ក្រុងការ៉ាកាស់ៈ ហ្វូងមនុស្សដ៏សម្បើមបានបំពេញផ្លូវទាំងឡាយនៅក្នុងរដ្ឋធានីវ៉េណេស៊ុយអេឡា ស្រែកអបអរសាទរបេក្ខជនបក្សប្រឆាំង ដោយក្រវីទង់ជាតិជាការបង្ហាញពីការគាំទ្រមួយសប្តាហ៍មុនការបោះឆ្នោតប្រធានាធិបតីដែលប្រជែងគដ៏ស្វិតស្វាញរបស់ប្រទេសនេះ។
លោក ហិនរីក កាព្រីល បានគ្រវីដៃពីក្នុងរថយន្តធំមួយដែលបានបើកកាត់ហ្វូងអ្នកគាំទ្រនៅក្រុងការ៉ាកាស។ហ្វូងមនុស្ស ហូរហៀររុក្ខវិថីបូលីវ៉ារ ជាវិថីធំបំផុតក្នុងសង្កាត់ពាណិជ្ជកម្មរបស់ក្រុងនេះ ដែលយោងតាមអ្នកខ្លះ បានប៉ាន់ស្មានថា មានសមត្ថភាពអាចដាក់មនុស្សប្រមាណ២៦ម៉ឺននាក់។
ក្រុមអាជ្ញាធរ មិនបានផ្តល់ការប៉ាន់ស្មាននៃចំនួនហ្វូងមនុស្សទេ។
នៅចំពោះហ្វូងមនុស្សដែលជាការជួបជុំរបស់បក្សប្រឆាំងដែលមានចំនួនច្រើនបំផុតនៅប៉ុន្មានឆ្នាំថ្មីៗនេះ លោកកាព្រីល បានស្រែកថា៖ «រុក្ខវិថីបូលីវ៉ារ គឺតូចពេកសម្រាប់យើង»។
ខណៈប្រធានាធិបតីវ៉េណេស៊ុយអេឡា លោក ហ៊ូហ្គូ ឆាវ៉េស បានដឹកនាំការជួបជុំមួយជាមួយនឹងអ្នកគាំទ្ររាប់ម៉ឺននាក់នៅរដ្ឋហ៊្សូលា ភាគខាងកើត កាលពីថ្ងៃអាទិត្យ អាជ្ញាធរ កំពុងតែស៊ើបអង្កេតការសម្លាប់មនុស្សពីរនាក់នៅក្នុងការបាញ់ប្រហារមួយ ដែលបានផ្ទុះឡើងនៅកន្លែងផ្សេងក្នុងអំឡុងពេលហែរក្បួនយុទ្ធនាការបក្សប្រឆាំងមួយកាលពីថ្ងៃសៅរ៍។
No comments:
Post a Comment
yes