ក្រុមបាតុករប្រឆាំងនឹងរដ្ឋាភិបាលថៃ។ បាតុកម្មនេះបានធ្វើឲ្យប៉ះ
ពាល់ដល់ទំនុកចិត្តអតិថិជន។ B.g
អគ្គនាយកផ្នែកស្រាវជ្រាវសេដ្ឋកិច្ចប្រចាំធនាគារកណ្តាលថៃ បានថ្លែងថា ការធ្លាក់ចុះទំនុកចិត្តអតិថិជនដែលបង្កឡើងដោយសារការធ្វើបាតុកម្ម នយោបាយដែលកំពុងបន្តកើតឡើងនៅប្រទេសថៃនោះ អាចជំរុញឲ្យសន្ទស្សន៍អារម្មណ៍ចំពោះការចំណាយឯកជននៅចុងឆ្នាំ ធ្លាក់ចុះ។
លោកស្រី Roong Mallikamas បានថ្លែងថា៖ «ដោយសារសូចនាករសេដ្ឋកិច្ចរបស់ធនាគារកណ្តាលកាលពីខែតុលាមិនបាន រាប់បញ្ចូលបាតុកម្មនយោបាយកាលពីខែវិច្ឆិកានោះ សន្ទស្សន៍អារម្មណ៍អតិថិជនអាចបន្តធ្លាក់ចុះ ហើយចុងក្រោយនឹងធ្វើឲ្យប៉ះពាល់ដល់ការចំណាយឯកជន»។
លោកស្រី Mallikamas បានបដិសេធអធិប្បាយថាតើតម្រូវការប្រើប្រាស់ក្នុងស្រុកអាចនឹងបន្តធ្លាក់ចុះដែរឬយ៉ាងណានោះ តែ លោកស្រីបានបញ្ជាក់យ៉ាងខ្លីពីការបន្តចំណាយលើទំនិញប្រើប្រាស់ដែល មិនមែនជាទំនិញប្រើប្រាស់បានយូរ និងការធ្លាក់ចុះការចំណាយលើការទិញរថយន្ត និងទំនិញប្រើប្រាស់បានយូរ។
សន្ទស្សន៍តម្រូវការប្រើប្រាស់ឯកជននៅខែតុលាបានបង្ហាញកំណើនសូន្យភាគរយធៀបនឹងរយៈពេលដូចគ្នាកាលពីឆ្នាំមុន ខណៈប្រជាពលរដ្ឋថៃនៅតែបន្តប្រុងប្រយ័ត្ន នៅពេលប្រឈមនឹងការធ្លាក់ចុះទំនុកចិត្ត និងកំណើនបំណុលគ្រួសារ។
តម្រូវការទំនិញប្រើប្រាស់មិនបានយូរ ជាពិសេសការនាំចូលគ្រឿងម៉ាស៊ីនដែលប្រើប្រាស់មិនបានយូរ គ្រឿងអេឡិចត្រូនិក និងឥន្ធនៈ បានកើនឡើងក្នុងកម្រិតមធ្យម តែការចំណាយលើទំនិញប្រើប្រាស់ជាប់បានយូរបានធ្លាក់ចុះខ្លាំង ធៀបនឹងកំណើនខ្ពស់ក្នុងរយៈពេលដូចគ្នាកាលពីឆ្នាំមុន នៅពេលដែលកម្មវិធីបង្វិលប្រាក់ពន្ធដល់អ្នកទិញរថយន្តលើកដំបូងបាន បញ្ចប់។
កាលពីថ្ងៃពុធ គណៈកម្មាធិការរៀបចំគោលនយោបាយរូបិយវត្ថុរបស់ធនាគារកណ្តាលថៃ បានទម្លាក់អត្រាការប្រាក់គោលដោយគ្មានការគ្រោងទុកចំនួន០,២៥ភាគរយមកនៅត្រឹម២,២៥ភាគរយ បន្ទាប់ពីប្រទេសនេះសម្រេចបានកំណើនសេដ្ឋកិច្ចទាបនៅត្រីមាសទីបី និងទទួលរងនូវកំណើនហានិភ័យនៃការធ្លាក់ចុះសេដ្ឋកិច្ច ដែលបង្កឡើងមួយផ្នែកដោយភាពតានតឹងផ្នែកនយោបាយនៅប្រទេសនេះ៕
No comments:
Post a Comment
yes