.jpg)
លោកសម រង្ស៊ី ប្រធានគណបក្ស សង្គ្រោះជាតិ
គណបក្សសង្គ្រោះជាតិនៅតែមិនទាន់បានចុះឈ្មោះគណបក្ស និងបញ្ជីឈ្មោះបេក្ខភាពតំណាងរាស្ត្រទៅគណៈកម្មាធិការជាតិរៀបចំការបោះឆ្នោតនៅឡើយរហូតដល់ពេលនេះ។ អ្នកនាំពាក្យគណបក្សនេះ លោកយ៉ែម ប៉ុញ្ញឬទ្ធិ បានប្រាប់អោយដឹងថា គណបក្សលោកកំពុងពិចារណាថា ត្រូវដាក់ ឬមិនត្រូវដាក់បេក្ខភាពលោក សម រង្ស៊ី ចូលក្នុងបញ្ជីបេក្ខជនតំណាងរាស្ត្ររបស់គណបក្សសង្គ្រោះជាតិ។ ហើយថាបើត្រូវដាក់បេក្ខភាពមែននោះ លោកសម រង្ស៊ី ដែលធ្លាប់តែឈរឈ្មោះលេខរៀងទីមួយនៅមណ្ឌលកំពង់ចាមនោះ ម្តងនេះនឹងឈឈ្មោះនៅមណ្ឌលកណ្តាលវិញ។
មូលហេតុមួយនៃភាពយឺតយ៉ាវនៃការចុះឈ្មោះគណបក្សសង្គ្រោះជាតិ និងបញ្ជីឈ្មោះបេក្ខជនតំណាងរាស្ត្ររបស់គណបក្សនេះ នៅគណៈកម្មាធិការជាតិរៀបចំការបោះឆ្នោតនោះ គឺការពិចារណារបស់គណបក្សលើលទ្ធភាពនៃការដាក់បេក្ខភាពលោក សម រង្ស៊ី។ នេះបើតាមការអះអាងរបស់លោកយ៉ែម ប៉ុញ្ញឬទ្ធិ អ្នកនាំពាក្យគណបក្សសង្គ្រោះជាតិ។ អ្នកនាំពាក្យរូបនេះបន្តថា ប្រសិនបើគណបក្សសម្រេចថានឹងដាក់បេក្ខភាពលោកសម រង្ស៊ី មែននោះ លោកសម រង្ស៊ី នឹងត្រូវឈរឈ្មោះលេខរៀងទីមួយ នៅមណ្ឌលខេត្តកណ្តាល ខុសពីការបោះឆ្នោតមុនៗដែលលោកសម រង្ស៊ី បានឈរនៅមណ្ឌលកំពង់ចាម។
ដោយធ្វើអត្ថាធិប្បាយយោងទៅលើបេក្ខភាពលោកនាយករដ្ឋមន្ត្រី ហ៊ុន សែន ដែលឈរឈ្មោះនៅមណ្ឌលកណ្តាលនោះ លោកយ៉ែម ប៉ុញ្ញឬទ្ធិ ពន្យល់ថា លោកសម រង្ស៊ី ត្រូវឈរឈ្មោះនៅមណ្ឌលណាដែលមានបេក្ខជននាយករដ្ឋមន្ត្រីដូចគ្នា។
ការឈរឈ្មោះនៅមណ្ឌលណានោះ វាមិនសំខាន់ឡើយ។ បញ្ហានៅត្រង់ថា លោកសម រង្ស៊ី បានក្លាយជាជនដែលមានពិរុទ្ធដែលច្បាប់មិនអនុញ្ញាតអោយឈរឈ្មោះជាបេក្ខជនតំណាងរាស្ត្រឡើយ។
ការយឺតយ៉ាវនៃការចុះឈ្មោះគណបក្ស និងបញ្ជីឈ្មោះបេក្ខជនតំណាងរាស្ត្រ របស់គណបក្សសង្គ្រោះជាតិ បានក្លាយជាប្រធានបទនៃការចំអករបស់លោកនាយករដ្ឋមន្ត្រី កាលពីពេលថ្មីៗនេះ។ បេក្ខជននាយករដ្ឋមន្ត្រីរបស់គណបក្សប្រជាជនកម្ពុជាបាននិយាយថា គណបក្សសង្គ្រោះជាតិដែលកើតឡើងដោយការបញ្ចូលគ្នារវាងគណបក្សសម រង្ស៊ី និងគណបក្សសិទ្ធិមនុស្សនោះ កំពុងតែមានបញ្ហាប្រទាញប្រទង់បេក្ខភាពឈរឈ្មោះ។
គេនៅតែមិនទាន់ដឹងថា តើគណបក្សប្រឆាំងមួយនេះនឹងដាក់សំណើសុំចុះឈ្មោះទៅគ.ជ.ប. នៅពេលណានៅឡើយទេ។
