លោក គឹម សុខា អនុប្រធានគណបក្សសង្គ្រោះជា
នៅភូមិចតុលោក ឃុំបារាយណ៏ ខេត្តកំពង់ធំ ថ្ងៃទី២០ ខែមករា ឆ្នាំ២០១៣
សង្គមមួយដែលអាចហៅថាសង្គមប្រជាធិបតេយ្យទៅបាន
គឺមេដឹកនាំត្រូវចេះគោរពនិងយោគយល់ស្តាប់យោបល់គូរប្រជែងរបស់ខ្លួនដើម្បីជាប្រយោជន៏របស់ជាតិ
ក៏ដូចជាប្រជាពល រដ្ឋផងដែរ កត្តាសំខាន់ជាងនេះទៅទៀតនោះមេដឹកនាំត្រូវចេះគោរព
និងឲ្យតម្លៃទៅលើប្រជាពលរដ្ឋដែលជាម្ចាស់អំណាច ។
ប្រទេសដែលគោរពលទ្ធិប្រជាធិបតេយ្យ
រមែងមានការរីកចំរើនលើគ្រប់វិស័យ ហើយប្រជាពលរដ្ឋរស់នៅក្នុងកំរិតជីវភាពមួយដ៏សមរម្យ
និងមានការងារធ្វើគ្រប់ៗគ្នា មិនមែនដូចជាប្រ ទេសដែលកាន់អំណាចផ្តាច់ការនោះឡើយ ។
ជាមួយគ្នានេះផងដែរប្រទេសដែលកាន់របប
ផ្តាច់ការនៅលើពិភពលោកគឺមេដឹកនាំទាំងនោះបានធ្លាក់ចេញពីអំណាចជាបណ្តើរៗជិតអស់ទៅហើយផងដែរ
ព្រោះដោយសារតែប្រទេសមហាអំណាចគេមិនចង់ឲ្យពិភពលោកមានប្រ ទេសដែលកាន់អំណាចផ្តាច់ការនោះទេ
ព្រោះថាប្រសិនបើមានបញ្ហានៅប្រទេសនោះគឺវាបាន បង្ករបញ្ហាដល់ពិភពលោកទាំងមូល
ជាពិសេសគឺប្រទេសដែលជាមហាអំណាចតែម្តង ដែល
ត្រូវចេញមុខក្នុងការដោះស្រាយបញ្ហាទាំងអស់នោះ ។
យ៉ាងណាម៉ិញនៅក្នុងតំណើរអញ្ជើញទៅបំពេញបេសកម្មការងារនៅក្រៅប្រទេសលោក
កឹម សុខា ដែលជាអនុប្រធានរបស់គណបក្ស សង្គ្រោះជាតិ នៅពេលដែលអញ្ជើញមកវិញកាលពី
ពេលកន្លងទៅថ្មីៗនេះ លោកបានមានប្រសាសន៏ជំរាបជូនទៅកាន់ប្រជាពលរដ្ឋ និងអ្នកដែល
គាំទ្រខណៈដែលលោកអញ្ជើញចុះទៅជួបសំណេះសំណាល និងសួរសុខទុក្ខប្រជាពលរដ្ឋលោកបានមានប្រសាន៏ឲ្យដឹងថា
រូបលោកហើយនិងលោក សម រង្ស៊ី គឺបានធ្វើតំណើរទៅជាច្រើនប្រទេស
ហើយបានជួបសំណេះសំណាលជាមួយប្រជាពលរដ្ឋខ្មែរនៅប្រទេសទាំងនោះដែលជាសកម្មជនរបស់គណបក្ស
សង្គ្រោះជាតិ ក៏ដូចជាប្រជាពលរដ្ឋដែលជាអ្នកគាំទ្រផងដែរ មិនតែប៉ុណ្ណោះរូបលោកនិងលោក
សម រង្ស៊ី ដែលជាប្រធានគណបក្សក៏បានជួបពិភាក្សាការងារមួយចំនួនជាមួយនិងអ្នកមុខអ្នកការ
ព្រមទាំងមន្រ្តីនៅក្នុងជួររដ្ឋាភិបាល
ក៏ដូចជាតំណាងរាស្រ្តនៃប្រទេសទាំងអស់នោះផងដែរ ដើម្បីសុំឲ្យគេជួយប្រទេសកម្ពុជា ដោយធ្វើយ៉ាងណានៅឆ្នាំ២០១៣នេះឲ្យតំណើរការនៃការបោះឆ្នោតជាតិប្រព្រឹត្តទៅដោយសេរី
