​លោក​អាប់​ភី​ស៊ីតមាន​សេរីភាពខណៈ​លោកស្រី​យី​ង​ឡាក់ត្រូវបាន​ឃុំខ្លួន​

លោក​អាប់​ភី​ស៊ីត​វេចា​ជីវ៉ា​ អតីត​នាយករដ្ឋមន្ត្រីថៃ

លោកស្រី​យី​ង​ឡាក់

​ពួក​មន្ត្រី កងទ័ព​ថៃ ដែល​មក​ពី​ក្រុមប្រឹក្សាយោធា ហើយជា​អ្នកធ្វើ​រដ្ឋប្រហារដើម្បី​គ្រប់គ្រង​ស្ថានការណ៍នៅ​ក្រុងបាងកក បានប្រកាសថា លោក​អាប់​ភី​ស៊ីត​វេចា​ជីវ៉ា អតីតនាយករដ្ឋមន្ត្រីថៃ ត្រូវបាន​ដោះលែង​ឲ្យមាន​សេរីភាពវិញហើយបន្ទាប់​ពី ឧត្តមសេនីយប្រា​យុទ្ធចា​ន់​អូចា​ប្រកាសរដ្ឋប្រហារ ។


​នៅក្នុង​សន្នីសីទ​សារព័ត៌មាន នៅ​ក្រុង​បាងកក នៅ​ព្រឹក​ថ្ងៃ​សៅរ៍​ទី 24 ឧសភា  អ្នកនាំពាក្យរង​សម្រាប់ក្រុមប្រឹក្សាយោធាថៃ លោក វរៈ​សេនីយ Winthai Suvaree បាន​បញ្ជាក់​ប្រាប់ អ្នកសារព័ត៌មាន​ថា អតីត​នាយក​រដ្ឋមន្ត្រី យី​ង​ឡាក់ រួម​និង​មេដឹកនាំដទៃទៀត ហើយ​និងមេដឹកនាំទាំង​ពីរ​ក្រុមនៃ​ភាគី​ជម្លោះនយោបាយ ដែលត្រូវបានឃុំខ្លួនពួកគាត់មាន​សុវត្ថិភាពធម្មតា។ លោកវរៈសេនីយ​បញ្ជាក់ថា ពួកគាត់មិន​មាន​គ្រោះថ្នាក់​អ្វី​ទេ ។​

​អ្នកនាំពាក្យរង​សម្រាប់ក្រុមប្រឹក្សាយោធាថៃរូបនេះបន្ថែមថា អ្នក​ដែល​ត្រូវបាន​ឃុំខ្លួននឹង​បន្តឃុំឃាំងរយៈពេល ៣​ ទៅ ៥​ថ្ងៃ គឺ​មិន​អោយលើសរយៈពេល ៧​ថ្ងៃ នោះឡើយ។ ប៉ុន្តែ​នៅពេលសាកសួរអំពីជោគវាសនា​របស់​លោក​អាប់​ភី​ស៊ីត មេដឹកនាំ​គណបក្សប្រឆាំង   លោក​វរសេនីយ Winthai Suvaree បានអោយដឹងថា អតីត​នាយករដ្ឋមន្ត្រី រូបនេះ ដែល​បាន ឃាត់ខ្លួនមុនថ្ងៃ​រដ្ឋប្រហារ ត្រូវបានដោះលែង​ភ្លាមៗបន្ទាប់​ពីកងទ័ព​ប្រកាសរដ្ឋប្រហារ។ លោក​វរៈ​វេស​នី​យបញ្ជាក់ថា ក្រុមប្រឹក្សាយោធាថៃ​សម្រេចដោះលែងលោក​អាប់​ភី​ស៊ីត ព្រោះតែ មិន​រក​ឃើញ​ថាមេដឹកនាំបក្ស​ប្រជាធិបតេយ្យរូបនេះជាប់​ពាក់ព័ន្ធ​និង​អំពើ​ បះបោរ អ្វី​ឡើយ។



​រាជាណាចក្រ​ថៃស្ថិតនៅក្រោមការ​កង​គ្រប់គ្រង​របស់​កងទ័ព ចាប់ពី​ថ្ងៃ​ទី​22 ឧសភា ថៃ្ង​ដែល​លោកឧត្តមសេនីយប្រា​យុទ្ធប្រកាសរដ្ឋប្រហារ។ លោកឧត្តមសេនីយ​សន្យាថានឹង អនុញ្ញត​ឲ្យមានរបប​ស៊ីវិលឡើងវិញ ប្រសិនបើស្ថានការណ៍នៅ​ក្រុង​បាងកកមានស្ថិរភាពប្រក្រតី​ជាធម្មតា៕