សមត្ថកិច្ចដាក់របាំងបិទផ្លូវ នៅចំណុចស្ពាននាគ ក្បែរវត្តភ្នំ នៅថ្ងៃ
ទី២៦ខែមករានេះ (រូបថត ពេជ្រ សុធារី)
សមត្ថកិច្ចចម្រុះជាច្រើនរយនាក់ ត្រូវបានដាក់ពង្រាយ និងដាក់របាំងបិទផ្លូវជុំវិញទីលានប្រជាធិបតេយ្យ នៅព្រឹកនេះ ខណៈសហព័ន្ធសហជីព និងសមាគមទាំង៩ គ្រោងធ្វើបាតុកម្មទារទារដោះលែងសកម្មជនសិទ្ធិមនុស្ស ដីធ្លី និងកម្មករ២៣នាក់ និងដំទ្បើងប្រាក់ឈ្នួលកម្មករគ្រប់វិស័យយ៉ាងតិច១៦០ដុល្លារក្នុងមួយខែ។
នៅព្រលឹមស្រាងៗថ្ងៃអាទិត្យនេះ គេសង្កេតឃើញសមត្ថកិច្ចចម្រុះជាច្រើនរយនាក់ មានប៉ូលិសចរាចរណ៍ ក្រុមបង្ក្រាបបាតុកម្ម និងក្រុមពាក់អាវស៊ីវិល ដែលពាក់មួកខ្មៅ បានឈរត្រៀបត្រា និងដាក់រនាំងដែកបិទផ្លូវនៅចំណុចស្ពាននាគ ក្នុងសង្កាត់វត្តភ្នំ និងផ្លូវមួយចំនួនទៀត ជុំវិញទីលានប្រជាធិបតេយ្យ ដោយមិនអនុញ្ញាតឲ្យនណាម្នាក់ចូលទៅកាន់ទីនោះទេ។
ការបិទផ្លូវ និងពង្រឹងសន្តិសុខនេះនៅទីលានប្រជាធិបតេយ្យនេះ ធ្វើឡើងខណៈដែលសហព័ន្ធសហជីព និងសមាគមចំនួន ៩ ធ្វើការជាមួយកម្មករគ្រប់វិស័យ នៅព្រឹកនេះ គ្រោងធ្វើបាតុកម្មដោយមានការចូលរួមពីកម្មករ អ្នករត់ម៉ូតូឌុប អ្នករត់ម៉ូតូកង់បី អាជីវករ សិស្ស និស្សិត មន្ត្រីរាជការ និងពលរដ្ឋប្រមាណ១០០០០នាក់ តវ៉ាទាមទារឲ្យដោះលែងសកម្មជនសិទ្ធិមនុស្ស ដីធ្លី និងកម្មករ២៣នាក់ និងដំទ្បើងប្រាក់ឈ្នួលកម្មករគ្រប់វិស័យយ៉ាងតិច១៦០ដុល្លារក្នុងមួយខែ។
តែទោះជាយ៉ាងណា កាលពីថ្ងៃម្សិលមិញ សាលារាជធានីភ្នំពេញ បានចេញលិខិតមួយទៅប្រធានសហព័ន្ធសហជីព និងសមាគមទាំង៩នោះ មិនអនុញ្ញាតឲ្យធ្វើបាតុកម្មនេះទេ ហើយព្រមានចាត់វិធានការតាមផ្លូវច្បាប់ទៅលើថ្នាក់ដឹកនាំសហជីពទាំងនោះ ប្រសិនបើបាតុកម្ម និងការដង្ហែក្បួនណាមួយ ធ្វើប៉ះពាល់ដល់សណ្តាប់ធ្នាប់សង្គម និងមានការប៉ះទង្គិច។ លិខិតដដែល បន្តថា រាជរដ្ឋាភិបាលបាននិងកំពុងដំណើរការស្រាវជ្រាវ និងដោះស្រាយ ចំពោះសំណើរនោះហើយ ដោយសាលារាជធានីភ្នំពេញ ស្នើសុំឲ្យមានភាពស្ងៀមស្ងាត់ ទុកពេលឲ្យរាជរដ្ឋាភិបាលដោះស្រាយទៅតាមយន្តការរបស់ខ្លួន ដើម្បីរក្សានូវសណ្តាប់ធ្នាប់សង្គម ជៀសវាងកើតមានភាពចលាចលក្នុងសង្គមជាថ្មីឡើងវិញទៀត៕
No comments:
Post a Comment
yes