អ្នកស្រី យ៉ោម បុប្ផា សកម្មជនដីធ្លីនៅតំបន់បឹងកក់
សកម្មជនដីធ្លីនៅតំបន់បឹងកក់ អ្នកស្រី យ៉ោម បុប្ឆា
ត្រូវបានរាយការណ៍មកថា មន្ត្រីពន្ធនាគារព្រៃស
បានបញ្ជូនចេញទៅឃុំខ្លួននៅស្នងការដ្ឋាននគរបាលរាជធានីភ្នំពេញវិញ
នាព្រឹកថ្ងៃសុក្រនេះ ដោយមិនដឹងមូលហេតុ។
មេធាវីនៅអង្គការលីកាដូ
ដែលការពារក្តីឲ្យអ្នកស្រី យ៉ោម បុប្ផា លោក ហម ស៊ុនរិទ្ធិ មានប្រសាសន៍ថា
លោកមិនទាន់ទទួលដំណឹងផ្លូវការពីពន្ធនាគារពីករណីនេះទេ
ប៉ុន្តែលោកថា តាមប្រភពពីក្រុមគ្រួសាររបស់កូនក្តីលោកថា អ្នកស្រី
យ៉ោម បុប្ផា ត្រូវបានប្តូរមកឃុំខ្លួននៅកន្លែងផ្សេងហើយ ៖ "និយាយទៅយើងអត់បាន
ទទួលការបញ្ជូនដំណឹងហ្នឹង ពីខាងពន្ធនាគារទេណាស់
ប៉ុន្ដែយើងបានដឹងរឿងហ្នឹងតាមរយៈ គ្រួសាររបស់គាត់
លើហេតុផលយើងក៏អត់ទាន់បានដឹងដែរ" ។
លោក លួស សាខន ស្វាមីអ្នកស្រី យ៉ោម បុប្ផា អះអាងថា
មន្ត្រីពន្ធនាគារព្រៃស ប្រាប់តាមទូរស័ព្ទថា ប្រពន្ធរបស់គាត់
រួមទាំងជនជាប់ចោទជាង១០នាក់
ត្រូវបានបញ្ជូនមកឃុំខ្លួននៅស្នងការដ្ឋាននរគបាលរាជធានីភ្នំពេញ
នៅព្រឹកថ្ងៃសុក្រ ទី១០ ខែឧសាភានេះ ដោយមិនដឹងមូលហេតុ ៖ "គេអត់ប្រាប់ពីមូលហេតុទេ គេគ្រាន់តែតេប្រាប់ថា
គេកំពុងតែដូរ យ៉ោម បុប្ផា ហ្នឹងទៅប៉េហ្ស៊ីហើយ ហើយទៅហ្នឹងទៅ ១៥នាក់
កំពង់តែរើឥវ៉ាន់ដាក់ឡានដាក់អីហ្នឹង និយាយប៉ុណ្ណឹងគេបិតបណ្ដោយ
ហើយថ្ងៃនេះពួកខ្ញុំនឹងទៅសួរសុខទុកប៉េហ្ស៊ី" ។
មិនអាចសុំអត្ថាធិប្បាយពីប្រធានមជ្ឈមណ្ឌលកែប្រែម២
ព្រៃស ពីលោក ក្លូត តារា ជុំវិញការអះអាងនេះបានទេនៅថ្ងៃសុក្រនេះ
ដោយគ្មានអ្នកលើកទូរស័ព្ទ។
ចំណែក ស្នងការនរគបាលរាជធានីភ្នំពេញ លោក ជួន សុវណ្ណ
អះអាងថា កំពុងជាប់ប្រជុំ ។
អ្នកស្រី យ៉ោម បុប្ផា មកដល់ពេលនេះ ជាប់ពន្ធនាគារ
ជាង៨ខែ ហើយក្នុងចំណោមទោស៣ឆ្នាំ
ក្រោយអំណាចសាលក្រមសាលាដំបូងរាជធានីភ្នំពេញ
ចោទពីបទប្រើហិង្សាដោយចេតនា វាយបុរសអ្នករត់ម៉ូតូឌុប២នាក់ឲ្យរងរបួស។
ប៉ុន្តែការចោតប្រកាន់នោះ ត្រូវជនជាប់ចោទប្តឹងទាស់ទៅសាលាឧទ្ទរណ៍
ដើម្បីស្វែងរកយុត្តិធម៌ ។
ការប្តូរកន្លែងឃុំខ្លួន អ្នកស្រី យ៉ោម បុប្ផា
នៅពេលនេះ ធ្វើឡើងស្របពេលដែលអ្នកភូមិបឹងកក់ បានដាក់ញត្តិជាបន្តបន្ទាប់ទៅស្ថាប័នពាក់ព័ន្ធ
ដូចជាខុទ្ទកាល័យលោកនាយករដ្ឋមន្ត្រី ព្រះបរមរាជវាំង សុំអន្តរាគមន៍
និងព្រះរាជ្យអន្តរាគមន៍ ដោះលែងសកម្មជនរូបនោះឲ្យមានសេរីភាពវិញ
ដោយអះអាងថា អ្នកស្រី យ៉ោម បុប្ផា មិនបានធ្វើអ្វីខុសដូចការចោទប្រកាន់។
ម្យ៉ាងវិញទៀតវិធានការនេះ ធ្វើឡើងមុន៣ថ្ងៃប៉ុណ្ណោះ
នៃពិធីបុណ្យចំរើនព្រះជន្ម សម្តេចព្រះនរោត្ដម មុនីនាថ សីហមុនី
យាងចូល៦០ព្រះវស្សាចូលមកដល់
ដែលជារៀងរាល់ឆ្នាំពិធីចម្រើនព្រះជន្មនោះ
អ្នកជាប់ឃុំមួយចំនួនត្រូវបានព្រះមហាក្សត្រព្រះប្រទានលើកលែងទោស
និងបន្ធូរបន្ថយទោស៕
No comments:
Post a Comment
yes