ស្លាកគណបក្សសង្គ្រោះជាតិនៅឃុំថ្មីស្រុកកំពង់រោទិ៍ខេត្តស្វាយរៀងត្រូវជនមិនស្គាល់មុខលួចកាច់បំបាក់

លោក រៀល ខេមរិន្ទ្រ ប្រធានក្រុមការងារគណបក្សសង្គ្រោះជាតិ និងសហការី ចុះទៅពិនិត្យ និងលើកស្លាកគណបក្សដែលត្រូវជនមិនស្គាល់មុខលួចកាច់បំបាក់នៅស្រុកកំពង់់រោទិ៍

ជាថ្មីម្តងទៀតស្លាកគណបក្សសង្គ្រោះជាតិកាលពីយប់ថ្ងៃទី០២ខែមិថុនាឆ្នាំ២០១៣នៅភូមិជប់ ព្រីង ឃុំថ្មី ស្រុកកំពង់រោទិ៍ ខេត្តស្វាយរៀង ត្រូវបានជនមិនស្គាល់មុខលួចកាច់បំបាក់ ។

ទង្វើរដែលពួកគេបាននិងកំពុងតែប្រព្រឹត្តធ្វើបែបនេះមកលើគណបក្សសង្គ្រោះជាតិ ដោយ​សារតែអ្នកទាំងនោះ បាននិងកំពុងតែខ្លាចពីប្រជាប្រិយភាពរបស់គណបក្សសង្គ្រោះជាតិ ដែលកំពុងតែទទួលការគាំទ្រយ៉ាងខ្លាំងពីពលរដ្ឋ ដែលតាមការស្ទង់មតិ សម្រាប់ការ​បោះ​ឆ្នោតជាតិអាណត្តិទី៥នេះ គណបក្សសង្គ្រោះជាតិ ដែលមានលេខរៀងទី៧ និងទទួលបាន ជោគជ័យយ៉ាងត្រចេះត្រចង់ជាទីបំផុត ៕