“តើបងមានប័ណ្ណបើកបរទេ? តើបងដឹងថាផ្លូវនេះហាមបទឆ្វេងទេ? តើបងដឹងថាបងបើកបររថយន្ត គ្មានឈៀកទេ? តើបងដឹងថា ទោសកំហុសនៃការបើកបរបញ្ច្រាស និងគ្មានប័ណ្ណបើកបរ ត្រូវពិន័យជាប្រាក់ ប៉ុន្មានទេ? ហេតុនេះរថយន្តរបស់បងត្រូវបញ្ជូនទៅកាន់ការិយាល័យប៉ូលីសចរាចរខេត្ត ហើយត្រូវបង់ប្រាក់ពិន័យ ២០ ម៉ឺនរៀល» ខាងលើនេះជាការសូត្រច្បាប់ចរាចររបស់នាយប៉ូលីសចរាចរម្នាក់នៅចំណុចគោលដៅស្ពានថ្មថ្មី តាមបណ្តោយផ្លូវជាតិលេខ៥ នៅម្តុំកាច់ជ្រុងទល់មុខមន្ទីរពហុព្យាបាលវិសាលសុខ នៃទីរួមខេត្តបាត់ដំបង កាល ពីល្ងាចថ្ងៃពុធទី៣ ខែតុលា ឆ្នាំ២០១២ វេលាម៉ោងជិត ៦.០០ ល្ងាច ។
ក្រោយពីបានទទួលប្រាក់១០ដុល្លារពីអ្នកបើកបរតាក់ស៊ីម្នាក់នោះ លោកប្រធានគោលដៅដែលគេស្គាល់ ថាជាអនុសេនីយទោ កា ហោ បានផ្តល់ការអនុញ្ញាតអោយអ្នកបើករថយន្តតាក់ស៊ីដែលគ្មានម៉ូយដឹកសោះនោះ បើករថយន្តចេញទៅ ដោយលែងនិយាយពីច្បាប់ដែលលោកទើបតែបានសូត្រហូរដូចទឹកកាលពីមុននោះឡើយ ។ លោកក៏ មិនបានចេញវិក័យបត្របង់ប្រាក់ជូនទៅអ្នកបើកបរតាក់ស៊ីរូបនោះដែរ។
ក្រោយពីបានទទួលប្រាក់១០ដុល្លារពីអ្នកបើកបរតាក់ស៊ីម្នាក់នោះ លោកប្រធានគោលដៅដែលគេស្គាល់ ថាជាអនុសេនីយទោ កា ហោ បានផ្តល់ការអនុញ្ញាតអោយអ្នកបើករថយន្តតាក់ស៊ីដែលគ្មានម៉ូយដឹកសោះនោះ បើករថយន្តចេញទៅ ដោយលែងនិយាយពីច្បាប់ដែលលោកទើបតែបានសូត្រហូរដូចទឹកកាលពីមុននោះឡើយ ។ លោកក៏ មិនបានចេញវិក័យបត្របង់ប្រាក់ជូនទៅអ្នកបើកបរតាក់ស៊ីរូបនោះដែរ។
មែនហើយ, ប៉ូលីសចរាចរខេត្តបាត់ដំបងត្រូវបានគេមើលឃើញថា ជាអ្នកធ្វើឬកខែងរ៉ែង និងជាអ្នកអនុវត្តច្បាប់តែសំបកក្រៅ ប៉ុន្តែធាតុពិត សកម្មភាពរបស់ពួកគេ ត្រូវបានមហាជនមើលឃើញថា វាគ្រាន់តែជាមុខជំនួញ ដែលយកច្បាប់របស់រដ្ឋធ្វើជារបររកស៊ីតែតែប៉ុណ្ណោះ ។ គេនៅមានការសង្ស័យថា ការប្រព្រឹត្តអំពើពុលរលួយ ប្រមូលលុយពីក្រុមអ្នកបើកបរយានយន្តយ៉ាងអនាធិបតេយ្យពាសពេញទីរួមខេត្តបាត់ ដំបង ក្នុងរបៀបជាចោរហារយបែបនោះ ប្រាកដជាមានមេកើយជាអ្នកការពារនៅពីក្រោយ។
