សហភាពអ៊ឺរ៉ុប លើកឡើងបែបនេះក្នុងលិខិតមួយក្រោមចំណងជើងថា
«រួមកម្លាំងគ្នា ដើម្បីសមភាពយេនឌ័រពិតប្រាកដ» ដែលរៀបរៀងដោយលោកឯកអគ្គរដ្ឋទូត Jean-François Cautain ជាប្រធានប្រតិភូនៃសហភាពអឺរ៉ុបប្រចាំកម្ពុជា
សម្រាប់ទិវាសិទ្ធិនារីអន្តរជាតិ៨មីនា ។
លោក Jean-François Cautain មានប្រសាសន៍ថា
ក្នុងការបោះឆ្នោតសភាឆ្នាំនេះ លោកលើក ទឹកចិត្តដល់គណបក្សនយោបាយនានានៅកម្ពុជា
ឲ្យពិនិត្យមើលបទពិសោធន៍គួរឲ្យចាប់អារម្មណ៍
ដែលបានមកពីប្រទេសផ្សេងទៀត ក្នុងនោះរួមមានពីបណ្តាប្រទេសនៅអឺរ៉ុប
ដូចជាការប្រឆាំងការរើសអើងជាវិជ្ជមាន
ឬការតម្រូវឲ្យមានចំនួនកម្រិតនៃស្ត្រីនៅក្នុងបញ្ជីបោះឆ្នោត
ដើម្បីឆ្ពោះទៅរកសមភាពយេនឌ័រពិត និងការផ្តល់សិទ្ធិអំណាចដល់ស្ត្រី ។
លោកបន្ថែមថា សហភាពអឺរ៉ុប បានបញ្ជ្រាបសមភាពយេនឌ័រទៅក្នុងគ្រប់កម្មវិធីទាំងអស់
ដោយគាំទ្ររបស់ខ្លួនមានទំនាក់ទំនងគ្នា និងឆ្លើយតបទៅនឹង
អាទិភាពដែលត្រូវបានកំណត់នៅក្នុងផែនការជាយុទ្ធសាស្ត្រ
ផ្នែកយេនឌ័រសម្រាប់ ឆ្នាំ២០០៩-២០១៣ ក្នុងនោះរួមមាន
ការផ្តល់សិទ្ធិអំណាចផ្នែកសេដ្ឋកិច្ច អប់រំ សុខាភិបាល ផ្នែកប្រឆាំង
អំពើហិង្សាលើស្ត្រី និងការធ្វើសេចក្តីសម្រេចចិត្តផ្នែកសាធារណៈ
និងនយោបាយ។ លោកបន្តថា បញ្ហាប្រឈមចម្បង
នៅតែមាននៅឡើយក្នុងការលើកកម្ពស់សមភាពយេនឌ័រ
និងការផ្តល់សិទ្ធិអំណាចដល់ស្ត្រី ដូចជាគម្លាតការងារ នៅតែមានទំហំធំ
ចំនួនក្មេងស្រី នៅតែតិចជាងក្មេងប្រុសក្នុងកម្រិតឧត្តមសិក្សា
អត្រានៃអំពើហិង្សាក្នុងគ្រួសារ និងអំពើរំលោភផ្លូវភេទ
នៅតែមានកម្រិតខ្ពស់នៅឡើយ ។
លោក Jean-François Cautain មានជំនឿយ៉ាងមុតមាំថា
សមភាពយេនឌ័រ មានលក្ខណៈចាំបាច់ជាសារវន្ត សម្រាប់កំណើនសេដ្ឋកិច្ច
ប្រកបដោយយុត្តិធម៌ និងសម្រាប់ទាំងអស់គ្នា
និងការកាត់បន្ថយភាពក្រីក្រនៅកម្ពុជា ។
គួរបញ្ជាក់ថា ដំណើរការបោះឆ្នោតឃុំ/សង្កាត់លើកចុង
ក្រោយដែលត្រូវបានរៀបចំឡើង កាលពីខែកក្កដា
ស្ត្រីជាប់ឆ្នោតនៅកម្រិតឃុំ/សង្កាត់ មានតែ១៧,៧៨% ប៉ុណ្ណោះ
ដែលស្ថិតនៅដាច់ឆ្ងាយពីចំណុចដៅនៃគោលដៅអភិវឌ្ឍន៍សហស្សវត្សរ៍ កម្ពុជា
គឺ២៥% នៅត្រឹមឆ្នាំ២០១៥ នេះ នៅឡើយ ៕
No comments:
Post a Comment
yes