នយោបាយគណបក្សប្រជាជនគឺជានយោបាយសម្លាប់ពលរដ្ឋរបស់ខ្លួន

ប្រទេសកម្ពុជា ក្រោមការដឹកនាំរបស់គណបក្សប្រជាជន អស់រយៈពេលជាង៣៤ឆ្នាំកន្លងមកនេះ ពោរពេញទៅដោយគ្រប់បញ្ហា ដែលធ្វើឲ្យប៉ះពាល់ដល់ការរស់នៅរបស់ប្រជាពលរដ្ឋ ដែលមាន​ដូចជា ការរំលោភសិទ្ធិមនុស្ស ដីធ្លី អំពើពុករលួយ និង វិនាសកម្មព្រៃឈើជាដើម ។

ក្នុងនោះជារៀងរាល់ថ្ងៃ មានប្រជាពលរដ្ឋរងគ្រោះជាច្រើន នៅស្ទើទូទាំងប្រទេស បានស្រែក​ដង្ហើយហៅរកយុត្តិធម៌ ពិសេសករណីរំលោភយកដីធ្លី ពីសំណាក់ក្រុមហ៊ុនយួន ចិន និងឈ្មួញ​ទុច្ចរឹត ដោយសំអាងថាពួកគេបានទទួលការសម្បទានដី ពីរដ្ឋាភិបាលរបស់លោក ហ៊ុន សែន ។

ជាក់ស្តែងនៅខេត្តមណ្ឌលគិរី ប្រជាពលរដ្ឋជាច្រើនគ្រួសារ បាននិងកំពុងតែរងគ្រោះដោយការរំ លោភដីធ្លី ពីសំណាក់ក្រុមហុន ចិន និងយួន ក៏ដូចជាក្រុមហ៊ុចទុច្ចរឹតជាច្រើនទៀតផងដែរ ដែល ជាមន្រ្តីមានអំណាច ស្និតជាមួយនិងលោក ហ៊ុន សែន ។

ក្នុងឱកាសជួបជាមួយលោកប្រធាន សម រង្ស៊ី និងលោកអនុប្រធាន កឹម សុខា ព្រមទាំងថ្នាក់ដឹក នាំគណបក្សសង្គ្រោះជាតិជាំច្រើនរូបទៀត កាលពីថ្ងៃទី២៦ ឧសភា ២០១៤ នៅឃុំស្រែទុំ ស្រុក​កែវសីមា ខេត្តមណ្ឌលគិរី ស្រ្តីរងគ្រោះដោយការរំលោភយកដី ពីសំណាក់ក្រុមហ៊ុន បានលើក​ឡើងថា ដីរបស់គាត់មានចំនួន៥ហិតាត្រូវបានក្រុមហ៊ុនរំលោភយកទាំងកំរោល ហើយគ្មាន​អាជ្ញាធរណាជួយដោះស្រាយឡើយ ។

គាត់ថា បន្តបន្ទាប់រូបគាត់បានបង្ហាញឯកសារនានាដែលពាក់ព័ន្ធទៅនិងដីនោះ ដល់អាជ្ញា ធរ តែជាខកចិត្តយ៉ាងខ្លាំង ព្រោះត្រូវបានអាជ្ញាធរលើកឡើងថា ការបាត់ដីទាំងនេះ ​បណ្តាលមក​ពីរូបគាត់ចូលរួមជាមួយគណបក្សសង្គ្រោះជាតិ ហើយបើរូបគាត់ចង់បានដីនោះមកវិញ គឺទាល់ តែឈប់គាំទ្រគណបក្សសង្គ្រោះជាតិ ។

