ថ្ងៃ១៤កុម្ភៈជាថ្ងៃនៃសេចក្ដីស្រឡាញ់ឬValentine’sDayហើយដែលជារៀងរាល់ឆ្នាំគេតែងឃើញយុវវ័យខ្មែរ មួយចំនួនធំ តែងតែមានភាពជ្រួលជ្រើម នៅក្នុងថ្ងៃបុណ្យមួយនេះដោយមានយុវវ័យយើងមួយចំនួន នៅតាម ដងវិថីខ្លះមានកាន់ផ្កាក្នុងដៃកាដូរឬរបស់វត្ថុអានុស្សាវរីយផ្សេងៗទៀតហើយក៏ឃើញមានអ្នកខ្លះទៀតមានសង្សារបណ្តើរនៅក្នុងថ្ងៃនេះផងដែរ។ប៉ុន្តែនៅក្នុងឱកាស ថ្ងៃ១៤កុម្ភៈនេះដែរ ក៏មាននារីមួយចំនួនតូច ត្រូវបាត់បង់ព្រហ្មចារីរបស់ខ្លួន និងហានធ្វើអ្វីដែលរំលងប្រពៃណីជាតិខ្មែរផងដែរ ដោយគ្រាន់តែប្តូរជាមួយនិង ផ្កាកូលាបមួយបាច់ឬគ្រាន់តែកូនកាដូតូចមួយផ្សំនិងពាក្យសម្តីផ្អែមល្អែមរបស់ បុរស ដែលគ្រាន់តែជាសង្សារ។ផបហ្សូនអាស៊ីសូមបញ្ជាក់ថាថ្ងៃ១៤កុម្ភៈជាថ្ងៃ នៃក្តីស្រលាញ់គឺគេធ្វើឡើងទៅលើគ្រប់មនុស្សទូទៅមិនចាំបាច់តែទៅលើ គូសង្សារស្រលាញ់គ្នានោះទេប៉ុន្តែយុវវ័យខ្មែរភាគច្រើនតែងមានការយល់ច្រឡំទៅលើថ្ងៃមួយនេះដោយពួកគេតែងតែផ្តោតជាសំខាន់ទៅលើតែគូសង្សារបស់គេទៅវិញ។
យើងសង្កេតឃើញថានៅឱកាសថ្ងៃនៃក្តីស្រលាញ់នេះអ្នកដែលទទួលរងគ្រោះច្រើនជាងគេគឺស្ត្រីភេទដោយពួកគាត់តែងតែចាញ់បោកការលួងលោមរបស់បុរសដែលជាសង្សារព្រោះនារីឲ្យតែស្រលាញ់បុរសណាម្នាក់ហើយតែងតែ ស្រលាញ់អស់ពីចិត្ត និងហ៊ានប្រគល់អ្វីៗឲ្យគូស្នេហ៍របស់ខ្លួនដោយមិនគិត
ពីផលលំបាកទៅថ្ងៃក្រោយនោះទេហើយដោយបានទទួលពាក្យផ្អែមល្ហែមត្រជាក់ចិត្តថែមទៀតនោះទើបធ្វើឱ្យពួកគាត់មិនបានគិតអ្វីច្រើន។ប៉ុន្តែអ្វីដែលផបហ្សូនអាស៊ីកត់សម្គាល់ឃើញនៅក្នុងថ្ងៃនេះសកម្មភាពនៅក្នុងឱកាសថ្ងៃនៃសេចក្តីស្រឡាញ់Valentine’sDayយើងឃើញថាមានសភាពស្ងប់ស្ងាត់មិនសូវមានភាពច្រួលជ្រើមឆ្វេកឆ្វាចដូចកាលពីឆ្នាំមុនៗនោះទេអ្វីទាំងអស់នេះអាចបញ្ជាក់បានថា យុវវ័យខ្មែរ បានយល់ដឹងពីអត្ថន័យនៃថ្ងៃនេះបានច្បាស់ និងបានយល់ពីតម្លៃរបស់ខ្លួនម្នាក់ៗ។ ហើយអ្វីទាំងអស់នេះក៏មានការរួមចំណែក ពីរាជរដ្ឋាភិបាលព្រោះលោកបានយកចិត្តទុកដាក់យ៉ាងខ្លាំងទៅលើយុវវ័យខ្មែរព្រោះយុវវ័យជាសសរទ្រូងរបស់ប្រទេសជាតិ ដែលសំខាន់បំផុត។ ផបហ្សូន អាស៊ីជឿជាក់ថា យុវវ័យទាំងអស់ប្រាកដជាមិនបណ្ដែតបណ្តោយខ្លួនឱ្យខាតបង់ និងមិនធ្វើអ្វីដែលខុសពីប្រពៃណី និងទំនៀមទំលាប់ខ្មែរនោះទេ។
No comments:
Post a Comment
yes