កម្មកររោងចក្រ Cambo ធ្វើកូដកម្មព្រឹកមិញ
កម្មករជាច្រើនពាន់នាក់ មកពីរោងចក្រកាត់ដេរចំនួន៤ក្នុងរាជធានីភ្នំពេញ ខេត្តកណ្តាល និងកំពង់ស្ពឺ បាននាំគ្នាធ្វើកូដកម្មប្រឆាំង និងម្ចាស់រោងចក្ររបស់ពួកគេ ដើម្បីទាមទារលក្ខខណ្ឌការងារល្អប្រសើរ និងអនុញ្ញាតឲ្យតំណាងរបស់ពួកគេចូលធ្វើការងារវិញ។
កម្មករតៃយ៉ុងជាង ៥០០នាក់បានឈរតវ៉ាមុខរោងចក្រដែលស្ថិតនៅ ក្នុងស្រុកអង្គស្នួលខេត្តកណ្តាលនៅព្រឹកថ្ងៃនេះ ដើម្បីទាមទារលក្ខខណ្ឌ២ចំណុចពីថៅកែរោងចក្រ ក្នុងការដកបណ្តឹងប្តឹង សមាជិកសហជីពនិងកម្មករ ១៦នាក់និងអនុញ្ញាតឲ្យពួកគេចូលបម្រើការងារវិញ។
លោករី សិទ្ធិណែត មន្ត្រីសហជីពសេរីកម្មករ ដែលបានចុះទៅអន្តរាគមន៍នៅរោងចក្រតៃយ៉ុង បានឲ្យដឹងថាកម្មករចាប់ផ្តើមធ្វើកូដកម្ម កាលពីព្រឹកមិញនេះបន្ទាប់ពីពួកគេបានជូនដំណឹងទៅរោងចក្រកាលពីសប្តាហ៍មុនហើយ។
លោកបញ្ជាក់ថា «ពួកគេចង់ឲ្យខាងរោចក្រ ដកពាក្យបណ្តឹង ដែលបានប្តឹងកម្មករនិងសហជីព ១៦នាក់ និងចង់ឲ្យរោងចក្រទទួលពួកគេចូលធ្វើការវិញដែរ»។
កម្មករដែលធ្វើកូដកម្មព្រមគ្នានេះ គឺមកពីរោងចក្រ Fabrict's Art, រោងចក្រតៃយ៉ុង, រោងចក្រស៊ឹងស៊ីង យៀន និងរោងចក្រ Cambo Kotop។
No comments:
Post a Comment
yes