លោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ
មន្ត្រីជាន់ខ្ពស់របស់គណបក្សកាន់អំណាច អះអាងក្រោយកិច្ចជំនួបកំពូល រវាងថ្នាក់ដឹកនាំ គណ បក្សប្រជាជនកម្ពុជា និងគណបក្សសង្គ្រោះជាតិ ក្រោយអធិបតីភាពព្រះមហាក្សត្រសម្តេចព្រះនរោតម្ភសីហមុនី នៅព្រឹកថ្ងៃសៅរនេះថា បានប្រព្រឹត្តទៅក្នុងភាពយល់ចិត្តគ្នា អាចឈានទៅរកការបង្កើត រដ្ឋាភិបាលថ្មីបានដោយគ្មានឧបសគ្គ។
រដ្ឋមន្ត្រីក្រសួងមហាផ្ទៃលោក ស ខេង ដែលបានចូលរួមកិច្ចជំនួបកំពូលក្នុងព្រះបរមរាជវាំង ជាមួយថ្នាក់ដឹកនាំកំពូលបក្សប្រឆាំង នៅព្រះបរមរាជវាំង ដើម្បីទំលាយភាពទ័លច្រកនយោបាយក្រោយការបោះឆ្នោត ឲ្យVODដឹងក្រោយជំនួបនៅថ្ងៃសៅរ ទី១៤ ខែកញ្ញានេះថា គណបក្សទាំងពីរ បានយល់ព្រមទទួលយកព្រះរាជតម្រិះ ពីព្រះមហាក្សត្រ ដើម្បីបង្រួបបង្រួមជាតិ សម្រាប់បង្កើតរាជរដ្ឋាភិបាលថ្មីអាណត្តិទី៥នេះ។
លោក ស ខេង ឲ្យដឹងទៀតថា ការទទួលយកនោះ ដោយសារ គណបក្សប្រឆាំងព្រមចូលប្រជុំសភា លើកដំបូង ដែលគ្រោងធ្វើនៅថ្ងៃ២៣ ខែកញ្ញានេះ តាមការកោះប្រជុំរបស់ព្រះមហាក្សត្រ គឺនូវចំនួន តំណាងរាស្ត្រ ៦៨ទល់និង៥៥ ដូចលទ្ធផលផ្លូវការ ដែលប្រកាសដោយ គណៈកម្មាធិការជាតិរៀបចំការបោះឆ្នោត និងយន្តការផ្សេងៗទៀត ដើម្បីបង្កើតរាជរដ្ឋាភិបាលថ្មីក្រោយការបោះឆ្នោត។
VODមិនទាន់អាចទាក់ទង មេដឹកនាំគណបក្សសង្គ្រោះជាតិ ជុំវិញកាលើកឡើងរបស់មន្ត្រីជាន់ខ្ពស់ គណបក្សប្រជាជនកម្ពុជានៅឡើយទេ។ ប៉ុន្តែកន្លងទៅបក្សប្រឆាំងមួយនេះ ធ្លាប់ច្រានចោលលទ្ធផលនេះ ដោយចាត់ទុកថា ជាលទ្ធផលលួចបន្លំ និងគំរាមធ្វើមហាបាតុកម្ម ដើម្បីជំរុញឲ្យបង្កើតគណៈកម្មការឯករាជ ស៊ើបអង្កេតភាពមិនប្រក្រតី នៃដំណើរការបោះឆ្នោតនេះ៕
ប្រភពពី VOD
No comments:
Post a Comment
yes