លោក គួយ ប៊ុនរឿន ប្រធានក្រុមការងារគណបក្សសង្គ្រោះជាតិ
ខេត្តកំពង់ចាម
នៅក្នុងខេត្តកំពង់ចាម អ្នកគាំទ្រគណបក្សប្រជាជនកម្ពុជាច្រើនរយនាក់នាំគ្នាមកឈរនៅពីមុខស្នាក់ការគណបក្សសង្គ្រោះជាតិនៅក្នុងស្រុកកំពង់សៀម រីឯសមាជិកគណបក្សប្រឆាំងស្ថិតនៅម្ខាងទៀត។ ពួកគេស្ថិតនៅទល់មុខគ្នា ប៉ុន្តែមិនប្រឈមហិង្សាដាក់ទេគ្នា ខណៈពេលដែលការប៉ះទង្គិចគ្នារវាងបាតុករ និងកងកម្លាំងនៅទីលានប្រជាធិបតេយ្យនៅតែបន្ត។
លោក គួយ ប៊ុនរឿន តំណាងរាស្ត្រជាប់ឆ្នោតគណបក្សសង្គ្រោះជាតិបានថ្លែងប្រាប់ពីទីតាំងកើតហេតុនៅក្នុងខេត្តកំពង់ចាមនៅព្រឹកថ្ងៃអាទិត្យមកថា នៅវេលាម៉ោងជាង១០ព្រឹកថ្ងៃអាទិត្យនេះ អ្នកគាំទ្រគណបក្សប្រជាជនកម្ពុជាច្រើនរយនាក់ និងអ្នកគាំទ្រគណបក្សសង្គ្រោះជាតិច្រើនរយនាក់ដូចគ្នា នៅឈរទល់មុខដាក់គ្នានៅមុខទីស្នាក់ការគណបក្សសង្គ្រោះជាតិនៅក្នុងស្រុកកំពង់សៀមខេត្តកំពង់ចាម ដោយមានកងកម្លាំងនគបាលនៅឈរស្រាក់ដៃគ្នាចំកណ្តាលដើម្បីចៀសវាងការប្រឈមុខដាក់គ្នា។
លោក គួយ ប៊ុនរឿន បានចោទប្រកាន់ថា អ្នកគាំទ្រគណបក្សប្រជាជនកម្ពុជា និងអាជ្ញាធរព្យាយាមរំខានសមាជិកអ្នកគាំទ្រគណបក្សសង្គ្រោះជាតិដែលគ្រោងមកជួបជុំគ្នាស្តាប់សេចក្តីថ្លែងការណ៍របស់លោក កឹម សុខា នៅព្រឹកថ្ងៃអាទិត្យនេះ។រហូតមកដល់ម៉ោងជាង១០ព្រឹកនេះ លោក កឹម សុខា មិនទាន់បានចាកចេញពីសណ្ឋាគាររបស់លោកនៅឡើយទេ ដោយសារ មានការរំខាន់ផ្សេង។
ចំណែកឯនៅរាជធានីភ្នំពេញវិញ សហជីពទាំង៩ ដែលគ្រោងជួបជុំសម្តែងមតិនៅទៅលានប្រជាធិបតេយ្យមិនអាចជួបជុំគ្នាបានទេ ដោយសារមានការរំខានពីកងកម្លាំងប្រដាប់អាវុធ ព្រមទាំងមានការប៉ះទង្គិចគ្នាថែមទៀតផង។
អាជ្ញាធរនៃប្រទេសកម្ពុជាធ្លាប់បានអត្ថាធិប្បាយជាច្រើនលើកច្រើនសារមកហើយថា ពួកគេមានកាតព្វកិច្ចទទួលខុសត្រូវរក្សាសុវត្ថិភាព និងសន្តិសុខជូនប្រជាជពលរដ្ឋទាំងអស់៕
No comments:
Post a Comment
yes