ព្រះសង្ឃដែលប៉ុនប៉ងយកសាក់ចាក់ដុតសម្លាប់ខ្លួន អានសារនៅលើឆាក
នាទីលានប្រជាធិបេតយ្យនៅព្រឹកថ្ងៃទី១៧ កញ្ញា ឆ្នាំ២០១៣
ព្រះសង្ឃមួយព្រះអង្គព្រះនាម សេក ឌីណា បានប៉ុនប៉ងយកសាំងចាក់ដុតសម្លាប់ខ្លួននៅលើឆាកនាទីលានប្រជាធិបតេយ្យ នៅព្រឹកថ្ងៃទី១៧ ខែកញ្ញា នេះ។
មុនពេលចាក់សាំងដុតព្រះកាយ ព្រះអង្គបានអានសារលាតត្រដាងអំពើអយុត្តិធម៌ក្នុងសង្គមដែលព្រះអង្គចោទថា ប្រព្រឹត្តដោយលោកនាយករដ្ឋមន្ត្រី ហ៊ុន សែន។ ព្រះសង្ឃ សេក ឌីណា និមន្តមកពីខេត្តកំពង់ធំ មានថេរដីកាថា ការធ្វើដូច្នេះ គឺដើម្បីជាសារឲ្យលោក ហ៊ុន សែន ភ្ញាក់រឭក ហើយឈប់ប្រព្រឹត្តអំពើអាក្រក់តទៅទៀត។ ប៉ុន្តែការព្យាយាមនេះមិនបានសម្រេចទេ ដោយសារមានការរារាំងទាន់ពេលវេលា។
ព្រឹត្តិការណ៍នេះ កើតមានឡើងនៅក្នុងមហាបាតុកម្មទាមទាររកយុត្តិធម៌ក្នុងរឿងបោះឆ្នោតរបស់គណបក្សសង្គ្រោះជាតិ នៅថ្ងៃទី៣ ដែលមានប្រជាពលរដ្ឋចូលរួមរាប់ម៉ឺននាក់។
No comments:
Post a Comment
yes