ចលនាប្រជាធិបតេយ្យសង្គ្រោះជាតិ និងគណបក្ស សង្គ្រោះជាតិ កំពុងតែមានប្រជាប្រិយភាពយ៉ាងខ្លាំងបំផុតនៅក្នុងបេះដូងរបស់ប្រជាពលរដ្ឋខ្មែរ
ដែលចង់ឲ្យមានការផ្លាស់ប្តូរ និងបញ្ចប់អំ ណាចផ្តាច់ការនៅក្នុងប្រទេសកម្ពុជានោះ ។
ការបង្កើតឡើង ចលនាប្រជាធិបតេយ្យសង្គ្រោះជាតិ និងគណបក្ស សង្គ្រោះជាតិ គឺដោយមានការរួមបញ្ចូលគ្នាជាសម្លេងតែមួយរវាង
គណបក្ស សម រង្ស៊ី និងគណបក្ស សិទ្ធិមនុស្ស ដែលទាំងអស់នេះបានធ្វើឲ្យគណបក្សកាន់អំណាចសព្វថ្ងៃកាន់តែមានការភ័យខ្លាចពីការបរជ័យរបស់ខ្លួននៅឆ្នាំ២០១៣
កាន់តែខ្លាំងឡើង ។ គណបក្ស សង្គ្រោះជាតិ គឺជាគណបក្សថ្មីមួយដែលបង្កើតឡើងដោយអ្នកប្រជាធិបតេយ្យ
ស្រលាញ់ជាតិ និងអ្នកស្រលាញ់ប្រជាពលរដ្ឋពិតប្រាកដ ហើយ
គណបក្សថ្មីមួយនេះ ក៏មានស្នូលរបស់ខ្លួនដ៏រឹងមាំផងដែរ នោះគឺស្នូលរបស់គណបក្ស
សម រង្ស៊ី និង គណបក្ស សិទ្ធិមនុស្ស ព្រោះថានៅពេលខាងមុខគណបក្ស សម រង្ស៊ី និងគណបក្ស
សិទ្ធិមនុស្ស នឹងរៀបចំបញ្ជីឈ្មោះរួមគ្នាតែមួយដើម្បីចូលរួមក្នុងការបោះឆ្នោតនៅឆ្នាំ២០១៣
ដោយគណបក្ស សម រង្ស៊ី និងគណបក្ស សិទ្ធិមនុស្ស មិនមានអ្នកឈរឈ្មោះនោះឡើយ ។
សូមជំរាជូនផងដែរថា ជារៀងរាល់ថ្ងៃថ្នាក់ដឹកនាំរបស់គណបក្ស សម រង្ស៊ី និងគណបក្ស
សិទ្ធិមនុស្ស បាននឹងកុំពុងតែធ្វើការរួមគ្នាដោយបានចុះទៅតាមបណ្តាខេត្តនានា
ដើម្បីធ្វើការពន្យល់ និងជំរាបជូនដល់ប្រជាពលរដ្ឋដែលជាអ្នកគាំទ្រគណបក្សទាំងពី ក៏ដូចជាសមាជិក-សមាជិការ
និងថ្នាក់ដឹកនាំរបស់គណបក្សទាំងពីរនៅតាមបណ្តាខេត្ត
ឲ្យពួកគាត់បានជ្រាបអំពីការសម្រេចរួម បញ្ចូលគ្នាជាសម្លេងតែមួយរវាងគណបក្ស សម រង្ស៊ី
និងគណបក្ស សិទ្ធិមនុស្ស ក៏ដូចជាការបង្កើត ចលនាប្រជាធិបតេយ្យសង្គ្រោះជាតិ
និងគណបក្ស សង្គ្រោះជាតិ ផងដែរ ។
មានប្រសាសន៏ទៅកាន់ប្រជាពលរដ្ឋដែលជាអ្នកគាំទ្រគណបក្ស សម រង្ស៊ី និងគណបក្ស
សិទ្ធិមនុស្ស ក៏ដូចជាសមាជិក-សមាជិការ និងថ្នាក់ដឹកនាំរបស់គណបក្សទាំងពីរលោក
គីមសួរ ភីរិទ្ធ តំណាងរាស្រ្តគណបក្ស សម រង្ស៊ី ខេត្តកំពង់ចាមបានថ្លែងថា ក្រោយពីគណបក្ស
សម រង្ស៊ី និងគណបក្ស សិទ្ធិមនុស្ស រួមបញ្ចូលគ្នាជាសម្លេងតែមួយមក បានធ្វើឲ្យរដ្ឋាភិបាលខ្មែរ
មានប្រតិកម្មយ៉ាងខ្លាំង ដោយមានការភ័យខ្លាចពីការរួមបញ្ចូលគ្នារវាងគណបក្ស សម រង្ស៊ី
