សកម្មភាពដឹកជញ្ជូនទំនិញការហូរចូលភ្ញៀវទេសចរជាពិសេសជំនួញឈើខុសច្បាប់ទៅកាន់ ស្រុកយួនដែលកាន់តែគគ្រឹកគគ្រេងឆ្លងកាត់ច្រកអន្ដរជាតិអូរយ៉ាដាវ គឺជាប្រភពចំណូលមិនចេះរីងស្ងួត របស់លោក ហេង គឹមសាន ហើយពេលថ្មីៗនេះក៏មានរឿងអាស្រូវពុករលួយទាក់ទិនការគាបជំរិតបង្ខំឱ្យ ក្រុមឈ្មួញដែលរកស៊ីដឹកជញ្ជូនទំនិញ បង់លុយតាមតែអំពើចិត្ដក៏ដូចជាការបង្ខំឱ្យរថយន្ដដឹកភ្ញៀវទេសចរឆ្លងកាត់បង់ប្រាក់យ៉ាងតិច ៥០០០ រៀល អាចចាត់ទុកជាអំពើពុករលួយដ៏អាក្រក់បំផុតដែលទាមទារឱ្យថ្នាក់លើពិនិត្យមើលភាពអសកម្មរបស់លោក ហេង គឹមសាន ជាបន្ទាន់។
មន្ដ្រីតូចតាចមួយចំនួនបានលើកឡើងថា លោក ហេង គឹមសាន បានធ្វើការងារតាមរបៀបជិះ សេះលែងដៃ បង្កើតឱ្យមានភាពមិនប្រក្រតីជាច្រើនដូចជា ករណីដែលគាត់ចេញបញ្ជាឱ្យមាន ការទារប្រាក់ ពីរថយន្ដដឹកភ្ញៀវទេសចរ ក៏ដូចជារថយន្ដដឹកជញ្ជូនទំនិញដែលឆ្លងកាត់ច្រកអូរយ៉ាដាវ សុទ្ធតែជាកំហុស ឆ្គងផ្ទុយពីការណែនាំរបស់ថ្នាក់លើ ។ ជាពិសេសការគាបជំរិតបង្ខំឱ្យប្រជាពលរដ្ឋដែលរកស៊ីដឹកជញ្ជូន កសិផលចេញទៅស្រុកយួនបង់ប្រាក់តាមតែអំពើចិត្ដមិនត្រឹមតែបង្ក ឱ្យមានទុក្ខលំបាកសម្រាប់ប្រជាពល រដ្ឋប៉ុណ្ណោះទេ គឺបង្កឱ្យមានផលប៉ះពាល់ដល់សេដ្ឋកិច្ចជាតិផងដែរ ។
លោក ហេង គឹមសាន បានចាត់ តាំងឱ្យមន្ដ្រីជំនិតរបស់ខ្លួនដាក់កុងត្រូលនៅលើកំណាត់ផ្លូវលេខ ៧៨ ក្នុងភូមិសាស្ដ្រស្រុកអូរយ៉ាដាវ ដើម្បីស្ទាក់ចាប់រថយន្ដដឹកជញ្ជូនទំនិញ រួមទាំងរថយន្ដដឹកឈើខុសច្បាប់ឱ្យចូលបង់លុយតាមរបៀបពុក រលួយដែលត្រង់ចំណុចនេះមានការរំលឹកថា លោក ហេង គឹមសាន គ្មានតួនាទីអ្វីត្រូវដាក់ពង្រាយមន្ដ្រី នៅលើកំណាត់ផ្លូវលេខ ៧៨ តាមរបៀបកុងត្រូលជជុះនោះទេ ។
បើពិនិត្យមើលខ្លឹមសារក្នុងអនុក្រឹត្យលេខ ៦៤ របស់រដ្ឋាភិបាលស្ដីពីការគ្រប់គ្រងច្រកព្រំដែនបាន បង្ហាញឱ្យឃើញថា ក្នុងនាមជាប្រធានស្នាក់ការច្រកអន្ដរជាតិ អូរយ៉ាដាវ លោក ហេង គឹមសាន ត្រូវ មានតួនាទីគ្រប់គ្រងតែផ្នែករដ្ឋបាលប៉ុណ្ណោះ ហើយមានសិទ្ធិដោះស្រាយរាល់បាតុភាពចម្រូងចម្រាស ដែលកើតមានប្រចាំថ្ងៃ។ ប៉ុន្ដែលោក