ជាការឆ្លើយតបដោយសម្តីខ្លី ស្នេហាជាតិ ចុងក្រោយ ស្រី្តរូបនោះបានលើកឡើងថា រូបគាត់ស៊ូ​បាត់ដី៥ហិតា តែមិនឲ្យបាត់ជាតិឡើយ ហើយគ្មានថ្ងៃដែលរូបគាត់ងាកទៅ គាំទ្រគណ​បក្ស​ប្រ​ជាជន របស់លោក ហ៊ុន សែន នោះដែរ ព្រោះទង្វើរ ដែលគណបក្សប្រជាជនបានធ្វើសព្វថ្ងៃ គឺល្មមឲ្យពលរដ្ឋគ្រប់គ្រាន់ហើយ ។ 

លោកអនុប្រធាន កឹម សុខា លោកបានថ្លែងថា គណបក្សប្រជាជន និងលោក ហ៊ុន សែន ធ្វើ នយោបាយសព្វថ្ងៃ គឺជានយោបាយសម្លាប់ជាតិ និងពលរដ្ឋរបស់ខ្លួន ព្រោះគេមិនដែល​ខ្វល់​ពី​ទុក្ខលំបាលរបស់ពលរដ្ឋឡើយ គេយកចិត្តទុកដាក់តែក្រុមហ៊ុនចិន យួន និងឈ្មួញទុច្ចរឹត អ្នក​មានលុយ មានអំណាច មន្រ្តីពុករលួយតែប៉ុណ្ណោះ ដើម្បីបំពេញមហិតាល្មោភនិង​អំណាច​របស់​ខ្លួន ។ 

ចំណែកលោកប្រធាន សម រង្ស៊ី ថ្លែងថា គណបក្សសង្គ្រោះជាតិ នៅពេលដឹកនាំរដ្ឋាភិបាល និង ធ្វើការសើរើឡើងវិញ ដើម្បីផ្តល់យុត្តិធម៌ជូនប្រជាពលរដ្ឋ រឹបអូសយកដីធ្លីពលរដ្ឋ ដែល​ក្រុមហ៊ុន និងឈ្មួញទុច្ចរឹតរំលោភយកដោយខុសច្បាប់ និងបំពានមកប្រគល់សង ជូនពួគគាត់វិញ ព្រោះដី​ធ្លី គឺជាអាយុជីវិតរបស់ពលរដ្ឋ ។

លោកថា សូមបងប្អូនកុំព្រួយឲ្យសោះ ចាប់ពីថ្ងៃនេះតទៅយើងមានសង្ឃឹមហើយ គណបក្ស សង្គ្រោះជាតិ និងជួយបងប្អូន រកដំណោះស្រាយ ដើម្បីឲ្យបងប្អូនរស់នៅបានសមរម្យ មានដី ធ្លីធ្វើស្រែចំការ មានផ្ទះសម្បែង និងមានមុខរបបរធ្វើគ្រប់ៗគ្នា ព្រោះគណបក្សសង្គ្រោះជាតិ គឺជាក្តីសង្ឃឹមតែមួយគត់របស់ប្រជាពលរដ្ឋខ្មែរ ហើយធ្វើអ្វីគោលជំហ៊រតែមួយគត់ គឺតម្លល់ផល ប្រយោជន៏ជាតិ និងពលរដ្ឋជាធំ ។

គួរជំរាបថា ភាគឥសាន្តប្រទេស បញ្ហាទំនាស់ដីធ្លីកើតមានយ៉ាងធ្ងន់ធ្ងរ រួមជាមួយនិងវានាសកម្ម ព្រៃឈើផងដែរ ដូច្នេះប្រទេសកម្ពុជាដ៏អភព្វមួយនេះ ត្រូវការជាបន្ទាន់នូវមេដឹកនាំដែលឈ្លាសវៃ ស្អាតស្អំក្នុងការដឹកនាំប្រទេស ដើម្បីរក្សាឲ្យបាននូវសម្បត្តិធនធានធម្មជាតិ បញ្ឈប់ការរំលោភ យកដីធ្លីពលរដ្ឋ ការរំលោភសិទ្ធិមនុស្ស ការលុបបំបាត់នូវអំពើពុករលួយ បក្ខពួកនិយមការរិយា ធិបតេយ្យជាដើម ៕