កំពត៖ រោងសិប្បកម្មកែច្នៃឈើប្រណីតអត់ច្បាប់ បាននឹងកំពុងកើតរីកដុះដាលឡើងជាច្រើនកន្លែងនៅក្នុងដីខេត្តកំពត ហើយត្រូវបានប្រជាពលរដ្ឋរិះគន់ថា ក្នុងឆ្នាំ២០១៣ ខណ្ឌរដ្ឋបាលមេព្រៃខេត្តបានបណ្ដោយឱ្យឈ្មួញកែច្នៃឈើប្រណីតតូចធំអត់ច្បាប់ជាកន្លែងដែលក្នុងរោងកែច្នៃឈើមួយកន្លែងៗ មានឈើប្រណីតមិនក្រោមពីជាង ៥ ម៉ែត្រគូបនោះទេ។
ឈ្មួញសិប្បកម្មកែច្នៃតូចតាចបានឱ្យអ្នកយកព័ត៌មានដឹងថា រោងសិប្បកម្មអត់ច្បាប់មាននៅស្រុកជុំគីរី ស្រុកឈូក និងក្រុងកំពត ជាឆ្នាំងបាយរបស់មេព្រៃ។ បើយោងតាមប្រភពមួយបានឲ្យដឹងទៀតថា រោងសិប្បកម្មតូចតាចត្រូវបានគេឱ្យមកធ្វើច្បាប់ តែចំពោះឈ្មួញធ្វើសិប្បកម្មកែច្នៃអត់ច្បាប់ធំៗវិញស្ងាត់ឈឹង ហើយដំណើរការបានយ៉ាងរលូនទៀតផង ទាំងការដឹកជញ្ជូនឈើចេញ និងចូលពួកគេមិនព្រួយបារម្ភពីការបង្ក្រាបរបស់សមត្ថកិច្ចឡើយ។ ជាក់ស្ដែងមានសិប្បកម្មកែច្នៃឈើប្រណីតដ៏ធំជាច្រើនកន្លែង ដែលមានទីតាំងនៅស្រុកឈួក និងស្រុកជុំគិរី និងក្រុងកំពត នៅខាងត្បូងខណ្ឌរដ្ឋបាលព្រៃឈើខេត្ត ដែលរោងសិប្បកម្មនេះ គឺគេទុកកែច្នៃឱ្យមន្ដ្រីធំៗក្នុងខេត្ដ គ្មានអ្នកណាហ៊ានរករឿងទេ។
មន្ដ្រីរាជការជុំវិញខេត្ដក៏ធ្លាប់និយាយឱ្យដឹងថា សិប្បកម្មកែច្នៃឈើធំៗអត់ច្បាប់ ក្នុងក្រុងកំពត ស្រុកឈួកនិងជំគិរី បានបង់លុយទៅឱ្យមេព្រៃរួចអស់ហើយ ទើបពួកគេអាចធ្វើសកម្មភាពបានយ៉ាងរលូនបែបនេះ។
ប្រភពពីឈ្មួញម្ចាស់សិប្បកម្មនៅក្នុងស្រុកឈូកបានឱ្យដឹងថា កាលពីឆ្នាំមុនៗនៅពេលពួកគេចូលទៅធ្វើច្បាប់សិប្បកម្មម្ដងៗ ក្នុងម្នាក់ៗត្រូវចំណាយលុយ យ៉ាងតិច ក៏ចំនួន ៥០០ ដុល្លារអាមេរិកដែរ ហើយក្នុងខេត្តកំពតមានឈ្មួញធ្វើ សិប្បកម្មរាប់សិបនាក់ឯណោះ៕
No comments:
Post a Comment
yes