លោក សម រង្ស៊ី ប្រធានចលនាប្រជាធិបតេយ្យសង្គ្រោះជាតិ (រូបថត AFP)
យោងតាមសារអ៊ីមែលរបស់ខុទ្ទកាល័យគណបក្សសមរង្ស៊ី ដែលសំឡេងប្រជាធិបតេយ្យទទួលបាននៅថ្ងៃព្រហស្បតិ៍នេះ បាន សរសេរថា លោក សម រង្ស៊ី នឹងថ្លែងអំពីបរិយាកាសនយោបាយនៅកម្ពុជា នៅមុនការបោះឆ្នោតសភាឆ្នាំ២០១៣ ហើយនៅពេលនោះ លោកនឹងជួបសន្ទនា ដោយផ្ទាល់ជាមួយសមាជិក មន្ត្រីជាន់ខ្ពស់នៃប្រទេសហ្វីលីពីន។
បើតាមខុទ្ទកាល័យគណបក្សសមរង្ស៊ី ប្រធានចលនាប្រជាធិបតេយ្យសង្រ្គោះជាតិ និងទទួលជួបទីប្រឹក្សា របស់លោកប្រធានាធិបតីហ្វីលីពីន លោក ណារិច អាកូស្តា (Dr. Neric Acosta) និងសមាជិកព្រឹទ្ធសភា (Senator Frank Drilon)។
គោលបំណងរបស់មេដឹកនាំបក្សប្រឆាំងរូបនេះ នៅក្រុងម៉ានិល គឺសំដៅបង្កើតគណៈកម្មាធិការសភាអន្តរជាតិ ដើម្បីការបោះឆ្នោតដោយសេរី និងប្រជាធិបតេយ្យនៅកម្ពុជា ហៅកាត់ថា (IPCDEC)។
គណបក្សសមរង្ស៊ី ប្រកាសថា លោក សម រង្ស៊ី នឹងវិលមកកាន់កម្ពុជាវិញ ដើម្បីដឹកនាំគណបក្សសង្រ្គោះជាតិ នៅចុងឆ្នាំ២០១២នេះ៕
No comments:
Post a Comment
yes