ឧនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃរបស់ថៃបានចាកចេញពីតំណែងកាលពីម្សិលមិញបន្ទាប់ពីមានការបណ្ដេញ ដោយសាតែការជម្នះលក់ដីដែលជាកម្មសិទ្ធិរបស់វត្ត។
លោក យុងយុទ្ធ វីចាឌីត ដែល ទើប លាលែង ពី តំណែង ជា រដ្ឋមន្ត្រី ក្រសួង មហាផ្ទៃ
ការសម្រេចចិត្តលាឈប់នេះបើយោងតាមកាសែត ថៃរ៉ាត់ ថាគឺបន្ទាប់ពីគណៈកម្មាធិការយុទ្ធសាស្ត្របក្សភឿថៃបានធ្វើការអំពាវនាវបន្ទាន់ទៅ នាយករដ្ឋមន្ត្រីយីងឡាក់ ស៊ីណាវ៉ាត្រាដែលកំពុងទស្សនកិច្ចនៅសហរដ្ឋអាមេរិកថា លោក យ៉ុងយុទ្ធ វិចៃឌីត ( Yongyoth Vichaydit) ឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃ មិនគួរ កាន់តំណែងនយោបាយអ្វីមួយទេ បើមិនដូច្នេះ គណបក្សភឿថៃនឹងប៉ះពាល់ ។ ហើយអនុគណៈកម្មាធិការក៏បានសំរេច បណ្តេញរដ្ឋមន្ត្រីរូបនេះតាមការទាមទារពីគណៈកម្មាធិការប្រឆាំង អំពើពុករលួយជាតិ ដែលបានចោទប្រកាន់ថា ខកខានមិនបាន ធ្វើតាមអនុសាសន៍របស់ក្រុមប្រឹក្សារដ្ឋ ស្តីពីការដកកម្មសិទ្ធិដីពី ក្រុមហ៊ុនវាយកូនគោលមួយក្នុងខេត្ត ផាធូម ថានី ដែលលោក យ៉ុងយុទ្ធ បានអនុម័តលក់ទៅអោយក្រុមហ៊ុន Alpine Real Estate and Alpine Golf and Sports Club ខណៈដែលក្រុមប្រឹក្សារដ្ឋបានសំរេចថា វាជាដីវត្ត មិនអាចលក់ ឬ ផ្ទេរបាននោះ។
យ៉ាងណាក៏ដោយលោក យុងយុទ្ធ វីចាឌីត បាននិយាយថា លោកបានសំរេចចិត្តលាឈប់ដោយខ្លួនឯង ដោយគ្មានសម្ពាធ មកលើរូបលោកឡើយ ព្រោះលោកបានដាក់ពាក្យសុំលាឈប់ទៅវិមានរដ្ឋាភិបាល ដែលវានឹងចូលជាធរមាននៅថ្ងៃ០១តុលា៕
No comments:
Post a Comment
yes