មន្ត្រីរដ្ឋាភិបាលបាននិយាយកាលពីថ្ងៃសុក្រថាទឹកជំនន់នៅក្នុងប្រទេសប៉ាគីស្ថានបានសម្លាប់មនុស្ស៣៧១នាក់និងធ្វើឲ្យមានការប៉ះពាល់ដល់ប្រជាជនជិត៤.៥លាននាក់។
ប្រទេសប៉ាគីស្ថានបានទទួលផលប៉ះពាល់ពីទឹកជំនន់ដែលបង្កមហន្តរាយធ្ងន់ធ្ងរនៅក្នុងរយៈពេលពីរឆ្នាំមកនេះ ដែលរួមមានទឹកជំនន់ដ៏អាក្រក់បំផុតក្នុងប្រវត្តិសាស្ត្ររបស់ខ្លួន នៅក្នុងឆ្នាំ២០១០ នៅពេលដែលការជន់លិចដ៏ហិនហោចនៅទូទាំងប្រទេសបានសម្លាប់មនុស្សជិត ១.៨០០០នាក់ និងបានធ្វើឲ្យប៉ះពាល់ដល់មនុស្សចំនួន២១លាននាក់។
នៅក្នុងឆ្នាំ២០១០ និងឆ្នាំ២០១១ ភាគច្រើននៃតំបន់ទាំងឡាយដែលត្រូវបានវាយប្រហារដោយទឹកជំនន់ គឺស្ថិតនៅក្នុងខេត្តស៊ីង ទីដែលអាជ្ញាធរគ្រប់គ្រងគ្រោះ មហន្តរាយជាតិបាននិយាយថា មនុស្សចំនួន២,៨លាននាក់បានទទួលរងផលប៉ះពាល់ ដោយអ្នកទទួលរងគ្រោះជិត៨៩០.០០០នាក់ស្ថិតនៅក្នុងរដ្ឋពុនចាប និង៧០០.០០០នាក់ស្ថិតនៅក្នុងតំបន់បាលូជីស្ថាន ។
ទឹកជំនន់នេះបានចាប់ផ្ដើមនៅដើមខែកញ្ញា ហើយមនុស្សជិត៨០នាក់ត្រូវបានសម្លាប់នៅក្នុងការជន់លិចភ្លាមៗ ដោយភាគច្រើនស្ថិតនៅតំបន់ភាគពាយព្យ និងតំបន់កាស្មៀ ដែលស្ថិតក្រោមការគ្រប់គ្រងរបស់ប្រទេសប៉ាគីស្ថាន។
អ្នកនាំពាក្យរបស់អាជ្ញាធរគ្រប់គ្រងគ្រោះមហន្តរាយជាតិបាន និយាយថា រដ្ឋាភិបាលមិនទាន់បានដាក់សំណើសុំជំនួយបរទេសនៅឡើយទេ៕
No comments:
Post a Comment
yes