លោក សម រង្ស៊ី ប្រធានគណបក្ស សង្ក្រោះជាតិ ដ៏មានប្រជាប្រិយភាព
មេដឹកនាំគណបក្សប្រឆាំង លោក សម រង្ស៊ី អះអាងថា
ដំណោះស្រាយនយោបាយ នឹងកើតមានឡើង
សម្រាប់ការវិលត្រលប់មកវិញរបស់លោក
ដើម្បីចូលរួមប្រកួតប្រជែងការបោះឆ្នោតថ្នាក់ជាតិឆ្នាំ២០១៣
ខណៈគណបក្សរបស់លោកកំពុងចរចាជាមួយនិងគណបក្សកាន់អំណាច។
ប្រធានគណបក្សសង្គ្រោះជាតិ លោក សម រង្ស៊ី
ប្រាប់វិទ្យុអាស៊ីសេរី ក្នុងទីក្រុងវ៉ាស៊ីនតោនថ្មីៗនេះថា គណបក្សរបស់លោក
បានកំពុងចរចាជាមួយនឹងគណបក្សប្រជាជន ក្នុងក្របខណ្ឌនយោបាយមួយ
ដើម្បីធានាថា លោកអាចត្រលប់មកកម្ពុជាវិញ
ដើម្បីចូលរួមការបោះឆ្នោតជ្រើសតាំងតំណាងរាស្ត្រ អាណត្តិទី៥នេះ។
លោកបង្ហាញគោលជំហរថា
បើគ្មានការចូលរួមរបស់លោកក្នុងនាមជាមេដឹកនាំគណបក្សប្រឆាំង
ដើម្បីប្រកួតប្រជែងជាមួយគណបក្សកាន់អំណាចទេនោះ
ការបោះឆ្នោតនៅថ្ងៃខាងមុខនេះ នឹងមិនមានន័យឡើយ។
កន្លងមកទាំងសហរដ្ឋអាមេរិក សហភាពអឺរ៉ុប សភាអន្តរជាតិ IPU ប្រទេសអូស្ត្រាលី ព្រឹទ្ធសភាប្រទេសហ្វីលីពីន សុទ្ធតែធ្លាប់ស្នើ
លោកសមរង្ស៊ី ត្រឡប់មកកម្ពុជា ឲ្យបានមុនការបោះឆ្នោត។ ទាក់ទងនឹងករណីនេះ
លោកនាយករដ្ឋមន្ត្រី ហ៊ុន សែន និង
មន្ត្រីជាន់ខ្ពស់របស់គណបក្សប្រជាជនកម្ពុជាផ្សេងទៀត លើកឡើងជាញឹកញាប់ថា
មិនមានការចរចាណាមួយទេ ហើយថា ករណីលោកសម រង្ស៊ី គឺរឿងរបស់តុលាការ៕
No comments:
Post a Comment
yes