រូបវីឌីអូមួយរបស់លោកប្រធានាធិបតីលោក បារ៉ាក់ អូបាម៉ា ដែលត្រូវបានបុគ្គលិកយុទ្ធនាការបញ្ចេញឲ្យឃើញកាលពីថ្ងៃព្រហស្បតិ៍ បានបង្ហាញពីរូបលោកជូតទឹកភ្នែកចេញ មួយថ្ងៃបន្ទាប់ពីរូបលោកត្រូវបានជាប់ឆ្នោតជាប្រធានាធិបតីសារជាថ្មី និងថែមទាំងបានធ្វើការអរគុណចំពោះសមាជិកក្មេងៗនៃបុគ្គលិកយុទ្ធនាការឃោសនាបោះឆ្នោត និងអ្នកស្ម័គ្រចិត្តផ្សេងទៀតដែលបានខិតខំប្រឹងប្រែងខ្លាំង។
ដោយរំជួលចិត្តនិងសម្រកទឹកភ្នែក លោកអូបាម៉ា បាននិយាយថា"«អ្វីដែលលោកអ្នកបានធ្វើ មានន័យថាការងារដែលខ្ញុំនឹងធ្វើមានសារសំខាន់ ខ្ញុំពិតជាមានមោទនភាពណាស់ ខ្ញុំពិតជាមានមោទនភាពអំពីអ្នកទាំងអស់គ្នា»។
លោកអូបាម៉ាបានសរសើរ នៅចំពោះមុខបុគ្គលិកយុទ្ធនាការទាំងនោះថា "ខ្ញុំមានជំនឿចិត្តទាំងស្រុងថាអ្នកទាំងអស់គ្នានឹងធ្វើតែការងារណាដែលមានអត្ថន័យនៅក្នុងឆាកជីវិតរបស់អ្នក។ ក្រុមយុទ្ធនាការគឺធ្វើការបានល្អ ជាងខ្ញុំទៅទៀត ដែលអាចសម្រេចបានគោលដៅនិងមានប្រសិទ្ធិភាព ជាងពេលដែលខ្ញុំនៅជាក្មេងរៀបចំសហគមន៍នៅរដ្ឋ ស៊ីកាហ្គោទៅទៀត។
សូមបញ្ជាក់ថា ក្រុមយុទ្ធនាការរបស់លោកបានបញ្ជូនអោយគ្នានិង បង្ហោះតាមYouTubeនូវរូបលោកអូបាម៉ាយំនៅចំពោះមុខក្រុមការងាររបស់ លោកនៅទីស្នាក់ការបក្សនៅក្រុងស៊ីកាហ្គោនៅប៉ុន្មានម៉ោងបន្ទាប់ពី លោកឈ្នះឆ្នោតសំរាប់អាណត្តិទី២។
No comments:
Post a Comment
yes