និង គណបក្ស សិទ្ធិមនុស្ស ព្រោះថាគណបក្សទាំងពីរកាលពីមុនរស់នៅបែកគ្នា នៅតែពិបាកទប់ស្កាត់
ទំរាំតែគណបក្សទាំងពីររួមគ្នាជាសម្លេងតែមួយមិនដឹងជារដ្ឋាភិបាលរបស់លោក ហ៊ុន សែន
ពិបាកទប់ស្កាត់យ៉ាងណានោះទេ ដោយគេបានហៅការរួមគ្នារវាងគណបក្ស សម រង្ស៊ី និងគណបក្ស
សិទ្ធិមនុស្ស ថាជាព្យុះក្នុងក្អម ។
លោក គីមសួរ ភីរិទ្ធ មានប្រសាសន៏ទៀតថា
រដ្ឋាភិបាលក៏បាននិយាយផងដែរថា តើពួកប្រឆាំងសង្គ្រោះស្អីទៀតបើសម័យនេះគេសម្បូរសប្បាយគ្រប់បែបយ៉ាងទៅហើយនោះ
ក្រោមការគ្រប់ របស់គណបក្សប្រជាជន មកសង្គ្រោះស្អីទៀត បើដូចជាកាលពីសម័យប៉ុលពត
បានជាគេហៅថាសង្គ្រោះ ។ ជាការឆ្លើយតបលោកគីមសួរ
ភីរិទ្ធ មានប្រសាសន៏ជំរាបទៅដល់សមាជិក-សមាជិការគណបក្សទាំងពីរនិងប្រជាពលរដ្ឋដែលជាអ្នកគាំទ្រគណបក្ស
ចលនាប្រជាធិបតេយ្យ និងគណបក្ស សង្គ្រោះជាតិ ទាំងអស់ឲ្យបានជ្រាបថា មិនចាំបាច់ដូចជាសម័យ
ប៉ុលពត គេចាប់ចង សម្លាប់វាយធ្វើបាបបានសង្គ្រោះទេ ដោយលោកថា
បច្ចុប្បន្ននេះប្រជាពលរដ្ឋ៦០% ជំពាក់ប្រាក់ធនាគារក៏ត្រូវការឲ្យមានយើងសង្គ្រោះដែរ
យើងសង្គ្រោះធនធានធម្មជាតិដែលត្រូវបានគេបំផ្លាញមាន ព្រៃឈើ រ៉ែ សមុទ្រ ទន្លេ
មច្ឆាជាតិ រួមជាមួយនិងបូរណៈភាពទឹកដីរបស់យើងដែលត្រូវបានគេរំលោភយកពីសំណាក់ប្រទេសជិតខាង
ពិសេសគឺខាងកើត តាមរយៈការបោះបង្គោលព្រំដែនរវាងរដ្ឋាភិបាលក្រុងភ្នំពេញ
ជាមួយនិងរដ្ឋាភិបាលក្រុងហាណូយ ដែលធ្វើឲ្យបាត់បង់ទឹកដីខ្មែរអស់ជាច្រើនចូលទៅខាងយួន
ក៏ដូចជាការពុះជ្រាកទឹកដីខ្មែរ ឲ្យទៅយួនតាមរយៈក្រុមហ៊ុនឯកជន និងសមាគមន៏របស់យួនផងដែរ
ទាំងអស់នេះហើយដែលយើងទាំងអស់គ្នាត្រូវតែសង្គ្រោះនោះ មិនចាំបាច់កាលពីសម័យប៉ុលពតនោះឡើយ
ហើយនៅមានជាច្រើនទៀតដែលយើងត្រូវការសង្គ្រោះ ដើម្បីឲ្យប្រជាពលរដ្ឋ
និងប្រទេសកម្ពុជារបស់យើងផ្លាស់ប្តូរមុខមាត់ថ្មី
។
តំណាងរាស្រ្តគណបក្ស សម រង្ស៊ី លោក គីមសួរ ភីរិទ្ធ បានមានប្រសាសន៏បន្ថែមទៀតថា ឥឡូវនេះកម្លាំងអ្នកប្រជាធិបតេយ្យគឺកើនកាន់តែច្រើនឡើងៗក្នុងការចូលរួមជាមួយនិងគណបក្ស
សង្គ្រោះជាតិ ហើយនៅឆ្នាំ២០១៣ខាងមុខនេះ កម្លាំងអ្នកស្នេហាជាតិ កម្លាំងអ្នកប្រជាធិបតេយ្យ
និងទទួលបានជោគជ័យជាក់ជាមិនខាន ។ ជាមួយគ្នានោះលោក គីមសួរ ភីរិទ្ធិ ក៏បានជំរាប និងទទូចសុំឲ្យប្រជាពលរដ្ឋទាំងអស់អញ្ជើញទៅចុះឈ្មោះបោះឆ្នោត
