សាលារាជធានីភ្នំពេញ នឹងដាក់សម្ពោធឲ្យប្រើប្រាស់សេវាកម្មរថយន្តក្រុងសាធារណៈសាកល្បង នៅលើមហាវិថីព្រះមុនីវង្ស ចាប់ផ្តើមពីថ្ងៃទី៥ ខែកុម្ភៈ ស្អែកនេះ ដល់ថ្ងៃទី៤ ខែមីនា ឆ្នាំ២០១៤។
អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ ឲ្យដឹងនៅព្រឹកថ្ងៃអង្គារនេះថា ពិធីសម្ពោធសេវាកម្មរថយន្តក្រុងសាធារណៈនេះ នឹងធ្វើឡើងនៅខាងមុខស្ថានទូតបារាំង បណ្តោយផ្លូវព្រះមុនីវង្ស វេលាម៉ោង ៧ និង៣០នាទីព្រឹក ក្រោមអធិបតីភាពអភិបាលរាជធានីភ្នំពេញ លោក ប៉ា សុជាតិវង្ស ក្រោមកិច្ចសហការជាមួយទីភ្នាក់ងារសហប្រតិបត្តិការអន្តរជាតិជប៉ុន (JICA)។
លោក ឡុង ឌីម៉ង់ បន្តថា តាមគម្រោងសាលារាជធានីភ្នំពេញ នឹងដាក់ដំណើរការសាកល្បងរថយន្តក្រុង ចំនួន១០គ្រឿង តាមបណ្តោយមហាវិថីផ្លូវព្រះមុន្នីវង្ស ចំនួន ៣៦ចំណត ចាប់ពីចំណតរង្វង់មូលស្តាតចាស់ មកដល់ចំណតគល់ស្ពានច្បារអំពៅ ក្នុងតម្លៃត្រឹម ១៥០០រៀល ក្នុង១ជើង។
កាលពីឆ្នាំ២០០១ កម្ពុជា បានដាក់ឲ្យប្រើប្រាស់សេវានេះម្តងរួចមកហើយ តែបរាជ័យទៅវិញ ដោយសារការមិនចាប់អារម្មណ៍ ពីអ្នកធ្វើដំណើរ និងកង្វះខាតជំនួយ៕
No comments:
Post a Comment
yes