ព្រះសង្ឃ និងពលរដ្ឋមកពីបណ្តាខេត្តចំនួន៥ រួមនឹងសកម្មជនសិទ្ធិមនុស្ស នៅថ្ងៃចន្ទនេះ បន្តដើរដង្ហែក្បួនឆ្ពោះមករាជធានីភ្នំពេញ ចូលរួមអបអរទិវាសិទ្ធិមនុស្សអន្តរជាតិ ១០ធ្នូ ខួបលើកទី៦៥ នៅរាជធានីភ្នំពេញ ដើម្បីជំរុញឲ្យរាជរដ្ឋាភិបាលបញ្ឈប់ការរំលោភសិទ្ធិមនុស្សនៅកម្ពុជា។
តំណាងប្រជាពលរដ្ឋមកពីខេត្តកំពង់ស្ពឺ លោក ផល វណ្ណៈ ឲ្យដឹងថា ព្រះសង្ឃជាង៣០អង្គ និងពលរដ្ឋជាង៣០នាក់ កំពុងបន្តដង្ហែក្បួន មកដល់វត្តកន្សែងសំ ស្រុកថ្ពង ខេត្តកំពង់ស្ពឺ។ លោកថា ការដង្ហែក្បួនរយៈពេលពីរថ្ងៃនេះ មិនមានការរារាំងពីអាជ្ញាធរទេ ហើយប្រជាពលរដ្ឋនៅតាមភូមិ បានចូលរួមដង្ហែ និងផ្តល់ជាសម្ភារមួយចំនួនដូចជា ទឹកសុទ្ធ បាយ ថវិកា ដល់ក្រុមអ្នកដង្ហែក្បួន។
លោក ផល វណ្ណៈ ឲ្យដឹងទៀតថា ប្រជាពលរដ្ឋមកពីខេត្តចំនួន៤ផ្សេងទៀត ដូចជា ស្វាយរៀង ពោធិ៍សាត់ កំពង់ធំ និងខេត្តកំពត ក៏កំពុងដើរមកភ្នំពេញផងដែរ។ លោកបញ្ជាក់ថា អំទ្បុងក្បួនដង្ហែ ព្រះសង្ឃ និងពលរដ្ឋ ក៏ផ្សព្វផ្សាយពីទិវាសិទ្ធិមនុស្សអន្តរជាតិ១០ធ្នូ ផងដែរ។
ព្រះសង្ឈ និងប្រជាពលរដ្ឋ មកពីបណ្តាខេត្តទាំង៥ ចាប់ផ្តើមក្បួនដង្ហែ ពីថ្ងៃទី១ ខែធ្នូ ហើយនឹងមកដល់ភ្នំពេញ នៅថ្ងៃទី១០ ខែធ្នូ៕
No comments:
Post a Comment
yes