ត្រឹមត្រូវ និងយុត្តិធម៌ ដើម្បីឲ្យកម្ពុជាអាចធ្វើការផ្លាស់ប្តូរអ្នកដឹកនាំបច្ចុប្បន្ននេះចេញ
។
លោក កឹម សុខា បានមានប្រសាសន៏បន្តទៀតថា
ដូចអ្វីដែលបងប្អូនជនរួមជាតិបានជ្រាបហើយថា
នៅក្នុងពិភពលោកយើងនេះរបបផ្តាច់ការកាន់តែរលួសចង់អស់ទៅហើយ មេដឹកនាំ
ដែលផ្តាច់ការដែលកាន់អំណាចម្ភៃសាមសិបឆ្នាំ គឺត្រូវបានគេទម្លាក់ចោលអស់ទៅហើយផងដែរ នៅសល់តែមួយទេនោះគឺមេដឹកនាំនៅកម្ពុជាយើងសព្វថ្ងៃនេះ
ដែលក្រាញ់និងអំណាចបំផ្លាញជាតិស្ទើរហិនហោច ហើយបានធ្វើឲ្យប្រជាពលរដ្ឋរស់នៅក្នុងកំរិតជីវភាពមួយដ៏សែនលំបាកវេទនាជាពន់ពេក
។
អនុប្រធានគណបក្ស សង្គ្រោះជាតិ ទៅថ្ងៃអនាគតលោក កឹម
សុខាបានបន្តទៀតថា គោលន យោបាយរបស់គណបក្ស សង្គ្រោះជាតិ
គឺធ្វើការទម្លាក់តាមរយៈការបោះឆ្នោត ដោយយើងមិនប្រើអំពើហិង្សា
ព្រមទាំងក៏មិនធ្វើបដិវត្តន៏ប៉ះបោរអ្វីនោះទេ ពីព្រោះយើងមិនចង់ឃើញខ្មែរបង្ហូរឈាមខ្មែរគ្នាឯទៀតនោះឡើយ
ដោយហេតុថាឈាមខ្មែរហូរជាយូរណាស់មកហើយនៅមិនទាន់ស្ងួតនៅឡើយទេ ។
ដូច្នេះហើយបានជាគោលនយោបាយរបស់គណបក្ស សង្គ្រោះជាតិ
គឺយើងចង់ឃើញអ្នកនយោបាយខ្មែររបស់យើង ចេះអង្គុយធ្វើការជាមួយគ្នា ចេះរិះគន់ក្នុងន័យស្ថាបនាហើយជៀសវាងដាច់ខាតការកាប់សម្លាប់គ្នា
។
លោក កឹម សុខា បន្តទៀតថានៅប្រទេសគេដែលរូបលោក និងលោក សម
រង្ស៊ី បានធ្វើតំណើរអញ្ជើញទៅដល់ ប្រទេសរបស់គេមានការរីកចំរើនជឿនលឿន
គឺគេមានគណបក្សនយោ បាយច្រើន ក៏ប៉ុន្តែអ្នកនយោបាយរបស់គេទាំងនោះ មិនកាប់សម្លាប់គ្នាទេ
ហើយក៏មិនកំចាត់គ្នាផងដែរ ព្រមទាំងមិនមើលងាយគ្នាឡើយ គឺគណបក្សនយោបាយរបស់គេទាំងនោះមានទស្សនះផ្សេងគ្នា
គំនិតផ្សេងគ្នាក៏ពិតមែន ប៉ុន្តែបញ្ហារឿងជាតិរបស់គេគឺគេអង្គុយជជែកគ្នា ដោយគេមិនមានអ្នកឈ្នះធ្វើបាបអ្នកចាញ់
អ្នកខ្លាំងធ្វើបាបអ្នកខ្សោយ អ្នកមានធ្វើបាបអ្នកក្រដូចស្រុកខ្មែរយើងទេ។
ដូច្នេះហើយបានជាស្រុករបស់គេសុខសាន្ត គឺអ្នកឈ្នះចេះគោរពនិងចេះគិតទៅដល់អ្នកចាញ់
ដោយមិនមើលងាយហើយនិងមិនគាំរាមកំហែងឡើយ រីឯអ្នកខ្លាំងដែលមានកម្លាំងនិងអំណាច
គឺគិតអ្នកដែលទន់ខ្សោយជាចាំបាច់ ហើយអ្នកមានក៏គិតអ្នកក្រផងដែរ ។
លោក កឹម សុខា បន្តថាតើបញ្ហាទាំងអស់នោះគេគិតយ៉ាងដូចម្តេច ?
