ទិដ្ឋភាពរមណីយដ្ឋានគិរីរម្យ នៅក្នុងឱកាសថ្ងៃបុណ្យភ្ជុំបិណ្ឌ។ ដោយសារនៅតាមដងផ្លូវអមទៅដោយព្រៃឈើ ដើមស្រល់ ហើយត្រូវធ្វើដំណើរឆ្លងកាត់ឡើងចុះជម្រាលភ្នំដ៏វែងអន្លាយជាមួយនឹងខ្យល់អាកាសបរិសុទ្ធ ហ៊ុមព័ទ្ធទៅដោយទេសភាពគួរជាទីគយគន់ក្រៃលែង។
មុននឹងទៅដល់កន្លែងមុជទឹកជ្រោះដ៏ត្រជាក់នៅលើភ្នំកណ្តាលព្រៃព្រឹក្ស គិរីរម្យបានទាក់ទាញភ្ញៀវទេសចរជាតិយ៉ាងច្រើនចូលទៅទស្សនា នៅក្នុងថ្ងៃបុណ្យភ្ជុំបិណ្ឌ នាប៉ុន្មានថ្ងៃកន្លងមកនេះ។ ក៏ប៉ុន្តែផ្លូវបែកភក់ រអិល កន្លែងខ្លះមានជង្ហុក រហូតដល់ទៅជាប់ផុងរថយន្ត និងស្ពានឈើខ្លះចាស់ទ្រុឌទ្រោម បានបង្កការលំបាកដល់អ្នកដែលចូលទៅទស្សនានៅតំបន់នោះ។
អ្នកទៅទស្សនាតំបន់ទេសចរណ៍ធម្មជាតិមួយនេះជាច្រើនបានចោទជាសំណួរ ចំពោះការតម្រូវឲ្យរថយន្តគ្រួសារមួយគ្រឿងបង់ប្រាក់សរុបចំនួន ៦ ពាន់រៀល ប៉ុន្តែមិនព្រមធ្វើផ្លូវឲ្យបានស្អាត។
ប្រភពពី ភ្នំពេញប៉ុស្តិ៍
No comments:
Post a Comment
yes