ប្រជាពលរដ្ឋខេត្តស្វាយរៀងគាំទ្រគោលនយោបាយគណបក្សសង្រ្គោះជាតិ

លោក រៀល ខេមរិន្ទ្រ ប្រធានក្រុមការងារគណបក្ស សង្គ្រោះជាតិ ខេត្តស្វាយរៀង

លោក អ៊ូ ច៍ន្ទឬទ្ធិ ប្រធានគណៈកម្មាធិការវិន័យគណបក្ស​ សង្គ្រោះជាតិ

លោក អ៊ូ ច៍ន្ទឬទ្ធិ ប្រធានគណៈកម្មាធិការវិន័យគណបក្ស​ សង្គ្រោះជាតិ

លោក រៀល ខេមរិន្ទ្រ ប្រធានក្រុមការងារគណបក្ស សង្គ្រោះជាតិ ខេត្តស្វាយរៀង

ពលរដ្ឋដែលចូលរួមក្នុងកម្មវិធីសំណេះសំណាលរបស់ថ្នាក់ដឹកនាំគណបក្ស សង្គ្រោះជាតិ

កាលពីរសៀលថ្ងៃទី០៧ ខែឧសភា លោក អ៊ូ ច័ន្ទឬទ្ធិ ​ប្រធានគណៈកម្មាធិការវិន័យ​គណបក្ស​សង្រ្គោះជាតិ រួមជាមួយលោក រៀល ខេមរិន្រ្ទ ប្រធានក្រុមការងារគណបក្សខេត្តស្វាយរៀង និងមាជិកក្រុមការងារខេត្ត ព្រមទាំងស្រុក បានចុះជួបសំណេះសំណាលជា​មួយប្រជាពល​រដ្ឋ​នៅឃុំក្រោលគោ ស្រុកស្វាយជ្រុំ ខេត្តស្វាយរៀង ។

ក្នុងឱកាសនោះ លោក អ៊ូ ច័ន្ទឫទ្ធិ ក៏បានពន្យល់នូវគោលនយោបាយចម្បងទាំង៧ចំណុច ដែលរដ្ឋាភិបាលដឹកនាំដោយគណបក្សសង្រ្គោះជាតិ ត្រូវធ្វើមុនគេ គោលនយោបាយនេះ ត្រូវបានទទួលការគាំទ្រយ៉ាងខ្លាំង ពីសំណាក់ប្រជាពលរដ្ឋខេត្តស្វាយរៀង ។ 

គោលនយោបាយទាំងនោះរួមមាន៖

១-ចាស់ៗ ពីអាយុ៦៥ឆ្នាំឡើងទៅ ទទួលបាន៤ម៉ឺនរៀល ក្នុង១ខែ
២-កម្មករ ទទួលបានប្រាក់ខែទាបបំផុត ៦០ម៉ឺនរៀល ក្នុង១ខែ
៣-មន្រ្តីរាជការ ទទួលបានប្រាក់ខែទាបបំផុត ១លៀនរៀលក្នុង១ខែ
៤-កសិករ ទទួលបានការធានាតម្លៃកសិផល ( ស្រូវទាបបំផុត ១០០០រ/kg)
៥-ប្រជាពលរដ្ឋក្រីក្រ ទទួលបានការព្យាបាលជម្ងឺដោយឥតយកប្រាក់
៦-យុវជន ទទួលបានឱកាសដូចគ្នាក្នុងការអប់រំ និងការងារត្រឹមត្រូវ
៧-បញ្ចុះ តម្លៃប្រេង ជីកសិកម្ម អគ្គិសនី និងបញ្ចុះអត្រាការប្រាក់ ៕