ប្រទេស​កម្ពុជា​ទំនង​ជា​ធ្វើ​ដំណើរ​ឆ្ពោះ​ទៅ​រក​របប​កុម្មុយ​នីស្ត​បែប​ចិន​ឡើង​វិញ !

មុនពេលលោកប្រធានាធិបតីសហរដ្ឋអាមេរិក អូបាម៉ា ឈានជើងមកជាន់ លើទឹកដីកម្ពុជានាថ្ងៃទី ១៩-២០ ខែវិច្ឆិកា ឆ្នាំ២០១២ មានប្រជាពលរដ្ឋខ្មែរ ដែលស្នេហាជាតិ ស្នេហារបបប្រជា​ធិបតេយ្យ​សេរី មានសេចក្តីរីករាយឥត ឧបមាដោយនឹកសង្ឃឹមថា លោក អូបាម៉ា នឹងមកជួយ​សង្គ្រោះ​លទ្ធិ​ប្រ​ជា ធិបតេយ្យនៅកម្ពុជាឱ្យមានការរីកចម្រើនឬឱ្យរស់ឡើងវិញ ។ ព្រោះកន្លង មកអស់រយៈ​ពេលជិត​២០ឆ្នាំមកហើយ លទ្ធិប្រជាធិបតេយ្យនៅកម្ពុជាត្រូវ បានជនកុម្មុយនីស្តផ្តាច់ការតាមបែបយួននិយម ធ្វើទុក្ខបុកម្នេញដល់គណ បក្សប្រឆាំងដែលមានទំនោរទៅរករបបប្រជាធិបតេយ្យ សេរី ជឿនលឿន យ៉ាងខ្លាំង ។ ការធ្វើទុក្ខបុកម្នេញនោះ គឺមិនឱ្យមានការបោះឆ្នោតដោយ សេរីនិងយុត្តិធម៌​តាមស្តង់​ដារអន្តរជាតិទេ ។ ផ្ទុយទៅវិញ ការបោះឆ្នោត កន្លងមកហាក់ដូចជាគ្រាន់តែធ្វើបង្គ្រប់កិច្ច ឬឡប់​ឡែ​សម្រាប់បំភ័ន្តភ្នែកអន្តរជាតិដើម្បី ទទួលជំនួយពីប្រទេសអ្នកមានប៉ុណ្ណោះ ។ ប្រសិនជាសហគមន៍​អន្តរជាតិផ្តល់ជំនួយមកជួយកសាងប្រទេសខ្លះៗនោះ ប្រហែលជាគ្មានធ្វើការបោះឆ្នោតស្អីនោះទេ ។ 


ពេលថ្មីៗ បើតាមការសង្កេតទៅលើអ្នកនាំពាក្យនៃរាជរដ្ឋាភិបាល ហាក់បីដូចជាមិនយកចិត្ត​ទុកដាក់​ស្តាប់ការរិះគន់ពីសហគមន៍ អន្តរជាតិ (សហគមន៍អឺរ៉ុប)រួមទាំងប្រទេសឥណ្ឌូនេស៊ី, អូស្ត្រាលី, អាមេរិក សុំឱ្យរាជរដ្ឋាភិបាលដោះលែងអ្នកទោសនយោបាយ មានលោក សម រង្ស៊ី អតីត​ប្រធាន​គណ​បក្សសមរង្ស៊ី សព្វថ្ងៃជាប្រធានគណបក្សសង្គ្រោះជាតិ លោក ម៉ម សូណង់ដូ ជាប្រធាន វិទ្យុសំបុកឃ្មុំនិងជាប្រធានសមាគមប្រជាធិបតេយ្យនោះទេ ។ ប៉ុន្តែអ្នកនាំពាក្យនៃរាជរដ្ឋាភិបាល ក្រោមការដឹកនាំរបស់លោក ហ៊ុន សែន ហាក់ដូចជាច្រានចោលតាមរយៈនៃការ​ប្រើពាក្យសំដី​មិន​សមរម្យ ឬចំអកឡកឡឺយទៅកាន់លោក បារ៉ាក់ អូបាម៉ា ប្រធានា ធិបតីសហរដ្ឋអាមេរិកថា លោក អូបាម៉ា មិនមែនជាចៅហ្វាយលោក ហ៊ុន សែន ទេ ។ លោក អូបាម៉ា ជាប្រធានាធិបតីសហរដ្ឋ អាមេរិកមិនមែនប្រធានាធិបតីខ្មែរទេ ។ លោក អូបាម៉ា មកធ្វើទស្សនកិច្ចនៅកម្ពុជា នឹងមិននិយាយ​ពីសិទ្ធិមនុស្ស និងលទ្ធិប្រជា ធិបតេយ្យទេ ។ ហើយលោក សម រង្ស៊ី និងលោក ម៉ម សូណង់ដូ មិន​មែន​ជាអ្នកទោសនយោបាយទេ គឺជាទណ្ឌិតមានទោស ឧក្រិដ្ឋព្រហ្មទណ្ឌ ៘ ចំពោះបញ្ហានេះ​វាហាក់ដូចជា អាថ៌កំបាំងបន្តិច ប៉ុន្តែបើគេពិនិត្យឱ្យដិតដល់ទៅវាហាក់ដូចជារាក់កំផែល ទៅវិញទេ ។ រាក់កំផែលនៅត្រង់មហាអំណាចចិនកុម្មុយនីស្តនៅពីក្រោយ ចាំតែលើកដៃឱ្យសញ្ញា រួចងក់​ក្បាលចប់ ។ 

