ការបញ្ជារបស់លោកនាយករដ្ឋមន្ត្រី ហ៊ុន សែន ធ្វើឡើងខណៈលោកចុះចែកប័ណ្ណកម្មសិទ្ធិដីជូនប្រជាពលរដ្ឋ នៅស្រុករមាសហែក ខេត្តស្វាយរៀង នៅថ្ងៃសុក្រនេះ។ លោកនាយករដ្ឋមន្ត្រី អះអាងថា បើលោកដឹងពីការលក់យកដីពលរដ្ឋនេះ លោកនឹងចាត់វិធានការតាំងពីមុនមកម្ល៉េះ ៖" ព្រោះរឿងអី អាជីដូនមួយ ខ្ញុំអ្នករត់ការ។ ជីដូចមួយខ្ញុំបង្កើតម៉ង អាឃ្លាំង។ ហើយអញ្ចឹងបានថា ហេតុអីស្រាវជ្រាវយកទាំងអាឃ្លាំងហ្នឹងយកមកស្រាវជ្រាវទៀត បូកហ្នឹងអាផ្កាយមួយទៀត។ ដីឯងប្រឹងអនុប្រយោគឲ្យប្រជាពលរដ្ឋ មិនចុះមកវាស់ឲ្យប្រជាពលរដ្ឋទេ វានាំគ្នាដើរលក់” ។
មន្រ្តីសិទ្ធិមនុស្ស ធ្លាប់រកឃើញថា បើទោះជាមានការបញ្ជាឲ្យចាប់ខ្លួននេះក៏ដោយ តែមានការរិះគន់ថា សាច់ញាតិលោកនាយករដ្ឋមន្ត្រី ដែលប្រព្រឹត្តខុសច្បាប់កន្លងមក មិនដែលត្រូវផ្តន្ទាទោសនោះទេ។ ពួកគេ បានលើកយកករណីលោកស្រី ឌី ព្រឹម ជាប្អូនជីជូនមួយរបស់លោក ដែលត្រូវតុលាការរាជធានីភ្នំពេញ កាត់ទោសឲ្យជាប់ពន្ធនាគារ ករណីរំលោភដីពលរដ្ឋ នៅជាយរាជធានីភ្នំពេញ តែតុលាការមិនបានចេញដីកាចាប់ឃុំខ្លួននោះឡើយ។
យ៉ាងនេះក្តី នៅក្នុងពិធីចែកប័ណ្ណកម្មសិទ្ធិដី នៅព្រឹកមិញនេះ លោកនាយករដ្ឋមន្ត្រី ហ៊ុន សែន បានបញ្ជាឲ្យកាត់ដីរបស់ក្រុមហ៊ុន អាន ម៉ារ៉ាឌី ប្រមាណ ១៥០០ហិកតា ជូនប្រជាពលរដ្ឋ នៅខេត្តស្វាយរៀងវិញ។
កាលពីដើមខែឧសភា ឆ្នាំ២០១០ ប្រជាពលរដ្ឋចំនួន ៥ភូមិ ប្រមាណ៧៣៥គ្រួសារ បានតវ៉ាប្រឆាំងជាមួយក្រុមហ៊ុន អាន ម៉ារ៉ាឌី ដោយចោទប្រកាន់ថា បានរំលោភយកដីរបស់ពួកគេ ប្រមាណជា៨០០ហិកតា។ នៅឆ្នាំ២០០៨ ប្រជាពលរដ្ឋចំនួន៥រូប ត្រូវជាប់ឃុំអស់ ២១ថ្ងៃ ដោយសារបណ្តឹងរបស់ក្រុមហ៊ុននេះ៕
No comments:
Post a Comment
yes