គឺអ្នកដែលរៀនមានចំណេះវិជ្ជាជ្រៅជ្រះចេះច្រើននៅស្រុកគេនោះដូចជាបណ្ឌិត វិស្វករ
ឬមួយក៏បញ្ញាវ័ន្តធំៗ គេធ្វើ ការទទួលបានប្រាក់ខែច្រើន
ហើយរដ្ឋរបស់គេគឺធ្វើការកាត់ប្រាក់ខែរបស់អ្នកទាំងនោះចំនួនសែសិបភាគរយដើម្បីយកមកជួយអ្នកក្រ
ដែលគ្នាមិនមានចំណេះដឹងខ្ពង់ខ្ពស់ ។ លោក កឹម សុខា បានធ្វើការលើកឡើងជាឧទាហរណ៏ដើម្បីឲ្យជនរួមជាតិកាន់តែយល់ថា
ប្រសិនបើ វិជ្ជបណ្ឌិតគេទទួលបានប្រាក់ខែចំនួនមួយម៉ឺនដុល្លាក្នុងមួយខែ គឺរដ្ឋាធ្វើការកាត់ព័ន្ធអ្វីផ្សេងៗ
អស់ចំនួនបួនពាន់ដុល្លា ដើម្បីយកថវិការចំនួនបួនបាន់ដុល្លានោះយកមកជួយប្រជាពលរដ្ឋដែលគ្នាក្រីក្រ
ដើម្បីឲ្យពួកគាត់ទទួលបានការពិនិត្យព្យាបាលដោយមិនអស់ប្រាក់មានន័យថាពេលពួកគាត់ឈឺគឺមានគ្រូពេទ្យធ្វើការព្យាបាលជួនគ្រប់ពេល
ដោយមិនចាំបាច់ចំណាយអ្វីទាំងអស់ ព្រមទាំងពួកគាត់ទទួលបានឱកាសនៃការរៀនសូត្រ និងទទួលបានឱកាសការងារធ្វើដូចៗគ្នាផងដែរ
។
លោក កឹម សុខា បន្តថាទាំងអស់នេះហើយដែលគេហៅថាសង្គមប្រជាធិបតេយ្យ
ដែលគេចែកគ្នារស់ អ្នកមានដែលរកស៊ីទទួលបានចំណូលច្រើនគេកាត់ប្រាក់ចំណេញរបស់អ្នកមានដែលពួកគាត់ទទួលបានយកមកទុកជួយអ្នកក្រ
ដែលពួកគាត់ខ្សោយ ដូចជាស្រ្តីឆ្លងទន្លេ ស្រ្តីដែលមានកូនច្រើននៅក្នុងបន្ទុក ចាស់ជរាដែលធ្វើការលែងកើតជាដើម។
លោក កឹម សុខា បន្ថែមទៀតថា អ្វីដែលលោកធ្វើការជំរាបជូនខាងលើនេះ គឺវាជាផ្លូវមួយដែលគណបក្ស
សង្គ្រោះជាតិ ចង់ធ្វើការរៀបចំស្រុករបស់យើងទៅអនាគតរបៀបនេះឯង ក្នុងនោះដូចជាអ្នកដែលឈ្នះឆ្នោត
មិនមែនយកគណបក្សដែលចាញ់ធ្វើជាសត្រូវនោះទេ ហើយក៏មិនមែនសម្លាប់ មិនមែនកម្ចាត់
មិនមែនតាមដាន ហើយនិងក៏មិនមែនធ្វើបាបនោះដែរ គឺគេសុំឲ្យគណបក្សដែលចាញ់នោះចូលរួមជួយដល់គណបក្សដែលឈ្នះ
ក្នុងការដឹកនាំរដ្ឋាភិបាល ឲ្យជួយមើលថាតើរដ្ឋាភិបាលរបស់គេធ្វើអ្វីខុសខ្លះ ។
លោក កឹម សុខា បានលើកឡើងជាឧទាហរណ៏ថា
ប្រសិនបើគេស៊ីញ៉េអ្វីមួយ ឬរកស៊ីសប្បទាន ឬ
មួយវិនិយោគអ្វីផ្សេងៗប្រសិនបើមើលឃើញសភាពការណ៏មិនស្រួលបក្សប្រឆាំងគឺមានសិទ្ធក្នុងការប្រាប់ទៅរដ្ឋាភិបាល
ហើយរដ្ឋាភិបាលត្រូវយកការលើកឡើងរបស់បក្សប្រឆាំងទៅធ្វើការសិក្សា
និងពិចារណាថាតើការលើកឡើងរបស់បក្សប្រឆាំងខុសឬមួយត្រឹមត្រូវ
ប្រសិនបើបក្សប្រឆាំងនិយាយត្រូវបក្សកាន់អំណាចត្រូវតែធ្វើការកែតម្រូវភ្លាមដើម្បីកុំឲ្យប៉ះពាល់ដល់ផលប្រយោជន៏ជាតិ