ជាការពិតណាស់ ខណៈពេលដែលលោក អូបាម៉ា និងលោក ហ៊ុន សែន បានជួបពិភាក្សា ដោយ​ឡែកជាទ្វេភាគីក្រៅពីកិច្ចប្រជុំ កំពុលអាស៊ាន ពាក្យសំដីរបស់លោក ហ៊ុន សែន និយាយ​ទៅកាន់​លោក បារ៉ាក់ អូបាម៉ា អំពីពាក្យអ្នកទោសនយោបាយ និងអ្នក នយោបាយមានទោស បានធ្វើឱ្យ​លោក អូបាម៉ា យល់អំពីការមិនចុះសម្រុង ឬមិនចង់ដោះលែងលោក សម រង្ស៊ី និងលោក ម៉ម សូណង់ដូ បាត់ទៅហើយ ។ ដើម្បីកុំឱ្យវែងឆ្ងាយលោក អូបាម៉ា គ្រាន់តែនិយាយបែបការទូតថា លោកមានកង្វល់អំពីការគោរព សិទ្ធិមនុស្សនៅកម្ពុជា និងលទ្ធិប្រជាធិបតេយ្យនៅកម្ពុជា ។ 

លោក អូបាម៉ា បានបន្ថែមទៀតថា បើចង់ឱ្យមានទំនាក់ទំនងល្អជាមួយសហរដ្ឋអាមេរិក កម្ពុជា​ត្រូវ​តែធ្វើឱ្យប្រសើរឡើងនៃការគោរព សិទ្ធិមនុស្ស និងលទ្ធិប្រជាធិបតេយ្យផងដែរ ។ ប៉ុន្តែរហូត​មក​ដល់​ពេលនេះ លោក ហ៊ុន សែន នៅតែប្រកាន់ជំហរបដិសេធមិន ឆ្លើយតបដដែល ។ 

នេះបញ្ជាក់ឱ្យឃើញថា លោក ហ៊ុន សែន ទំនងជាធ្វើដំណើរឆ្ពោះទៅរករបបកុម្មុយនីស្ត​ចិនវិញ​ហើយ ។ ដូច្នោះកុំសង្ស័យឱ្យ សោះថាប្រាក់ជំនួយឥតសំណង និងប្រាក់កម្ចីប្រហែល ៥០០​០លាន​ដុល្លារ ដែលមេដឹកនាំចិន ប្រគល់ឱ្យលោក ហ៊ុន សែន គ្មាន លក្ខខណ្ឌកន្លងមកនេះ គឺលោក ហ៊ុន សែន ទំនងជាវិលទៅរករបបផ្តាច់ការតាមបែបចិនវិញហើយ ៕