានផ្ទុះមានឡើងបន្ទាប់ពីប្រទេសអេក្ខាឌ័រ បានផ្តល់សិទ្ធិជ្រកកោនផ្នែកនយោបាយដល់ស្ថាបនិកគេហទំព័រ Wikileaks។ មកទល់ពេលនេះលោក កំពុងតែស្ថិតនៅក្នុងស្ថានទូតក្នុងទីក្រុងឡុងដ៍ ដោយពុំទាន់មានពន្លឺពីដំណោះស្រាយណាមួយនៅឡើយទេ។
គួរបញ្ជាក់ថាទាំងតុលាការស៊ុយអែតនិងអង់គ្លេសចង់ចាប់ខ្លួនលោក Julian Assangeដោយសារលោករងការចោទប្រកាន់ជុំវិញករណីចាប់រំលោភតែអ្នកវិភាគឯករាជ្យបានព្រលយឲ្យដឹងថាវាជារឿងនយោបាយសុទ្ធសាធព្រោះស្ថាបនិកគេហទំព័រ Wikileaksរូបនេះចូលចិត្តចុះផ្សាយព័ត៌មានសម្ងាត់ៗរបស់រដ្ឋាភិបាលជាសាធារណៈជាពិសេសរឿងពុករលួយជាដើម។
រដ្ឋាភិបាលស៊ុយអែតបានស្នើសុំអង់គ្លេសឲ្យចាប់លោក Julian Assangeបញ្ជូនមកកាត់ទោសនៅប្រទេសខ្លួនវិញតែអ្នកជំនាញជាច្រើនបានបារម្ភថាប្រសិនបើអង់គ្លេសចាប់លោក Julian Assangeបានហើយមិនបញ្ជូនទៅកាន់ស៊ុយអែតបែរជាបញ្ជូនទៅកាន់អាមេរិកវិញនោះលោក Julian Assangeអាចនឹងប្រឈមមុខនឹងកាត់ទោសប្រហារជីវិតមិនខានព្រោះស្ថាបនិកWikileaksរូបនេះបានបញ្ចេញព័ត៌មានសម្ងាត់យោធារបស់អាមេរិកជាច្រើនជាសាធារណៈពាក់ព័ន្ធនឹងការធ្វើសង្គ្រាមជាដើម៕
No comments:
Post a Comment
yes