លោកស្រី ស៊ូជី ថា ចិនមិនមែនជាអ្នកមានគុណរបស់ មីយ៉ាន់ម៉ា ទេ (ហ៊ុន សែន ក៏ល្មមភ្ញាក់កំណើតដែរហើយរឿងចាត់ទុកចិនយួន ជាអ្នកមានគុណនេះ)

មីយ៉ាន់ម៉ា៖ មេដឹកនាំគណបក្សប្រឆាំង និងជាសមាជិក រដ្ឋសភានៅមីយ៉ាន់ម៉ា លោកស្រី អ៊ួងសាន ស៊ូជី បាននិយាយ កាលពីថ្ងៃសុក្រម្សិលមិញថា មីយ៉ាន់ម៉ា មិនគួរចាត់ទុកប្រទេសចិន ជាអ្នកមានគុណសម្រាប់មីយ៉ាន់ម៉ាទេ។ ចិនគ្រាន់តែជាប្រទេសជិតខាងរបស់មីយ៉ាន់ម៉ាប៉ុណ្ណោះ ហើយអ្វី

ទាំងនេះ មិនអាចផ្លាស់ប្តូរបានទេ
ពោលគឺទាល់តែបញ្ចប់ពិភពលោកនេះ។

លោកស្រីបានមានប្រសាសន៍ដូច្នេះ ក្រោយពេលចូលរួមកិច្ចប្រជុំមួយរវាងភាគីប្រជាជនមីយ៉ាន់ម៉ា និងថ្នាក់ដឹកនាំរបស់ក្រុមហ៊ុនអណ្តូងរ៉ែឈ្មោះ Chinese Wanbo Copper Company របស់ចិន ដែលកំពុងដំណើរការអណ្តូងរ៉ែ Latpadaungtaung ស្ថិតនៅតំបន់កណ្តាលនៃប្រទេសមីយ៉ាន់ម៉ា។ គួរបញ្ជាក់ថា កិច្ចប្រជុំនេះរៀបចំឡើង ក្រោយពេលដែលមានបាតុកម្មរបស់អ្នកភូមិប្រឆាំងនឹងអណ្តូងរ៉ែនេះ ដោយពួកគេចោទថា នឹងប៉ះពាល់ដល់បរិស្ថាន។ បាតុកម្មកន្លងទៅថ្មីៗនេះ បង្កឲ្យមានរបួសអ្នកភូមិប្រមាណ៥០នាក់ ក្នុងនោះមានព្រះសង្ឃនៃព្រះពុទ្ធសាសនាជាង២០នាក់ទៀតផង។

ក្រោយកិច្ចប្រជុំលោកស្រី ស៊ូជី បានប្រាប់ក្រុមអ្នកសារព័ត៌មានទៀតថា ក្នុងនាមជាទំនាក់ទំនងទេ្វភាគីរវាងប្រទេសទាំងពីរ លោកស្រីចង់ដោះស្រាយបញ្ហានេះដោយអហិង្សា។

នៅមុននេះ ស្ថានទូតចិនប្រចាំនៅមីយ៉ាន់ម៉ាបានចេញសេចក្តីថ្លែងការមួយថា ខ្លួនស្នើឲ្យអណ្តូងរ៉ែនេះ ដំណើរការដោយរលូន ហើយបានបញ្ជាក់ហេតុផលថា ផែនការដែលរួមសហការគ្នារវាងក្រុមហ៊ុនចិន និងប្រទេសមីយ៉ាន់ម៉ានេះ នឹងផ្តល់ប្រយោជន៍សម្រាប់ប្រទេសទាំងពីរ ស្របពេលដែលបញ្ហាត្រូវបានកើតឡើងទាំងប៉ុន្មាន នឹងត្រូវដោះស្រាយតាមរយៈការចរចា ដោយផ្អែកតាមច្បាប់នៅប្រទេសមីយ៉ាន់ម៉ា។

លោកស្រី ស៊ូជី បានបន្ថែមទៀតថា ប្រជាពលរដ្ឋនៅតំបន់នោះ មិនអាចព្រងើយកន្តើយនឹងបញ្ហានេះទេ។ ពួកគេគ្រាន់តែចង់ការពារតំបន់នោះ ហើយពួកគេរំពឹងថា នឹងមានភាពរីកចម្រើននៅតំបន់នោះ។

លោកស្រីថា នឹងព្យាមយាមដោះស្រាយបញ្ហានេះ តាមរយៈការបង្កើតគណៈកម្មការមួយក្រុម ដើម្បីត្រួតពិនិត្យមើលផែនការនេះ៕