អនុគណៈកម្មការជ្រើសរើសនិងត្រួតពិនិត្យលក្ខណសម្បត្ដិនិស្សិត សិស្សរបស់ក្រសួងការពារជាតិ បាន រៀបចំក្រុមការងារជ្រើសរើសដោយ មានសមាសភាពចូលរួមមកពីបណ្ដាកងឯកភាពនាយកដ្ឋានបុគ្គលិក នាយកដ្ឋានអធិការកិច្ច នាយកដ្ឋាននីតិកម្ម នាយកដ្ឋានព័ត៌មាន សាកលវិទ្យាល័យ ការពារជាតិ មន្ទីរពេទ្យព្រះកេតុមាលា ទីចាត់ការបុគ្គលិក ទីចាត់ការហ្វឹកហ្វឺន ការិយាល័យទី១ កងទ័ពជើងគោក និង បញ្ជាការដ្ឋានជាតិកម្លាំងពិសេសប្រឆាំងភេរវកម្ម ។
សមាសភាពក្រុមការងានេះមានភារកិច្ចធ្វើការងារជ្រើសរើសដោយអនុ វត្ដតាមប្រកាស និងកម្មវិធីជ្រើសរើស របស់ក្រសួងការពារជាតិ ដោយសហ ការរៀបចំទីកន្លែងជ្រើសរើស ប្រព័ន្ធ ផ្សព្វផ្សាយ មានស្ថានីយវិទ្យុ ទូរទស្សន៍ ខ.ភ.ម ដើម្បីផ្សព្វផ្សាយសេចក្ដីជូន ដំណឹង ឱ្យបានដល់មូលដ្ឋានភូមិ-ឃុំ ឬសង្កាត់ សំដៅឱ្យបេក្ខជន និស្សិត សិស្សទាំង២ភេទដែលរស់នៅតាម បណ្ដាខេត្ដឆ្ងាយៗ មួយចំនួនបានជ្រួត ជ្រាបនូវខ្លឹមសារនៃសេចក្ដីជូនដំណឹង នេះ ។ ចំពោះទីកន្លែងជ្រើសរើសតាម បណ្ដាយោធភូមិភាគធ្វើជាសេនាធិការឱ្យអនុគណៈកម្មការជ្រើសរើសងាយ ស្រួលបូកសរុបរបាយការណ៍ជូនក្រសួងការពារជាតិ ។
ការរៀបចំទីកន្លែងនេះ ដើម្បីបង្ក លក្ខណងាយស្រួលដល់បេក្ខជននិស្សិត សិស្សទាំង២ភេទដែលមានទីលំនៅតាមបណ្ដាខេត្ដឆ្ងាយៗមួយចំនួនជួបបញ្ហាក្នុងការចំណាយលើមធ្យោបាយនិងកន្លែង ស្នាក់នៅ ។ ទីកន្លែងជ្រើសរើសមានដូច ជានៅសាកលវិទ្យាល័យការពារជាតិ យោធភូមិភាគទី១-២-៣-៤និងទី៥ ។ ចាប់ផ្ដើមចែកពាក្យចូលប្រឡងចាប់ពី ថ្ងៃទី១២ ខែវិច្ឆិកា ដល់ថ្ងៃទី២៦ ខែធ្នូ ឆ្នាំ២០១៣ ។ បេក្ខជន និស្សិត សិស្ស ទាំង២ភេទដែលមានបំណងស្ម័គ្រចិត្ដ ដាក់ពាក្យសុំចុះឈ្មោះចូលប្រឡងជ្រើសរើសវគ្គនាយទាហានទាំង៣ជំនាន់ ត្រូវ ផ្អែកតាមការប្រកាសរបស់ក្រសួងការពារជាតិ ។
លោកវរសេនីយ៍ឯក ងួន តារា នាយការិយាល័យបណ្ដុះបណ្ដាលនាយកដ្ឋាន បុគ្គលិកក្រសួងការពារជាតិ និងជាសមាជិក អនុគណៈកម្មការជ្រើសរើសបានឱ្យ ដឹងកាលពីថ្ងៃទី៦ ខែធ្នូ ឆ្នាំ២០១៣ថា ចំពោះតួលេខនៃការបណ្ដុះបណ្ដាលដូច ជានាយទាហានសកម្មទាំង១៧ជំនាន់បាន ចំនួន១.៥៧១នាក់ នាយទាហានទ័ពជើង គោក៥ជំនាន់ចំនួន ១.០៤១នាក់ និងនាយទាហានបន្ដវេន៦ជំនាន់ចំនួន ១.៧៥០នាក់ ។ ចំពោះអត្ថប្រយោជន៍ មានចែងក្នុងសេចក្ដីប្រកាសរបស់ក្រសួងការពារជាតិ លេខ០៤៤ប្រ.ក២០១៣-០៤៥ប្រ.ក២០១៣និង០៤៦ប្រ.ក២០១៣ ដែលចុះហត្ថលេខាដោយលោកនាយឧត្ដមសេនីយ៍ ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិ កាលពីថ្ងៃទី២៦ ខែកញ្ញា ឆ្នាំ២០១៣ ដែល មានបិទផ្សាយនៅតាមទីតាំងដូចដែលបានរៀបរាប់ជូនខាងលើ ៕
No comments:
Post a Comment
yes