លោកស្រី យីង ឡាក់ នាយករដ្ឋមន្រ្តី នៃព្រះរាជាណាចក្រថៃ
(រូបភាពពី៖ AFP)
C
នាយករដ្ឋមន្ត្រីថៃ លោកស្រី យីង ឡាក់ រងបទចោទពីបណ្តាញប្រឆាំងអំពើពុករលួយថា ធ្វេសប្រហែសក្នុងការបំពេញកាតព្វកិច្ចផ្តល់ដើមទុនដល់កសិករ ចំពោះគោលនយោបាយទិញស្រូវ ហើយអាចប្រឈមនិងការដេញចេញពីតំណែង។
បណ្តាញប្រឆាំងអំពើពុករលួយចេញសេចក្តីប្រកាស នៅថ្ងៃអង្គារនេះថា ក្រុមនេះរកឃើញលោកស្រី យីង ឡាក់ មិនអើពើក្នុងការបំពេញកាតព្វកិច្ច តាមការសន្យាមុនពេលបោះឆ្នោត ចំពោះការឧបត្ថម្ភទុនដល់កសិករធ្វើស្រែ។ លោកស្រី យីង ឡាក់ ត្រូវទៅបំភ្លឺតាមការចោទប្រកាន់នៅថ្ងៃទី២៧ ខែកុម្ភៈ។ លោកស្រី យីង ឡាក់ ប្រឈមនិងបណ្តេញចេញពីតំណែងប្រសិនបើរកឃើញថា មានកំហុសដូចការចោទប្រកាន់មែន។
អំពើពុករលួយក្នុងគោលនយោបាយទិញស្រូវ របស់លោកស្រី យីង ឡាក់ កំពុងក្លាយជាប្រធានបទសំខាន់ ដែលបាតុករកំពុងយកទៅប្រើដើម្បីតវ៉ាទាមទារឲ្យលោកស្រី ចុះចេញពីតំណែង ព្រោះថា ធ្វើឲ្យបាត់បង់ថវិការដ្ឋ។
សេចក្តីប្រកាសរបស់បណ្តាញប្រឆាំងអំពើពុករលួយនេះ ធ្វើឡើងតែប៉ុន្មានម៉ោងក្រោយពេលដែលសមត្ថកិច្ចប៉ះទង្គិច ជាមួយបាតុករនៅក្បែរវិមានរដ្ឋាភិបាល៕
No comments:
Post a Comment
yes