ហេង គឹមសាន មិនបានអនុវត្ដន៍តាមខ្លឹមសារអនុក្រឹត្យនេះទេបែរជា ចាត់តាំងមន្ដ្រីជំនិតរបស់ខ្លួនឱ្យចេញប្រមូលលុយពីរថយន្ដដឹកទំនិញក៏ដូចជា ការដឹកជញ្ជូនឈើខុសច្បាប់ ហើយពេលខ្លះមន្ដ្រីរបស់លោក ហេង គឹមសាន បានគាបជំរិតប្រាក់ពីរថយន្ដដឹកភ្ញៀវទេសចរច្រើនហួស ហេតុពេកក៏កើតមានការប្ដឹងតវ៉ា ពីក្រុមអាជីវករធ្វើឱ្យខ្មាសសមត្ថកិច្ចនៃប្រទេសជិតខាងផងដែរ។
ក្នុងអាជីពជាមន្ដ្រីរាជការដែលត្រូវបានតែងតាំង ជាប្រធានស្នាក់ការច្រកទ្វារអន្ដរជាតិអូរយ៉ាដាវ ច្រើនឆ្នាំកន្លងមកនេះលោក ហេង គឹមសាន ស្គាល់ភូមិសាស្ដ្រ និងក្ដោបបានទិន្នន័យរកស៊ីខុសច្បាប់របស់ ក្រុមឈ្មួញធំៗមួយ ចំនួនដូច្នេះហើយបានជាគាត់ធ្វើការងារតាមរបៀបជិះសេះលែងដៃមិនដែលខ្វល់ខ្វាយអ្វី ទាំងអស់ធ្វើយ៉ាងណាឱ្យតែបានលុយច្រកហោប៉ៅ ហើយផ្គើនបំផុតទៅនឹងបទបញ្ជារបស់ថ្នាក់លើគេមិន ដែលឃើញអភិបាលខេត្ដរតនគិរីចាត់វិធាន ការដោះស្រាយជុំវិញភាពអសកម្មរបស់លោក ហេង គឹមសាន ម្ដងណាឡើយ។
កន្លងមកក្រុមឈ្មួញដែលរកស៊ីដឹកជញ្ជូនឈើខុសច្បាប់តែងតែពឹងអាស្រ័យឱ្យលោក ហេង គឹម សាន ជួយរត់ការបើកផ្លូវជាពិសេសគ្រប់កាស៊ីណូខុសច្បាប់ដែលបើកធ្វើអាជីវកម្មដោយមិនសុំការអនុញ្ញាត ឬមិនបានបង់ពន្ធឱ្យក្រសួងសេដ្ឋកិច្ច និងហិរញ្ញវត្ថុសុទ្ធតែមានឈ្មោះលោក ហេង គឹមសាន ជួយអន្ដរា គមន៍ បើទោះបីជាក្រុមការងារអន្ដរក្រសួងធ្លាប់បានចុះទៅពិនិត្យ និងណែនាំយ៉ាងណាក៏ដោយក៏ម្ចាស់កា ស៊ីណូរួមទាំងក្រុមឈ្មួញដែលបានយកលោក ហេង គឹមសាន ធ្វើជាខ្នងបង្អែកមិនដែលខ្វល់ខ្វាយអនុ វត្ដន៍តាមនោះទេ ។ លោក ហេង គឹមសាន បានចាត់តាំងឱ្យមន្ដ្រីក្រោមឱវាទគាបជំរិតក្រុមឈ្មួញ រកស៊ីដឹក ទំនិញឆ្លងកាត់ច្រកព្រំដែនអន្ដរជាតិអូរយ៉ាដាវ ជាពិសេសការលួចបង្កើតកុងត្រូលជជុះលើផ្លូវជាតិលេខ ៧៨ អាចចាត់ទុកជាអំពើខុសឆ្គងធ្ងន់ធ្ងរបំផុតដែលទាមទារឱ្យអាជ្ញាធរខេត្ដ រួមទាំងក្រសួងមហាផ្ទៃយក ចិត្ដទុកដាក់ដោះស្រាយភាពមិនប្រក្រតីនេះឱ្យបានទាន់ពេលវេលា បង្ការកុំឱ្យមានរឿងរ៉ាវស្មុគស្មាញ នៅថ្ងៃក្រោយ៕
No comments:
Post a Comment
yes