ឧក្រិដ្ឋជនហេង ពៅ អតីតស្នងការប៉ូលិសក្រុងភ្នំពេញ
សាលាឧទ្ធរណ៍
បានសម្រេចលើកពេលសវនាការលើជនជាប់ចោទជាអតីតស្នងការរាជធានីភ្នំពេញ លោក
ហេង ពៅ ដោយមិនកំណត់ពេលនៅព្រឹកថ្ងៃព្រហស្បតិ៍នេះ ដោយសារអវត្ត មានចៅក្រមពីររូប
។
មេធាវីការពារក្តីលោក ហេង ពៅ គឺមេធាវី កៅ ស៊ូផា
ប្រាប់នៅរសៀលថ្ងៃព្រហស្បតិ៍នេះថា ការលើពេលសវនាការនេះ
ដោយសារតែអវត្តមានចៅក្រមពីររូប ។ លោកថា សាលាឧទ្ធរណ៍
មិនទាន់កំណត់ពេលសវនាការម្តងទៀតនៅឡើយទេ ។
តាមការគ្រោងទុក សាលាឧទ្ធរណ៍
នឹងបើកសវនាការដើម្បីជំនុំជម្រះករណីចំនួនបី គឺករណីមនុស្សឃាតលើលោក ថុង
អ៊ុយប៉ាង ថៅកែនិងចាងហ្វាងកាសែតប្រចាំថ្ងៃកោះសន្តិភាព កាលពីឆ្នាំ១៩៩៨
ករណីឃុំខ្លួនស្ត្រីម្នាក់ ដោយខុសច្បាប់កាលពីឆ្នាំ២០០៦
និងករណីចរាចរណ៍លុយដុល្លារក្លែងក្លាយកាលពីឆ្នាំ២០០៦ ។
លោក ហេង ពៅ ត្រូវបានចាប់ខ្លួនកាលពីឆ្នាំ២០០៦
ហើយត្រូវបានសាលាដំបូងរាជធានីភ្នំពេញ ផ្ដន្ទាទោសឲ្យជាប់ពន្ធនាគារសរុប
រយៈពេល១០៣ឆ្នាំ ៕
No comments:
Post a Comment
yes