គួររម្លឹកថា ក្នុងចំណោមគណបក្សនយោបាយចំនួន៥ដែលបានស្នើចុះឈ្មោះគណបក្សនយោបាយ និងបញ្ជីឈ្មោះបេក្ខជនតំណាងរាស្ត្រនោះ រហូតដល់ពេលនេះ មានគណបក្សនយោបាយចំនួន៣ហើយដែលគណៈកម្មាធិការជាតិរៀបចំការបោះឆ្នោតប្រកាសទទួលស្គាល់ជាផ្លូវការ និងអនុញ្ញាតអោយចូលរួមប្រកួតប្រជែងក្នុងការបោះឆ្នោតខាងមុខ។ គណបក្សទាំង៣រួមមាន គណបក្សប្រជាជនកម្ពុជា គណបក្សសញ្ជាតិកម្ពុជា និងគណបក្សសម្ព័ន្ធដើម្បីប្រជាធិបតេយ្យ។ ចំពោះគណបក្ស២ទៀត គឺហ៊្វុនស៊ីនប៉ិច និង សាធារណរដ្ឋប្រជាធិបតេយ្យ គ.ជ.ប.កំពុងតែបន្តពិនិត្យ។
បើយោងតាមប្រសាសន៍របស់អគ្គលេខាធិការគ.ជ.ប. លោកទេព នីថា នៅថ្ងៃនេះ គណបក្សនយោបាយដែលនឹងប្រកួតប្រជែងក្នុងពេលខាងមុខនោះទំនងជាមានមិនលើសពី៦ឬ៧គណបក្សឡើយ។ លោកទេព នីថា បន្តថា ដោយមិននិយាយអំពីគណបក្សសង្គ្រោះជាតិ វាអាចមានគណបក្សខ្មែរឈប់ក្រមួយទៀត ដែលអាចសុំចុះឈ្មោះចូលរួមក្នុងការបោះឆ្នោតខាងមុខដែរ៕
ការឈរឈ្មោះនៅមណ្ឌលណានោះ វាមិនសំខាន់ឡើយ។ បញ្ហានៅត្រង់ថា លោកសម រង្ស៊ី បានក្លាយជាជនដែលមានពិរុទ្ធដែលច្បាប់មិនអនុញ្ញាតអោយឈរឈ្មោះជាបេក្ខជនតំណាងរាស្ត្រឡើយ។
ការយឺតយ៉ាវនៃការចុះឈ្មោះគណបក្ស និងបញ្ជីឈ្មោះបេក្ខជនតំណាងរាស្ត្រ របស់គណបក្សសង្គ្រោះជាតិ បានក្លាយជាប្រធានបទនៃការចំអករបស់លោកនាយករដ្ឋមន្ត្រី កាលពីពេលថ្មីៗនេះ។ បេក្ខជននាយករដ្ឋមន្ត្រីរបស់គណបក្សប្រជាជនកម្ពុជាបាននិយាយថា គណបក្សសង្គ្រោះជាតិដែលកើតឡើងដោយការបញ្ចូលគ្នារវាងគណបក្សសម រង្ស៊ី និងគណបក្សសិទ្ធិមនុស្សនោះ កំពុងតែមានបញ្ហាប្រទាញប្រទង់បេក្ខភាពឈរឈ្មោះ។
គេនៅតែមិនទាន់ដឹងថា តើគណបក្សប្រឆាំងមួយនេះនឹងដាក់សំណើសុំចុះឈ្មោះទៅគ.ជ.ប. នៅពេលណានៅឡើយទេ។
គួររម្លឹកថា ក្នុងចំណោមគណបក្សនយោបាយចំនួន៥ដែលបានស្នើចុះឈ្មោះគណបក្សនយោបាយ និងបញ្ជីឈ្មោះបេក្ខជនតំណាងរាស្ត្រនោះ រហូតដល់ពេលនេះ មានគណបក្សនយោបាយចំនួន៣ហើយដែលគណៈកម្មាធិការជាតិរៀបចំការបោះឆ្នោតប្រកាសទទួលស្គាល់ជាផ្លូវការ និងអនុញ្ញាតអោយចូលរួមប្រកួតប្រជែងក្នុងការបោះឆ្នោតខាងមុខ។ គណបក្សទាំង៣រួមមាន គណបក្សប្រជាជនកម្ពុជា គណបក្សសញ្ជាតិកម្ពុជា និងគណបក្សសម្ព័ន្ធដើម្បីប្រជាធិបតេយ្យ។ ចំពោះគណបក្ស២ទៀត គឺហ៊្វុនស៊ីនប៉ិច និង សាធារណរដ្ឋប្រជាធិបតេយ្យ គ.ជ.ប.កំពុងតែបន្តពិនិត្យ។
បើយោងតាមប្រសាសន៍របស់អគ្គលេខាធិការគ.ជ.ប. លោកទេព នីថា នៅថ្ងៃនេះ គណបក្សនយោបាយដែលនឹងប្រកួតប្រជែងក្នុងពេលខាងមុខនោះទំនងជាមានមិនលើសពី៦ឬ៧គណបក្សឡើយ។ លោកទេព នីថា បន្តថា ដោយមិននិយាយអំពីគណបក្សសង្គ្រោះជាតិ វាអាចមានគណបក្សខ្មែរឈប់ក្រមួយទៀត ដែលអាចសុំចុះឈ្មោះចូលរួមក្នុងការបោះឆ្នោតខាងមុខដែរ៕
No comments:
Post a Comment
yes