លោកអេងឆៃចុះជួបពលរដ្ឋនៅស្រុកចន្ទ្រានិងស្រុករំដួលខេត្តស្វាយរៀង

កាលពីថ្ងៃទី២២ ខែមេសា ឆ្នាំ២០១៣ លោក អេង ឆៃអ៊ាង អមតំណើរដោយលោក រៀល ខេមរិន្ទ្រ ប្រធានក្ករុមការងារគណបក្សខេត្ត លោក លឹម គឹមយ៉ា អនុប្រធានក្រុមការ​ងារ​គណ​បក្សខេត្ត ព្រម ទាំងសមាជិកក្រុមការងារខេត្ត និងស្រុកមួយចំនួនទៀត ក៏ដូចជាវត្តមានរបស់​លោក គង់ សភា ក្រុមការងារខេត្តកំពត ​បានចុះជួបពលរដ្ឋនៅតំបន់ក្តៅពី ការ​រំលោភបូរណៈ​ភាព​ទឹកដីពី​សំណាក់ យួន ដែលកម្មវិធីជូបសំណេះសំណាលជាមួយពលរដ្ឋ ក៏ដូចជាការ​ផ្សព្វ​ផ្សាយសារ នយោបាយ គណបក្ស សង្គ្រោះជាតិ ដល់ប្រជាពលរដ្ឋ ពេលព្រឹកបាន​ប្រារព្វ​ធ្វើនៅ​ភូមិ​កោះក្បាន​ខាងជើង ឃុំសំរោង ស្រុកចន្ទ្រា នៅនិងផ្ទះរបស់អ្នកស្រី មាស ស្រី ដែលជាពល​រដ្ឋធ្លាប់រងគ្រោះ​ដោយ​ សារការ​រំលោភដីស្រែរបស់គាត់ពីសំណាក់យួន ក្នុងការ​បោះ​តំរុង​បង្គោល​ព្រំដែន​ឈ្លាន​ពាន ។ ជាមួយគ្នានោះពេលរសៀលកម្មវិធីបានប្រារព្វធ្វើនៅភូមិបឹងកែក ឃុំធ្មា ស្រុករំដួល ។