និងប្រជាពលរដ្ឋ មិនមែនដូចនៅស្រុកខ្មែរយើងទេ ឲ្យតែបក្សប្រឆាំងនិយាយគឺខុសទាំងអស់
ហើយផ្តល់ជាយោបល់ថារាស្រ្តមានបញ្ហានេះ បញ្ហានោះ សុតតែថាគេអាក្រក់
ដល់ពេលអញ្ចឹងទៅគឺអ្នកដែលឈ្នះធ្វើបាបអ្នកដែលគ្នាចាញ់ ធ្វើឲ្យអ្នកដែលគ្នាចាញ់នោះឈឺចាប់
ហើយអ្នកដែលមានលុយច្រើនធ្វើបាបអ្នកក្រ ធ្វើឲ្យអ្នកក្រឈឺចាប់ អាងតែខ្លួនមានលុយដើរយកដីរបស់ប្រជាពលរដ្ឋស្លូតត្រង់គ្រប់តែគ្នា
ដេញពួកគាត់ចេញពីដីធ្លីផ្ទះសម្បែងដែលពួកគាត់ធ្លាប់រស់នៅ
គឺគ្មានបានជួយអ្វីដល់អ្នកក្រទេមានតែធ្វើបាបអ្នកក្របន្ថែមឡើង ។
លោក កឹម សុខា បន្តទៀតថា
អ្វីទាំងអស់នេះគឺធ្វើឲ្យសង្គមជាតិរបស់យើងគ្មានការជឿនលឿនឡើយ
យ៉ាងដូច្នេះហើយបានជាគោលការណ៏របស់គណបក្ស សង្គ្រោះជាតិ គឺយើងចង់ធ្វើការរៀបចំសង្គមខ្មែររបស់យើង
ដូចជាប្រទេសដែលគេបានធ្វើការរៀបចំមានលក្ខណៈល្អ
ដែលប្រជាពលរដ្ឋរបស់គេមានបានសម្បូរសប្បាយ ដែលអ្នកមានក៏រស់បាន ហើយអ្នកក្រក៏រស់បានដូចគ្នាដោយគ្មានការរើសអើង
ឬធ្វើបាបជាន់ឈ្លីគ្នាឡើយ ដែលរស់ក្នុងភាពថ្លៃថ្នូរជាមនុស្សដូចគ្នា
អ្នកមានលុយទៅពេទ្យព្យាបាលដោយមិនចាំបាច់បង់ប្រាក់ ឬ ចង់ទទួលបានសេវាល្អជាងនេះអាចទៅរកសេវាព្យាបាលនៅពេទ្យឯកជនបាន
រីឯប្រជាពលរដ្ឋក្រីក្រដែលគ្មានប្រាក់បង់ថ្លៃព្យាបាលក៏អាចអញ្ជើញទៅព្យាបាលនៅមន្ទីរពេទ្យបានដូចគ្នា
ហើយមានការយកចិត្តទុកដាក់ខ្ពស់ពីសំណាក់គ្រូពេទ្យ និងមានថ្នាំសង្កូវផ្តល់ជូនគ្រប់បែបយ៉ាងដោយមិនចាំចាប់ចំណាយសូម្បីតែមួយរៀល
។
លោក កឹម សុខា បន្តថា
មួយទៀតចំណែកឯកូនប្រជាពលរដ្ឋដែលក្រីក្រ ដែលគ្នាចង់រៀនយើងនិងធ្វើការរៀបចំដើម្បីឲ្យពួកគេទទួលបានការសិក្សារៀនសូត្រមានចំណេះដឹងជ្រៅជ្រះ
ដូចជាកូនអ្នកមានផងដែរ ដែលទាំងអស់នេះហើយគេហៅថាសង្គមប្រជាធិបតេយ្យ ដែលសង្គមប្រជាធិបតេយ្យគឺឲ្យតម្លៃទៅលើមនុស្ស
។
ដូច្នេះប្រសិនបើនៅឆ្នាំ២០១៣នេះការបោះឆ្នោតថា្នក់ជាតិគណបក្ស
សង្គ្រោះជាតិ ទទួលបាន
ជ័យជំនះនោះប្រជាពលរដ្ឋកម្ពុជាគ្រប់រូបនិងរស់នៅក្នុងសង្គមប្រជាធិបតេយ្យមួយដ៏ពិតប្រាកដ
ដូចជាបណ្តាប្រទេសមួយចំនួនទាំងនៅក្នុងតំបន់ និងពិភពលោក ។ ហើយដើម្បីឲ្យសម្រេចបាននូវក្តីស្រម៉ៃ
និងការប៉ងប្រាថ្នាចង់បានរបស់យើងរបៀបនេះ សូមកុំភ្លេចហើយត្រូវតែចងចាំទាំងអស់គ្នានៅថ្ងៃអាទិត្យ
ទី២៨ ខែកក្កដា ឆ្នាំ២០១៣នេះ សួមបោះឆ្នោតជូនគណបក្ស សង្គ្រោះជាតិ ឲ្យបានគ្រប់ៗគ្នា
៕
No comments:
Post a Comment
yes