ដូចគ្នានេះដែរ ក្រៅតែពីការអង្គុយធ្វើឬកខែងរ៉ែង សូត្រច្បាប់ចរាចរហូរដូចទឹកទៅកាន់អ្នកបើកបរ យាន្តយន្តនានាដែលមិនគោរពច្បាប់ចរាចរ នៅទីរួមខេត្តបាត់ដំបង នាយប៉ូលីសចរាចរម្នាក់នេះ បានទាលុយ ពីពួកគេ យ៉ាងតិចក៏៣០០០រៀលដែរ ក្នុងករណីមានកំហុសបន្តិចបន្តួច ដូចជាការមិនបានពាក់មួកសុវត្ថិភាព ជាដើម។
ប្រភពពីយុវនិស្សិតនៅទីរួមខេត្តបាត់ដំបង ដែលទទួលរងគ្រោះដោយសារការជំរិតទារប្រាក់ពីសំណាក់ ប៉ូលីសចរាចរខេត្តនេះ បានអោយដឹងថា សកម្មភាពបែបនេះ បានកើតឡើងជារៀងរាល់ថ្ងៃ ដែលធ្វើអោយ ប្រជាជន ខេត្តបាត់ដំបងមានការធុញទ្រាន់នឹងសកម្មភាពពុលរលួយរបស់ពួកគេ។
“ក្នុងមួយថ្ងៃៗ ពួកគេអាចរកលុយបាន យ៉ាងហោចណាស់ក៏៥០ ម៉ឺនរៀល ឬមួយលានរៀល ដែរក្នុងមួយគោលដៅ បើតាមការលួចតាមឃ្លាំមើលរបស់ខ្ញុំទៅសកម្មភាពរបស់ប៉ូលីសចរាចរ ទាំងនោះហើយថវិកាដែលពួកប៉ូលីសប្រមូលបាននោះត្រូវគេជឿថា នឹងមិនបញ្ចូលទៅក្នុងថវិការដ្ឋទេ ព្រោះ ករណីផាកពិន័យ ភាគច្រើន ពួកប៉ូលីសមិនបានចេញប័ណ្ណផាកពិន័យអោយអ្នកបើកបរល្មើសច្បាប់ទេ” នេះជាសំដីរបស់យុវសិស្ស គន្ធានិរតី ដែលកំពុងរស់នៅទីរួមខេត្តបាត់ដំបង។
ប្រភពស្និទនឹងប៉ូលីសចរាចរខេត្តបាត់ដំបងបានលួចបង្ហើបថា ការឈរជើងនៅតាមគោលដៅចរាចរ នីមួយៗ សុទ្ធតែមានការដាក់ដេញថ្លៃផ្ទៃក្នុង ហើយប្រធានគោលដៅនិមួយៗសុទ្ធតែមានភារកិច្ចប្រមូល លុយ យកទៅចិញ្ចឹមមេរបស់ខ្លួនតាមការកំនត់ បើមិនដូច្នោះទេ ពួកគេនឹងត្រូវដកចេញពីទីតាំងឈរជើង និងបាត់បង់ ផលប្រយោជន៍ក្នុងការរកស៊ីពុករលួយលើគំនរញើសឈាមរបស់ប្រជារាស្ត្រ ដោយយកច្បាប់ធ្វើជាបង្អែក។
ប្រភពដដែលបានអោយដឹងថា ប៉ូលីសចរាចរខេត្តបាត់ដំបង កំពុងបានប្រើប្រាស់ច្បាប់ ចរាចររកស៊ី យ៉ាងបើកចំហរ ដែលជាបញ្ច័យនាំអោយមានការសង្ស័យថា ពួកគេមានខ្នងនៅពីក្រោយជាអ្នកធំ ។
ប្រភពបានរាយការណ៍អោយដឹងទៀតថា នៅទីរួមខេត្តបាត់ដំបង ប៉ូលីសចរាចរមានគោលដៅយ៉ាងតិច ៦កន្លែង ដែលក្នុងនោះ រួមានគោលដៅក្បាលស្ពានថ្មថ្មីបែកខាងលិចតាមបណ្តោយផ្លូវជាតិលេខ ប្រាំដែល គ្រប់គ្រង ដោយលោកអនុសេនីយទោកា ហោ។