និងពិនិត្យបញ្ជីឈ្មោះបោះឆ្នោតឲ្យបានទាំងអស់គ្នា ដែលការចុះឈ្មោះនិងពិនិត្យបញ្ជីឈ្មោះនិងប្រព្រឹត្តទៅចាប់ពីថ្ងៃនេះទៅហើយរហូតដល់ថ្ងៃទី១២
ខែតុលា ឆ្នាំ២០១២ ដើម្បីឲ្យយើងមានសិទ្ធិទាំងអស់គ្នាក្នុងការចូលរួមបោះឆ្នោតជ្រើសរើសថ្នាក់ដឹកនាំដែលខ្លួនស្រលាញ់ពេញចិត្ត
និងសម្រេចជោគវាសនាអនាគត់ប្រទេសជាតិរបស់យើងដោយខ្លួនយើងជាពលរដ្ឋខ្មែរ មិនមែនឲ្យបរទេសមកជ្រើរើសមេដឹកនាំប្រទេស
និងសម្រេចជោគវាសនាអាគត់របស់ប្រទេសជាតិជំនួសយើងដែលជាប្រជាពលរដ្ឋខ្មែរនោះឡើយ ។
ជាការពិតដើម្បីយើងសម្រេចបានគោលដៅដ៏ធំរបស់យើងនៅឆ្នាំ២០១៣ ប្រជាពលរដ្ឋខ្មែរទាំង
អស់ត្រូវតែទៅចុះឈ្មោះ និងពិនិត្យបញ្ជីឈ្មោះឲ្យបានគ្រប់ៗគ្នា ព្រោះការចុះឈ្មោះ
និងពិនិត្យមើលបញ្ជីឈ្មោះបោះឆ្នោតឆ្នាំ២០១២នេះគឺជាលើកចុងក្រោយហើយ
ដើម្បីយើងមានសិទ្ធិក្នុងការ បោះឆ្នោតនៅឆ្នាំ២០១៣នោះ ។
ការសង្គ្រោះជាតិ
ដើម្បីឲ្យរួចផុតពីការដឹកនាំប្រទេសរបស់គណបក្សកាន់អំណាចបច្ចុប្បន្នតាមរបៀបផ្តាច់ការ
និងបានដើរទៅដល់មាត់ជ្រោះមរណៈហើយនោះមិនមែនតែថ្នាក់ដឹកនាំរបស់គណបក្ស សង្គ្រោះជាតិ
តែប៉ុណ្ណោះទេ តែចាំបាច់ណាស់ត្រូវតែមានការចូលរួមពីប្រជាពលរដ្ឋជា ដាច់ខាត
ព្រោះប្រជាពលរដ្ឋគឺជាឆ្អឹងកករបស់គណបក្សនយោបាយដែលមិនអាចខ្វះបាន ជាពិ សេសដូចជាគណបក្ស
សង្គ្រោះជាតិស្រាប់ ។ ប្រសិនបើប្រជាពលរដ្ឋខ្មែរផ្ញើរក្តីសង្ឃឹមមកលើ គណបក្ស
សង្គ្រោះជាតិ ប្រជាពលរដ្ឋដែលជាអ្នកស្នេហាជាតិ ក៏ត្រូវតែចូលរួមក្នុងការរំដោះជាតិ
ជាមួយគណបក្ស សង្គ្រោះជាតិ ឲ្យបានសស្រាក់ស្រាំផងដែរ គឺមានន័យថា ទៅចុះឈ្មោះ និងពិនិ
ត្យបញ្ជីឈ្មោះឲ្យបានគ្រប់គ្នា ហើយនៅថ្ងៃបោះឆ្នោតសូមកុំភ្លេច និងត្រូវតែចងចាំថាបោះឆ្នោតជូនគណបក្ស
សង្គ្រោះជាតិ ទោះជាមានឧបសគ្គអ្វីក៏ដោយ ព្រោះការជំនះបានឧបសគ្គនៅ ពេលនេះនិងធ្វើឲ្យបងប្អូនមានការផ្លាស់ប្តូរជីវិតរស់នៅថ្មីទាំងស្រុង
តែប្រសិនបើបងប្អូនមិនអាច ជំនះបានឧបសគ្គបាននៅពេលនោះទេ បងប្អូន និងកូនចៅ
រួមជាមួយនិងប្រទេសជាតិរបស់យើង ពិតណាស់ និងត្រូវគាំគ្រាអស់រយៈពេល៥ឆ្នាំទៀតក្រោមការគ្រប់គ្រងរបស់គណបក្សកាន់អំណាចបច្ចុប្បន្នជាក់ជាមិនខាន
៕
No comments:
Post a Comment
yes