ព្រះអង្គម្ចាស់ ស៊ីសុវត្ថិធម្មិកោ អតីតលេខាផ្ទាល់របស់សម្តេចឪ
យាងទៅចូលរួមសមាជគណបក្សសង្គ្រោះជាតិ
ខ្ញុំក៏ធ្វើបាន ដូចសម្តេចចៅហ្វាវាំង គង់ សំអុល ដែរ !
បើទោះបីជាព្រះអង្គម្ចាស់ ស៊ីសុវត្ថិ ធម្មិកោ ទើបបានទទួលតួនាទី ជាជំនួយការផ្ទាល់របស់សម្តេចម៉ែ នរោត្តម មុនីនាថ សីហនុ ដែលមានឋានៈ ស្មើរដ្ឋមន្ត្រីក៏ដោយ តែព្រះអង្គបានចេញ មកអះអាងសារជាថ្មី ពីភាពស្របច្បាប់ របស់ព្រះអង្គ ក្នុងព្រះនាមជាសែរាជវង្ស ក្នុងការចូលរួម នយោបាយជាមួយគណបក្ស សង្គ្រោះជាតិ ។
ព្រះអង្គ ធម្មិកោ បានមានបន្ទូលបញ្ជាក់យ៉ាងដូច្នេះថា ៖ « អត់មានច្បាប់ណាមួយ ហាមមិនឲ្យសមាជិក រាជវង្សានុវង្ស ធ្វើ នយោបាយ នោះទេ។ សម្តេចចៅហ្វាវាំង គង់ សំអុល រដ្ឋមន្ត្រី ព្រះបរមព្រះរាជវាំង និង ជាតំណាងរាស្ត្រ គណបក្សប្រជាជនកម្ពុជា បំរើការនោះបាន អីចឹងខ្ញុំក៏បំរើ ការនៅក្នុងព្រះរាជខុទ្ទកាល័យនោះបាន ដោយគ្មានខុសច្បាប់អ្វីឡើយ »។
សូមបព្ជាក់ថា នៅក្នុងសមាជ ជាលើកដំបូង របស់គណបក្សសង្គ្រោះជាតិ ដែលកើតចេញពីការបញ្ចូលគ្នា រវាងគណបក្សសិទ្ធិមនុស្ស និង គណបក្សសម រង្ស៊ី ដែលលោក កឹម សុខា អនុប្រធានគណបក្សសង្គ្រោះជាតិ បានប្រកាសដល់អង្គសមាជថា ព្រះអ្នកអង្គម្ចាស់ ស៊ីសុវត្ថិ ធម្មិកោ អតីតលេខាផ្ទាល់របស់សម្តេចឪ បានក្លាយទៅជាសមាជិក អចិន្ត្រៃយ៍ របស់គណបក្ស សង្រ្គោះជាតិ៕
No comments:
Post a Comment
yes