លោកយិន ម៉េងលី អ្នកឃ្លាំមើលស្ថានការណ៍សិទ្ធិមនុស្សនៅទីរួមខេត្តបាត់ដំបងបានមានប្រសាសន៍ថា ទឹកដីខេត្តបាត់ដំបងគឺជាទឹកដីដែលឈរជើងដោយឧបនាយករដ្ឋមន្ត្រី ស ខេង ដែលជារដ្ឋមន្ត្រីក្រសួងមហាផ្ទៃ ផង ត្រួតត្រាប៉ូលីសផង វាគួរតែមានសណ្តាប់ធ្នាប់ជាងខេត្តក្រុងនានា។
មន្ត្រីសិទ្ធិមនុស្សដដែល ហើយដែលជាអ្នកច្បាប់ផងនោះ បានលើកឡើងថា តែវាផ្ទុយពីនេះទៅវិញ ពួកប៉ូលីសចរាចរខេត្តបាត់ដំបងធ្វើសកម្មភាពពួនស្ទាក់ចាប់អ្នកធ្វើដំណើរហាក់ដូចជាពួកគាត់ជាឧក្រិដ្ឋជន ហើយ មានពេលខ្លះ ការវាយដំទៅលើអ្នកដំណើរផងក៏ធ្លាប់កើតមានដែរ។
លោកម៉េង លី បានធ្វើការកត់សម្គាល់ថា ប៉ូលីសចរាចរខេត្តបាត់ដំបង ភាគច្រើនធ្វើការផាកពិន័យលើ រាល់យានយន្តគ្រប់ប្រភេទមិនបានចេញសន្លឹកប័ណ្ណផាកពិន័យ ។ លើសពីនេះទៅទៀត គោលដៅឈរជើង របស់ប៉ូលីសចរាចរខេត្តនេះគ្មានស្លាកសញ្ញាសំគាល់ត្រួតពិនិត្យទេ ។ «ផ្ទុយទៅវិញ ប៉ូលីសបែរជាសកម្មភាពពួន ស្ទាក់តាមដើមឈើ តាមរបងសាលា ឬរបងផ្ទះអ្នកស្រុកជាដើម»។
មន្ត្រីសិទ្ធិមនុស្សដដែលទទូចថា ប៉ូលីសចរាចរខេត្តបាត់ដំបងគួរតែបញ្ចប់ទម្លាប់ទារប្រាក់ដោយមិន ដោយមិនចេញវិក័យបត្រ័បែបនេះ បើមិនដូច្នោះទេ មុខមាត់របស់លោកស ខេង រដ្ឋមន្ត្រីក្រសួងមហាផ្ទៃ និង ជាប្រធានក្រុមការងាររបស់គណបក្សកាន់អំណាចប្រចាំខេត្តពាយ័ព្យមួយនេះ អាប់អោនកេរ្តិ៍ឈ្មោះ ហើយធ្វើអោយប្រជាពលរដ្ឋបាត់បង់ជំនឿ ទៅលើរដ្ឋាភិបាល និងគណបក្សមួយនេះផង។
ដោយសារតែការទារប្រាក់ដោយប៉ូលីសចរាចរ ហើយគ្មាននរណាហ៊ានបង្ក្រាបអំពើពុករលួយដោយបើក ចំហរបែបនេះ អ្នកស្រុកបាត់ដំបងមួយចំនួនបានលើកជាសំណួរឡើងថា តើពួកប៉ូលីសចរាចរខេត្តកំពុងរកស៊ីហ៊ុន និងស ខេង រដ្ឋមន្ត្រីក្រសួងមហាផ្ទៃឬបានជាពួកគេអាចរកស៊ីល្មើសច្បាប់ ដោយគ្មានការបង្ក្រាបយ៉ាងនេះ តើអង្គភាពប្រឆាំងអំពើពុករលួយកំពុងធ្វើអ្វី ឬមួយពួកគេមិនហ៊ានលូកដៃក្នុងរឿងនេះទេ? បើដូច្នេះតើប្រជា ពលរដ្ឋអាចជឿលើសមត្ថកិច្ចរបស់រដ្ឋបានដែរទេ?៕
No comments:
Post a Comment
yes