បន្ទាប់ពីការបោះឆ្នោតជ្រើសតាំងតំណាងរាស្ត្រនិតិកាលទី៥ ដែលបានបើកដំណើរការតាំងពីម៉ោង៧ព្រឹក និង បិទបញ្ចប់នៅម៉ោង៣រសៀល ការរាប់សន្លឹកឆ្នោតក៏បានធ្វើឡើងនៅតាមមណ្ឌល ការិយាល័យទូទាំងប្រទេសភ្លាមៗនោះដែរ។
នៅឯទីស្នាក់ការគណបក្សសង្គ្រោះជាតិដែលជាគណបក្សប្រឆាំងធំនៅកម្ពុជា ក៏មានសាជិក ក៏ដូចជាអ្នកគាំទ្របាននាំគ្នារងចាំស្តាប់លទ្ធផលបណ្តោះអាសន្នដែលភ្នាក់ងាររបស់ខ្លួនធ្វើការរាយការណ៏ពីតាមមណ្ឌលការិយាល័យបោះឆ្នោតនៅទូទាំងខេត្តក្រុងមួយចំនូន។
ក្រៅពីសមាជិក និង អ្នកគាំទ្រគណបក្សសង្គ្រោះជាតិគេក៏សង្កេតឃើញក្រុមអ្នកអ្នកសារព័ត៌មានជាតិ និង អន្តរជាតិផងដែរដែលចាំស្រង់យកព័ត៌មានសំខាន់ៗ។
ទិដ្ឋភាពទូទៅនៅទីស្នាកការគណបក្សនោះសមាជិកក៏ដូចជា អ្នកគាំទ្រសុទ្ធសឹងតែសម្តែងនូវការរីករាយកចំពោះលទ្ធផលដែលខ្លួនទទួលបានព្រោះថា បើតាមការអះអាងពីសមាជិកទាំងនោះពួកគេមានសង្ឃឹមច្រើន។ ប៉ុន្តែយ៉ាងណាក៏ដោយលទ្ធផលដែលពួកគេទទួលបាននោះ គឺគ្រាន់តែជាលទ្ធផលបណ្តោះអាសន្ន នឹងមិនទាន់បានគ្រប់ជ្រុងជ្រោយនៅឡើយទេ។
សូមបញ្ជាក់ថា ក្នុងចំណោមគណបក្សនយោបាយដែលបានចូលរួមប្រកួតប្រជែងបោះឆ្នោតទាំងនោះ គឺមានគណបក្សបក្សធំៗពីដែលមានការប្រកួតប្រជែងគ្នាខ្លាំងពោលគឺ គណបក្សប្រជាជនកម្ពុជា និង គណបក្សសង្គ្រោះជាតិ។
គេនឹងរកចាំមើលលទ្ធផលជាផ្លូវការនាពេលឆាប់ៗខាងមុខនេះ ថាតើគណបក្សមួយណាដែលត្រូវដឹកនាំប្រទេសកម្ពុជានាពេលខាងមុខនេះ។
No comments:
Post a Comment
yes